குண்டான பெண்கள் உடலைக் குறைத்து பார்ப்பவர்களுக்கு சிக்கெனத் தெரிய வேண்டுமென்றால், டயட் மட்டும் இருந்தால் போதாது. உங்கள் பாடி லாங்வேஜ் மற்றும் ஸ்டைலையும் கொஞ்சம் மாற்றிக் கொள்ள வேண்டும்.
குறிப்பிட்ட சில உடைகள், பருமனாகவே இருந்தாலும் அவர்களைக் கொஞ்சம் ஒல்லியாகக் காட்டும் தன்மை கொண்டது. நம்முடைய அழகு உடல்வாகில் மட்டும் இல்லை. அதனால் உடுத்தும் உடையிலும் சிறிது கவனம் செலுத்த வேண்டும். என்ன மாதிரியான உடைகள் உடுத்தும் போது, குண்டான உடலை ஒல்லியாகக் காட்ட முடியும் என்று யோசிக்க ஆரம்பித்துவிட்டீர்களா? உங்களுக்கான சில ஸ்டைல் டிப்ஸ்கள் இந்த செய்தியில் காணலாம்.
சுடிதார் போன்ற இயல்பான ஆடைகளை விட மிடி அணியும் பெண்கள் எப்போதுமே மற்ற பெண்களைவிட அழகில் கொஞ்சம் தூக்கலாகத்தான் தெரிவார்கள். கொஞ்சம் குண்டானவர்களும் மிடியைத் தேர்ந்தெடுக்கலாம். ஆனால், தேர்ந்தெடுக்கும் மிடி முழு நீளமானதாக இருக்கக்கூடாது. முழங்காலை மறைக்கும் அளவுக்கு பாதியளவு இருக்கும் குட்டை மிடிகளைத் தேர்ந்தெடுத்தால் நல்லது. குட்டையான மிடியை அணியும்போது, உங்கள் உடல்வாகு கொஞ்சம் ஒல்லியாகத் தெரியும்.
குண்டானவர்கள் மிகவும் இறுக்கமான ஆடைகளை தவிர்ப்பது நல்லது. இறுக்கமான ஆடைகள், உங்கள் உடலில் உள்ள சதைப்பகுதியை அப்படியே வெளிப்படையாக காட்டிவிடும். சரியான அளவில் உள்ள ஸ்லிம் ஃபிட் ஜீன்ஸ் அணியலாம். அந்த ஜீன்ஸ்க்குத் தகுந்தபடி, சரியான அளவிலான ஹீல்ஸ் அணிவதும் அவசியம். கொஞ்சம் உயரமான ஹீல்ஸ் காலணிகளை அணியும்போது, உங்கள் உடலை இன்னும் கொஞ்சமும் ஒல்லியாகக் காட்ட முடியும்.
போல்கோ டாட் புடவையில் ஃபேஷன் டிரெண்டை மாற்றிய மாதுரி தீக்ஷித்..!!
மேற்கூறியவைகளைத் தவிற, உள்ளாடைகளைத் தேர்ந்தெடுத்து அணிவதும் முக்கியம். பிரா வாங்கும்போது சரியான அளவும் உங்கள் உடல்வாகுக்கு ஏற்ப பொருத்தமாகவும் இருப்பது அவசியம். இல்லையென்றால், முதுகுப்பகுதியில் சதைகள் வெளியே பிதுங்கிக் கொண்டு இருக்கும்படி தெரியும். அது மற்றவர்களை முகம் சுளிக்கவே வைக்கும்.
நல்ல அடர் சிவப்பு மற்றும், கருப்பு ஆகிய நிறங்கள் பார்ப்பதற்கு மிகவும் கவர்ச்சியாக இருக்கும். இடுப்புக்கு மேலே பேண்ட் அணியாமல், இடுப்புக்குக் கீழே, தொப்புள் பகுதியில் பேண்ட் அணிவது கொஞ்சம் அழகினை உயர்த்தி காண்பிக்கும்.
ஆணுக்கு நிகர் இல்ல, அதை விட ஒரு படி மேல... தொழில் துறையில் நாட்டையே திரும்பி பார்க்க வைத்த சிங்கப் பெண்கள்.
சுடிதார், டாப்ஸ் போன்றவை கோடு போட்ட டிசைன்களாக இருக்கும்போது, செங்குத்தான கோடுகள் கொண்ட உடைகளை உடுத்த வேண்டும். அவை உடல் வாகை ஒல்லியாகக் காட்டும். கிடைமட்டமான கோடுகள் உள்ள ஆடைகள், அது உங்கள் எடையை இன்னும் கொஞ்சம் கூடுதலாகவே காட்டும்.
இந்த எளிமையான டிப்ஸ்களை ஃபாலோ செஞ்சு பாருங்க நல்ல ரிசல்ட் கிடைக்கும்.
சேனலை கிளிக் செய்து பின்தொடரவும்