ஆபீஸ் போகும் பெண்களே...2 நிமிடத்தில் ரெடியாக சூப்பர் ஹேர்ஸ்டைல் டிப்ஸ்

ஆபிஸ் கிளம்பும் அவசரத்தில் கண்ணாடி முன்னால் நின்று மல்லுக்கட்டும் பெண்களுக்கு இது ஒரு வரப்பிரசாதம். வழக்கமான டிப்ஸ் இல்லாமல், வெறும் 2 நிமிடத்தில் தயாராவதற்கு ஏற்ற ஸ்டைலாகவும் அதே சமயம் புரொபஷனலாகவும் தெரிய இதோ 5 அசத்தல் ஹேர் ஸ்டைல் ஐடியாக்கள்.

'தி லோ-நாட்' பன் (The Low-Knot Bun) :

சாதாரணமாக கொண்டை போடுவது பழைய ஸ்டைல். தலைமுடியை கீழாக ஒரு பொன்னிடெயில் (Ponytail) போலப் பிடித்து, பாதியிலேயே ரப்பர் பேண்டை மடித்து விடுங்கள். மிச்சம் இருக்கும் முடியை அந்த பேண்டைச் சுற்றி ஒரு கிளிப் குத்தினால், ஒரு 'மெஸ்ஸி' ஆன, ஆனால் நீட்டான லுக் கிடைக்கும். காட்டன் புடவை மற்றும் சுடிதார்களுக்கு இது செம கிளாஸிக்!

'ட்விஸ்டட்' சைடு பின் (The Twisted Side-Pin)

முழு முடியையும் பின்னி நேரத்தை வீணாக்காதீர்கள். முன் பக்கத்தில் ஒரு சிறு பகுதியை மட்டும் எடுத்து அப்படியே சுருட்டி (Twist), காதுக்கு பின்னால் ஒரு 'பாபி பின்' (Bobbi pin) கொண்டு செருகவும். மற்ற முடியை அப்படியே ஃப்ரீயாக விடலாம். முகம் எடுப்பாகத் தெரியும், வேலையின் போது முடி கண்களில் விழாது.

'டபுள் ஹாப்' பொன்னிடெயில் (Double Hop Ponytail)

உயரமாகப் பொன்னிடெயில் கட்டினால் சில நேரங்களில் தலைவலி வரும். முடியை இரண்டு பாதியாகப் பிரியுங்கள். முதலில் மேல் பாதியை ஒரு ரப்பர் பேண்ட் போடுங்கள். பிறகு அந்த முடியுடன் கீழ் பாதியைச் சேர்த்து இன்னொரு பேண்ட் போடுங்கள். உங்கள் பொன்னிடெயில் மிகவும் நீளமாகவும், அடர்த்தியாகவும் (Voluminous) தெரியும்.

'பஃப்ட்' கிளட்ச் ஹேக் (The Puffed Clutch Hack)

அவசரமாக ஒரு மீட்டிங் இருக்கிறதா? முன் முடியை மட்டும் லேசாகத் தூக்கி ஒரு சின்ன 'பப்' வைத்து ஒரு மினி கிளட்ச் போடுங்கள். பின் முடியை அப்படியே விட்டுவிடலாம். இந்த பப் வைக்கும் போது ஒரு சொட்டு ஹேர் ஸ்ப்ரே அல்லது வெறும் தண்ணீர் தெளித்து சீவினால், மாலை வரை கலையாமல் அப்படியே இருக்கும்.

த்ரீ-செகண்ட் 'ஸ்கார்ஃப்' மேஜிக் (Scarf Magic)

தலைமுடி இன்று அவ்வளவு நன்றாக இல்லை (Bad hair day) என்று தோன்றினால், ஒரு சின்ன கலர்ஃபுல் ஸ்கார்ஃப் எடுத்து உங்கள் பொன்னிடெயிலில் ஒரு முடிச்சுப் போடுங்கள். இது உங்களை ஒரு ஃபேஷன் எக்ஸ்பர்ட் போலக் காட்டும். யாரும் நீங்கள் தலை சீவ நேரமில்லை என்று கண்டுபிடிக்க முடியாது!