ஐபிஎல் 13வது சீசன் விறுவிறுப்பாக நடந்துவரும் நிலையில், ஞாயிற்றுக்கிழமையான இன்று 2 போட்டிகள் நடக்கின்றன. பிற்பகல் 3.30 மணிக்கு தொடங்கும் போட்டியில் மும்பை இந்தியன்ஸும் சன்ரைசர்ஸ் ஹைதராபாத்தும் மோதுகின்றன.
undefined
ஷார்ஜாவில் நடக்கும் இந்த போட்டியில் டாஸ் வென்ற மும்பை இந்தியன்ஸ் கேப்டன் ரோஹித் சர்மா, பேட்டிங்கை தேர்வு செய்தார்.
undefined
ஷார்ஜா மைதானம் சிறியது என்பதால், அங்கு ஆடும் ஆட்டங்களில் 220க்கும் அதிகமான ரன்கள் அசால்ட்டாக அடிக்கப்படுகின்றன. அந்தவகையில், மும்பை இந்தியன்ஸ் மற்றும் சன்ரைசர்ஸ் ஆகிய 2 அணிகளிலுமே பவர் ஹிட்டர்கள் அதிகமாக இருப்பதால் சிக்ஸர் மழை உறுதி.
undefined
மும்பை இந்தியன்ஸ் அணி பெரும்பாலும் முதலில் பேட்டிங் ஆடி, பெரிய ஸ்கோரை அடித்து, எதிரணியை அதை தடுக்க விடாமல் தடுப்பதுதான் அந்த அணிக்கு வெற்றிகரமாக அமைந்துள்ளது. அதிலும், ஷார்ஜா மைதானம் சிறியது என்பதால், அழுத்தம் இல்லாமல் முதலில் பேட்டிங் ஆடிய பெரிய ஸ்கோரை அடித்து, சன்ரைசர்ஸுக்கு அழுத்தம் கொடுக்கும் விதமாக பேட்டிங்கை தேர்வு செய்தார் ரோஹித் சர்மா.
undefined
மும்பை இந்தியன்ஸ் அணியில் எந்த மாற்றமும் செய்யப்படவில்லை. கடந்த போட்டியில் ஆடிய அதே ஆடும் லெவன் காம்பினேஷனுடன் தான் களமிறங்குகிறது.
undefined
மும்பை இந்தியன்ஸ் அணி:ரோஹித் சர்மா(கேப்டன்), குயிண்டன் டி காக்(விக்கெட் கீப்பர்), சூர்யகுமார் யாதவ், இஷான் கிஷான், ஹர்திக் பாண்டியா, பொல்லார்டு, க்ருணல் பாண்டியா, பாட்டின்சன், டிரெண்ட் போல்ட், ராகுல் சாஹர், பும்ரா.
undefined
ஆனால் சன்ரைசர்ஸ் அணியில் 2 மாற்றங்கள் செய்யப்பட்டுள்ளன. கடந்த போட்டியில் காலில் காயம் ஏற்பட்டதால் புவனேஷ்வர் குமார் இந்த போட்டியில் ஆடவில்லை. கலீல் அகமதுவும் இந்த போட்டிக்கான அணியிலிருந்து நீக்கப்பட்டுள்ளார். அவர்களுக்கு பதிலாக ஃபாஸ்ட் பவுலர்கள் சந்தீப் ஷர்மா மற்றும் சித்தார்த் கவுல் ஆகிய இருவரும் சேர்க்கப்பட்டுள்ளனர்.
undefined
சன்ரைசர்ஸ் ஹைதராபாத் அணி:டேவிட் வார்னர்(கேப்டன்), ஜானி பேர்ஸ்டோ(விக்கெட் கீப்பர்), கேன் வில்லியம்சன், மனீஷ் பாண்டே, பிரியம் கர்க், அபிஷேக் ஷர்மா, அப்துல் சமாத், ரஷீத் கான், சந்தீப் ஷர்மா, சித்தார்த் கவுல், டி.நடராஜன்.
undefined