Bike Parcel: ரயில்ல பைக்கை பார்சல் அனுப்ப எவ்வளவு செலவாகும்? புக்கிங் செய்வது எப்படி?

Bike Parcel: படிப்பு, வேலை, பிசினஸ்னு பல காரணங்களுக்காக நாம ஒரு ஊர்ல இருந்து இன்னொரு ஊருக்குப் போவோம். அப்போ நம்ம பைக்கையும் கூடவே கொண்டு போக வேண்டியிருக்கும். இதுக்கு ரயில்வே பார்சல் சர்வீஸ் ஒரு நல்ல சாய்ஸ்.

ரயில்வே மூலம் பைக்கை அனுப்ப இரண்டு வழிகள்

நீங்க பயணம் செய்யுற அதே ரயில்ல பைக்கை கொண்டு போனா, அது 'லக்கேஜ்' வகை. தனியா அனுப்பினா, அது 'பார்சல்' வகை. பைக் உங்க பேர்ல ரிஜிஸ்டர் ஆகியிருக்கணும். ஒரிஜினல் ரிஜிஸ்ட்ரேஷன் சர்டிபிகேட் (RC) கட்டாயம்.

ஆஃப்லைன் புக்கிங் செய்வது எப்படி?

ரயில்வே ஸ்டேஷன்ல இருக்குற பார்சல் ஆபீஸுக்குப் போங்க. அங்க 'ஃபார்வர்டிங் நோட்' ஃபார்ம் வாங்கி நிரப்புங்க. உங்க பைக் எடை போடப்பட்டு, தூரத்துக்கு ஏத்த மாதிரி கட்டணம் சொல்வாங்க. பணம் கட்டுனதும் ரயில்வே ரசீது (RR) தருவாங்க. பைக்கை டெலிவரி எடுக்கும்போது இந்த ரசீது முக்கியம்.

ஆன்லைனில் புக் செய்வது இன்னும் சுலபம்

இந்திய ரயில்வே பார்சல் போர்ட்டல்ல ஆன்லைன்லயும் புக் பண்ணலாம். ஸ்டேஷன் விவரங்களைக் கொடுத்து, ஃபார்மை நிரப்புனா போதும். பைக் எடை போட்ட பிறகு இறுதி கட்டணத்தைச் செலுத்தி, பார்சலை டிராக் பண்ணிக்கலாம். பைக் டெலிவரிக்கு வந்ததும் உங்களுக்கு மெசேஜ் வரும்.

கட்டணம் எவ்வளவு ஆகும்?

கட்டணம் பைக் எடை, தூரத்தைப் பொறுத்து மாறும். உதாரணமா, 500 கி.மீ. தூரத்துக்கு சுமார் ₹1,200 ஆகலாம். தூரம் அதிகமானா, கட்டணமும் அதிகமாகும். பைக்கை பேக்கிங் செய்ய தனியா ₹300 முதல் ₹500 வரை செலவாகும்.

புக்கிங் செய்யும்போது கவனிக்க வேண்டியவை

புக் பண்றதுக்கு ஒரு நாள் முன்னாடியே பிளான் பண்ணுங்க. RC, இன்சூரன்ஸ், ஆதார் கார்டு எல்லாம் கைல வெச்சுக்கோங்க. மிக முக்கியமா, பெட்ரோல் டேங்க்ல ஒரு சொட்டு பெட்ரோல் கூட இருக்கக் கூடாது. பாதுகாப்புக்காக இந்த விதிமுறை ரொம்ப முக்கியம். மீறினால் அபராதம் விதிக்கப்படலாம். பிரைவேட் டிரான்ஸ்போர்ட்டை விட இது ரொம்பவே மலிவானது.