Hair Care: 40 வயசுக்கு மேல முடி கொட்டுதா? இதுதான் காரணம்.. சரிபண்ண சிம்பிள் டிப்ஸ்!

Hair Care: 40 வயதுக்கு மேல் ஏற்படும் ஹார்மோன் மாற்றங்கள் மற்றும் ஊட்டச்சத்து குறைபாடு காரணமாக முடி உதிர்வுப் பிரச்சினை அதிகமாகிறது. இதற்கான தீர்வு என்ன? என்பது குறித்து இந்த செய்தியில் விரிவாக பார்க்கலாம்.

40 வயசுக்கு மேல முடி கொட்டுதா?

இப்போதெல்லாம் முடி உதிர்வுப் பிரச்சினை ரொம்பவே சாதாரணமாகிவிட்டது. சுற்றுச்சூழல் மாசுபாடு, உடல் மாற்றங்கள், வயது அதிகரிப்பது எனப் பல காரணங்கள் இருக்கலாம். குறிப்பாக, 40 வயதுக்குப் பிறகு பலருக்கும் இந்தப் பிரச்சினை அதிகமாகிறது. இதைக் கட்டுப்படுத்த பலரும் விதவிதமான தயாரிப்புகளைப் பயன்படுத்துகிறார்கள். ஆனால், பெரிய அளவில் எந்த வித்தியாசமும் தெரிவதில்லை.

இப்படிப்பட்ட சூழலில், முதலில் முடி உதிர்வுக்கு என்ன காரணம் என்பதைத் தெரிந்துகொள்வது அவசியம். காரணத்தைத் தெரிந்துகொண்டால், அதற்கேற்ப அதைச் சரிசெய்ய முயற்சி செய்யலாம்.

40 வயதுக்குப் மேல் முடி உதிர்வதற்கான காரணங்கள்

ஹார்மோன் மாற்றங்கள்

ஒருவருக்கு வயது அதிகரிக்கும்போது, உடலில் ஹார்மோன்களின் அளவும் ஏறும் அல்லது இறங்கும். குறிப்பாக, பெண்களுக்கு ஈஸ்ட்ரோஜன் மற்றும் புரோஜெஸ்ட்டிரோன் குறைவதாலும், ஆண்களுக்கு DHT ஹார்மோன் அதிகரிப்பதாலும் முடி மெலிதாகி உதிரத் தொடங்குகிறது.

ஊட்டச்சத்துக் குறைபாடு

உடலுக்குத் தேவையான வைட்டமின்கள் மற்றும் ஊட்டச்சத்துக்கள் போன்ற அத்தியாவசிய சத்துக்கள் குறைந்தால், முடி உதிர்வு அல்லது அது தொடர்பான பிரச்சினைகள் ஏற்படலாம்.

ரத்த ஓட்டம்

சில காரணங்களால் ரத்த ஓட்டம் குறையும்போது, முடியின் வேர்க்கால்களுக்குச் சரியான ஊட்டச்சத்து கிடைக்காது. இதனால் அவர்கள் முடி உதிர்வுப் பிரச்சினையைச் சந்திக்க நேரிடலாம்.

மருத்துவப் பிரச்சினைகள்

தைராய்டு, ஆட்டோ இம்யூன் நோய்கள், நாள்பட்ட நோய்கள் போன்ற பல மருத்துவ நிலைகளாலும் முடி உதிரக்கூடும்.

முடி உதிர்வுக்கு என்ன தீர்வு?

ஆரோக்கியமான உணவு

உங்கள் உணவில் வைட்டமின்கள், ஊட்டச்சத்துக்கள் மற்றும் புரதம் நிறைந்த உணவுகளைச் சேர்த்துக்கொள்ளுங்கள். இது முடியின் ஆரோக்கியத்திற்குப் பெரிதும் உதவும்.

ஸ்கால்ப் மசாஜ்

தவறாமல் எண்ணெய் தேய்த்து, உச்சந்தலையில் மசாஜ் செய்வது மிகவும் முக்கியம். இது ரத்த ஓட்டத்தை மேம்படுத்தி, முடியின் வேர்க்கால்களை ஆரோக்கியமாக வைத்திருக்க உதவும்.

ஆரோக்கியமான வாழ்க்கைமுறை

மன அழுத்தத்தைக் குறைக்க முயற்சி செய்யுங்கள். மேலும், உங்கள் முடிக்கு நன்மை தரும் உடற்பயிற்சி மற்றும் யோகாவைத் தவறாமல் செய்யுங்கள்.

ரசாயன தயாரிப்புகள் மற்றும் அதிக வெப்பத்தைத் தவிர்த்தல்

முடி உதிர்வு அதிகரிக்கும் காலத்தில், கூந்தலுக்குப் பயன்படுத்தும் கெமிக்கல் கலந்த ஷாம்பூக்கள், டை மற்றும் ஸ்ட்ரைட்னிங் போன்ற ரசாயனச் சிகிச்சைகளைத் தவிர்ப்பது நல்லது. அதேபோல், ஹேர் டிரையர், கர்லிங் அயர்ன் போன்ற அதிக வெப்பத்தை உமிழும் கருவிகளைப் பயன்படுத்துவதைக் குறைக்க வேண்டும். இவை முடியின் ஈரப்பதத்தை உறிஞ்சி, வேர்க்கால்களை மேலும் பலவீனமாக்கி முடி உடைவதையும் உதிர்வதையும் அதிகரிக்கும்.

சரியான கூந்தல் பராமரிப்பு முறைகள்

ஈரமான நிலையில் முடியை வாரக் கூடாது; ஏனெனில் ஈரமான கூந்தல் எளிதில் உடையும் தன்மையுடையது. முடியை மென்மையாக சீவுவதற்கு அகலமான பற்கள் கொண்ட சீப்பைப் பயன்படுத்துவது சிறந்தது. மேலும், கூந்தலை மிகவும் இறுக்கமாகக் கட்டுவதைத் தவிர்த்து, தளரக் கட்டுவது வேர்க்கால்களுக்குத் தரும் அழுத்தத்தைக் குறைக்கும். இரவில் தூங்கும்போது பட்டு அல்லது சாட்டின் தலையணை உறைகளைப் பயன்படுத்துவது முடியின் உராய்வைக் குறைத்து, முடி உதிர்வைத் தடுக்கும்.

நிபுணர்களின் ஆலோசனையைப் பெறுங்கள்

இத்தனை முயற்சிகளுக்குப் பிறகும் உங்கள் முடி உதிர்வது நிற்கவில்லை என்றால், ஒரு நிபுணரிடம் பேசுங்கள். அவர் உங்கள் முடியின் தன்மை மற்றும் நிலைக்கு ஏற்ப சரியான தயாரிப்புகளைத் தேர்ந்தெடுக்கப் பரிந்துரைப்பார்.