Rainy Day Fitness : மழைக்காலத்தில் உங்களால் வெளியில் சென்று நடைப்பயிற்சி செய்ய முடியாவிட்டால் கீழே கொடுக்கப்பட்டுள்ள உடற்பயிற்சிகளை வீட்டுக்குள்ளேயே செய்து ஆரோக்கியமாக இருங்கள்.
மழைக்காலத்தில் ஆங்காங்கே தண்ணீர் தேங்கி இருப்பது வெளியே சென்று நடைபயிற்சி அல்லது ஜாக்கிங் செல்வது ரொம்பவே கடினம். இத்தகைய சூழ்நிலையில், வெளியே நடப்பது மற்றும் ஜாகிங் செல்வது பெரிதும் ஆபத்தானது. மீறி நடந்தால் ஆரோக்கியம் தான் பாதிக்கப்படும்.
ஆனாலும், மழைக்காலத்திலும் நீங்கள் உடற்பயிற்சி செய்ய விரும்பினால், வெளியில் சென்று நடைப்யிற்சி அல்லது ஜாக்கிங் செல்ல முடியாமல் போனாலும், அதற்கு பதிலாக வீட்டிலேயே மிகவும் எளிதாக செய்யக்கூடிய சில உடற்பயிற்சிகள் உள்ளன என்பது உங்களுக்கு தெரியுமா? எனவே மழைக்காலத்தில் நீங்கள் வெளியே சென்று நடைப்பயிற்சி செய்வதற்கு பதிலாக வீட்டிலேயே என்னென்ன உடற்பயிற்சிகளை செய்யலாம் என்று இப்போது இந்த பதிவில் பார்க்கலாம்.
இதையும் படிங்க: வேகமாக வாக்கிங் போறது ரொம்ப நல்லது.. ஆனா இந்த தவறுகளை பண்ணிட்டா மொத்தமும் வேஸ்ட்..
மழைக்காலத்தில் நடைப்பயிற்சிக்கு பதிலாக வீட்டில் செய்யக்கூடிய உடற்பயிற்சிகள்:
படிக்கட்டு ஏறுவது
மழையின் காரணமாக வெளியே சென்று நடை பயிற்சி செய்ய முடியாமல் போனால், வீட்டிலேயே படிக்கட்டு ஏறும் பயிற்சியை செய்யுங்கள். படிக்கட்டு ஏறுவதால் இது ஆரோக்கியம் மேம்படும் மற்றும் கால் தசைகள் வலுப்படும். இந்த பயிற்சியை நீங்கள் செய்யும் போது உங்களது வேகத்தை அதிகரித்தால் நல்ல பலன்களை பெறுவீர்கள்.
சைக்கிள் ஓட்டுதல்
நடைபயிற்சி செய்வதன் மூலம் உணவை எளிதில் ஜீரணமாக்க முடியும் மற்றும் ஒட்டுமொத்த ஆரோக்கியத்திற்கும் நன்மை பயக்கும். ஆனால் மழை காரணங்களால் உங்களால் வெளியே சென்று நடைப்பயிற்சி செய்ய முடியாமல் போனால், உட்புற சைக்கிள் ஓட்டலாம். இது உங்களுக்கு சிறந்த கார்டியோ பயிற்சியாகும்.
ஸ்கிப்பிங் செய்யலாம்
மழை காலத்தில் வீட்டிற்கு வெளியே சென்று வாக்கிங் செல்ல முடியாமல் போனால் வீட்டிற்குள்ளேயே ஸ்கிப்பிங் செய்யலாம். இது ஒரு சிறந்த உடற்பயிற்சியாகும். மேலும் இது அதிக தீவிரம் கொண்ட கார்டியோ பயிற்சியும் ஆகும். இந்த பயிற்சியை உங்கள் வீட்டின் ஒரு சிறிய இடத்தில் கூட செய்யலாம். மேலும் இந்த பயிற்சியை செய்வதன் மூலம் உங்களது சகிப்புத்தன்மை அதிகரித்து, உடல் நெகிழ்வாகி, உடல் எடை குடையும் வாய்ப்பு அதிகம் உள்ளது.
இதையும் படிங்க: தினமும் வாக்கிங் போறதுல 'இப்படி' ஒரு நன்மையா? இதய நோய் கூட வராது தெரியுமா?
ஸ்பாட் ஜாக்கிங் செய்வது
மழைக்காலத்தில் வெளியே சென்று நடைப்பயிற்சி செய்வது கடினம். இத்தகைய சூழ்நிலையில், வீட்டிற்குள் இருந்தபடியே நீங்கள் ஸ்பாட் ஜாக்கிங் செய்யலாம். பாஜாக்கிங் என்பது ஒரே இடத்தில் நின்று கொண்டு ஓடுவது ஆகும். இது ஒரு ஏரோபிக் உடற்பயிற்சி என்று கூட சொல்லலாம். மேலும் இதுவொரு வார்ம் அப்பாகவும் செய்யப்படுகிறது. இந்த பயிற்சியை நீங்கள் செய்வதன் மூலம் உங்களது இதய ஆரோக்கியம் மேம்படும் மற்றும் பலவிதமான உடல் நன்மைகள் கிடைக்கும்.
குறிப்பு : மழைக்காலத்தில் உடற்பயிற்சி செய்ய முடியவில்லை என்று கவலைப்படுபவர்கள். வீட்டிற்குள் இருந்தபடியே மேலே சொன்ன அந்த 4 உடற்பயிற்சிகளை செய்து, ஆரோக்கியமாக இருங்கள்.