வாரத்தில் 72 மணி நேர வேலை கட்டாயம்..! சீன விதியை நச்சரிக்கும் நாராயண மூர்த்தி..! மரண வெறுப்பில் தொழிலாளர்கள்..!

சீனாவின் 9-9-6 ஐ ஒரு அளவுகோலாக மேற்கோள் காட்டுவது காகிதத்தில் வேண்டுமானால் எழுதி வைத்து படிப்பதற்கு வேண்டுமானால் நன்றாக இருக்கலாம். ஆனால், இந்தியாவில் அதற்கான அடிப்படை, சுற்றுச்சூழல்  கலாச்சாரம் கூட இல்லை.

வாரத்திற்கு 44 மணி நேரத்திற்கு மேல் வேலை செய்ய முடியாது. கூடுதல் நேரமாக ஒரு நாளைக்கு ஒரு மணி நேரம் அல்லது உடல் நிலை ஒத்துழைத்துழைத்தால் மட்டுமே மூன்று மணி நேரம் வரை வேலை செய்யலாம். ஒரு மாதத்தில் 36 மணி நேரத்திற்கு மேல் வேலை செய்யக்கூடாது. இந்த வரம்புகள் சர்வதேச தொழிலாளர் அமைப்பு பரிந்துரைத்த வழிகாட்டுதல்களுடன் நடைமுறையில் உள்ளன.

இந்த விதிகள் இருந்தபோதிலும், பல இடங்களில் நீண்ட வேலை நேரம் தொடர்கிறது. தொழிலாளர் சட்டங்களின் பலவீனமான விதிமுறை, நிறுவனத்தின் டார்க்கெட்டுகளை அடைய அழுத்தம், குறைந்த குறைந்தபட்ச ஊதியம் என பல காரணங்கள் கூறப்படுகிறது. இது பல தொழில்களில் கூடுதல் நேரத்தை பொதுவானதாக ஆக்குகிறது.

இன்போசிஸ் நிறுவனர் நாராயண மூர்த்தி மீண்டும் மிக நீண்ட வேலை நேரத்தின் அவசியம் பற்றி பேசியதைத் தொடர்ந்து பெரும் விவாதம் தொடங்கியுள்ளது. சீனாவின் '9.9.6' பணி கலாச்சாரத்தை உதாரணமாகக் கூறி அவர் பேசிய கருத்துக்கள் கவனத்தை ஈர்த்துள்ளன.

ஒரு பேட்டியில், முயற்சியின் மூலம் மட்டுமே முன்னேற்றம் வரும் என்று நாராயண மூர்த்தி ஏன் நினைக்கிறார் என்பதை விளக்கினார். ‘‘எனது வாழ்நாள் முழுவதும், ஒரு கருப்பொருள் அவருக்கு மாறாமல் இருந்து வருகிறது. எந்தவொரு தனிநபரும், எந்த சமூகமும், எந்த நாடும் கடின உழைப்பு இல்லாமல் உயர்ந்தது இல்லை. ஒரு உயர்ந்டத வாழ்க்கையைப் பெற வேண்டும்.பிறகு வேலை-வாழ்க்கை சமநிலையைப் பற்றி கவலைப்பட வேண்டும்" என்று அவர் மீண்டும் கூறியுள்ளார்.

"கடந்த ஆண்டு, சில நடுத்தர அளவிலான ஊழியர்கள் சீனாவுக்குச் சென்றனர். அவர்கள் 1 அடுக்கு நகரங்கள், 2 அடுக்கு நகரங்கள், 3 அடுக்கு நகரங்களுக்குச் சென்றனர். உண்மையான சீனாவைப் புரிந்துகொள்ள நாங்கள் விரும்பியதால் அவர்கள் அடுக்கு 3 வகையான ஹோட்டல்களில் தங்கினர். அங்கே ஒரு பழமொழி உள்ளது. 9,9, 6. அதன் அர்த்தம் உங்களுக்குத் தெரியுமா? காலை 9 மணி முதல் இரவு 9 மணி வரை. வாரத்தில் 6 நாட்கள். அதாவது வாரத்திற்கு 72 மணிநேரம். பிரதமர் நரேந்திர மோடி வாரத்திற்கு கிட்டத்தட்ட 100 மணிநேரம் வேலை செய்கிறார். இது இளம் உழைக்கும் மக்களுக்கு ஒரு எடுத்துக்காட்டாக அமையும்’’" என்று இன்ஃபோசிஸ் நாராயண மூர்த்தி கூறினார்.

இன்ஃபோசிஸ் நாராயண மூர்த்தியின் பேச்சுக்கு கடும் எதிர்ப்பு கிளம்பி உள்ளது. இதற்கு தொழிலாளி ஒருவர், “ஐரோப்பாவில் ஒரு பழமொழி உண்டு. 10, 5, 5. இதன் அர்த்தம் காலை 10 மணி முதல் மாலை 5 மணி வரை. வாரத்தில் 5 நாட்கள். அவர்கள் நடைப்பயணங்கள், மலையேற்றம், நண்பர்களைச் சந்தித்து, வாழ்க்கையை அனுபவிக்கிறார்கள். தயவுசெய்து இந்தியாவை சரியான திசையில் வழிநடத்துங்கள். நாங்கள் வாழ விரும்புகிறோம்’’ எனக் கூறியுள்ளார்.

