பெண்களுக்கு வயதாகும்போது பாலியல் ஆசைகள் இருக்குமா? அல்லது காம இச்சைகள் இல்லாமல் வாழ பழகிவிடுவார்களா? உண்மை என்ன? வாங்க பார்க்கலாம்.
கணவன், மனைவி உறவில் உடலும் உள்ளமும் இணைந்திருப்பது தான் நல்ல தாம்பத்தியமாகும். ஆனால் சில பெண்கள் குழந்தை பிறந்த பிறகு உடலுறவு கொள்ள விரும்புவதில்லை. சில தம்பதிகளுக்குள் நாளடைவில் தாம்பத்தியம் சரியாக இருப்பதில்லை. இதற்கு ஆண்கள் சொல்லும் காரணம், பெண்கள் வயதாகும் போது பாலுணர்வை இழக்கிறார்கள் என்பதுதான். ஆனால் தங்களுடைய கணவனுடன் உடலுறவில் திருப்தி கொள்ளாத பெண்களே உடலுறவை பெரும்பாலும் தவிர்க்கின்றனர்.
பெண்களுக்கு பாலுணர்வு குறைவதற்கும் வயதுக்கும் தொடர்பில்லை. ஆண்களைப் போல தான் பெண்களுக்கும் வயதாகிறது. ஆண்களுக்கு எப்படி வயதாகும்போதும் பாலியல் இச்சை உண்டோ அதேபோலவே பெண்களுக்கும் பாலியல் ஆசைகள் குறைவது கிடையாது. ஆண், பெண் ஆகிய இவருக்கும் வயதாகும் போது அவர்களுடைய பாலியல் ஆசைகள், தேவையும் வடிவம் தான் மாற்றம் பெறுகிறது. ஆனால் அவர்களுடைய பாலுணர்வில் எந்த குறைபாடும் ஏற்படுவதில்லை. கணவன் மனைவி இருவரும் பேசி தங்களுக்கு ஏற்றபடி பாலியல் தேவைகளை பூர்த்தி செய்யலாம்.
பெரும்பாலான ஆண்கள் தங்கள் மனைவிக்கு குழந்தைகள் மீதான அக்கறையும், பொறுப்பையும் கண்டு அவர்கள் உடலுறவில் இருந்து ஒதுங்கி இருப்பதாக நினைத்துக் கொள்கின்றனர். குழந்தை வளர்ப்பில் மட்டுமே மனைவி கவனம் கொள்வதாகவும் கருதுவதால் இந்த சிக்கல் எழுகிறது. ஒருவர் மீதான ஈர்ப்பு, உடலுறவு மீதான ஆர்வம் வயதாகும் போது குறைவது கிடையாது.
இதையும் படிங்க: First Time Sex: முதல் முதலா செக்ஸ் வச்சிக்குறப்ப.. இப்படியெல்லாம் நடக்கும்னு சொல்வாங்க.. ஆனா நம்பிடாதீங்க!!!
குழந்தை பிறந்த பிறகு பெரும்பாலான தம்பதியர்கள் அவர்களுக்குள் நிறைய விஷயங்களை பேசுவது கிடையாது. அப்படியில்லாமல் கணவன் மனைவிக்குள் அந்தரங்கமான உரையாடல்கள் இருக்கும்போது அங்கு காமத்திற்கான தேவை இருந்து கொண்டு தான் இருக்கும். உங்களுக்கு எவ்வளவு வயதானாலும் சரி உங்களுடைய துணையிடம் பாலியல் விஷயங்கள் குறித்து பேசுங்கள். ஒருவருக்கொருவர் பாலியல் ஆசைகளை பகிர்ந்து கொள்ளும் அளவுக்கு சுதந்திரமான தம்பதிகளாக இருங்கள். உங்களுடைய பாலியல் தேவைகளை பூர்த்தி செய்யுங்கள்.
இதையும் படிங்க: பெண்களை ஈர்க்கும் ஆண்கள் யார் தெரியுமா? நீங்க இப்படிப்பட்ட ஆளா இருந்தா உங்களத்தான் விரும்புவார்களாம்!!