மற்றொருவர், “ஐயா, நாங்கள் ஏற்கனவே 9 முதல் 9 வேலை செய்து, 12 மணிநேரம் போக்குவரத்தில் செலவிடுகிறோம். ஒரு சொட்டு எண்ணெயில் 100 கிமீ மைலேஜ் எதிர்பார்க்க முடியாது. அதேபோல், சம்பளம் எதுவும் உயர்வில்லாமல் ஒருவர் கூடுதல் நேரம் வேலை செய்வார் என்று எதிர்பார்க்க முடியாது. ஒரு சீன ஊழியரின் சம்பளத்திற்கு இணையான சம்பளத்தை நீங்கள் எனக்கு வழங்கினால், நான் வாரத்தில் 16 மணிநேரம் 6 நாட்கள் வேலை செய்வேன். எனக்கு அப்போது எப்படியும் சமூக வாழ்க்கை இல்லாமல் போய்விடும்’’ எனக் கூறியுள்ளார்.

"சீனாவின் 9-9-6 ஐ ஒரு அளவுகோலாக மேற்கோள் காட்டுவது காகிதத்தில் வேண்டுமானால் எழுதி வைத்து படிப்பதற்கு வேண்டுமானால் நன்றாக இருக்கலாம். ஆனால், இந்தியாவில் அதற்கான அடிப்படை, சுற்றுச்சூழல் அமைப்பு, நியாயமான சம்பளம், வேலை-வாழ்க்கை சமநிலை, மனநல ஆதரவு, உற்பத்தித்திறனை மையமாகக் கொண்ட கலாச்சாரம் கூட இல்லை. கடினமான நேரங்கள் ஆழமான கட்டமைப்பு சிக்கல்களை சரிசெய்யாது" என ஒருவர் சுட்டிக்காட்டியுள்ளார்.

"ஊழியர்கள் காலை 9 மணி முதல் இரவு 9 மணி வரை வேலை செய்ய வேண்டும் என்று நீங்கள் எதிர்பார்க்கிறீர்கள் என்றால், பணிச்சுமைக்கு ஏற்ற சலுகைகளை நீங்கள் வழங்க வேண்டும். நியாயமான இழப்பீடு, ஆதரவை வழங்க முடியாவிட்டால், ஊழியர்கள் இயந்திரங்களைப் போல வேலை செய்வார்கள் என்று எதிர்பார்க்க வேண்டாம். நாங்கள் மனிதர்கள், ரோபோக்கள் அல்ல. ஆரோக்கியமான, மரியாதைக்குரிய பணிச்சூழலுக்கு நாங்கள் தகுதியானவர்கள்" என்று மற்றொருவர் கூறியுள்ளார்.

996 விதி என்பது பல சீன நிறுவனங்களில் பின்பற்றப்படும் கடினமான வேலை வழக்கத்தைக் குறிக்கிறது. அங்கு ஊழியர்கள் வாரத்தில் ஆறு நாட்கள் காலை 9 மணி முதல் இரவு 9 மணி வரை வேலை செய்ய வேண்டும் என்று எதிர்பார்க்கப்படுகிறது. இது வாரத்திற்கு 72 மணிநேரம் வரை சேர்க்கப்படுகிறது. இது சீனாவின் வேகமான வேலை கலாச்சாரத்தின் ஒரு பகுதி. அலிபாபா இணை நிறுவனர் ஜாக் மா உட்பட நாட்டின் பல சிறந்த தொழில்முனைவோர் ஒரு காலத்தில் இந்த பாணியை ஆதரித்தனர். ஆனால் பலர் இதை கடுமையாக விமர்சித்து நவீன அடிமைத்தனம் என்று எதிர்த்தனர்.

காலப்போக்கில், 996 பற்றிய கவலைகள் அதிகரித்தன. சீன அரசாங்கம் அந்த அட்டவணைகளை ரத்து செய்து 2021- ல் அவற்றை சட்டவிரோதமாக அறிவித்தது. அதே ஆண்டு, பைட் டான்ஸ், டென்சென்ட் போன்ற முக்கிய தொழில்நுட்ப நிறுவனங்களும் அதிலிருந்து தங்களை விலக்கிக் கொள்ளத் தொடங்கின. இ-காமர்ஸ் நிறுவனமான பிண்டுவோடுவோவில் 22 வயது ஊழியர் ஒருவர் நள்ளிரவுக்குப் பிறகு வீடு திரும்பும்போது சரிந்து விழுந்து இறந்த பிறகு இந்த மாற்றம் ஏற்பட்டது.