Why chicken leg is tasty? : சிக்கன் சாப்பிடும்போது மற்ற துண்டுகளை விட லெக் பீஸ் சாப்பிடுவது தனி சுவை என பலரும் சொல்வார்கள். எங்கு சென்றாலும் லெக் பீஸ் கேட்பதற்கு அப்படி அதில் என்னதான் இருக்கிறது என்பதை பார்க்கலாம்.
ஒவ்வொரு வீக் எண்டும் அசைவ பிரியர்கள் வீடுகளில் சிக்கன் வாசனை கமகமக்கும். வீட்டில் குழந்தைகள் முதல் ஹோட்டலில் நண்பர்கள் வரை, லெக் பீஸுக்காக சண்டை போடாதவர்கள் இல்லை. கோழியின் மற்ற பாகங்களை விட லெக் பீஸ் ஏன் இவ்வளவு ஸ்பெஷல் என்று பார்ப்போம்.
26
லெக் பீஸ் சீக்ரெட்
உலகம் முழுவதும் அசைவ பிரியர்கள் மற்ற இறைச்சிகளை விட சிக்கனை அதிகம் சாப்பிடுகிறார்கள். பார்ட்டி, விசேஷம் என எதுவாக இருந்தாலும் விதவிதமான சிக்கன் உணவுகள் பரிமாறப்படும். அதிலும் லெக் பீஸ் சாப்பிடுவதே தனி அனுபவம். அதன் சுவைக்கு என்ன காரணம் என்று இங்கே தெரிந்துகொள்ளலாம்.
36
லெக் பீஸ் ஏன் விரும்பப்படுகிறது?
சிக்கன் லெக் பீஸ், கோழியின் மற்ற பாகங்களை விட வித்தியாசமானது. இது தொடைப் பகுதி இறைச்சியை உள்ளடக்கியது. இதை 'டார்க் மீட்' என்றும் சொல்வார்கள். மற்ற 'ஒயிட் மீட்' பகுதிகளை விட லெக் பீஸ் மிகவும் மென்மையாகவும், சாறு நிறைந்ததாகவும் (juicy) இருக்கும். இதனால்தான் குழந்தைகள் முதல் பெரியவர்கள் வரை அனைவரும் விரும்பி சாப்பிடுகிறார்கள்.
சிக்கன் லெக் பீஸ் சுவையாக இருக்க முக்கிய காரணம் 'மயோகுளோபின்' (Myoglobin) என்ற புரோட்டீன் தான். இந்த புரோட்டீன், தசைகளுக்கு ஆக்சிஜனை கொண்டு செல்ல உதவுகிறது. கோழியின் கால் பகுதி தொடர்ந்து இயங்கும் ஒரு பாகம் என்பதால், அங்கே இந்த புரோட்டீன் அதிகமாக உள்ளது. இதுதான் இறைச்சிக்கு நல்ல நிறத்தையும் தனித்துவமான சுவையையும் கொடுக்கிறது.
56
லெக் பீஸில் இம்புட்டு சத்து இருக்கா?
சிக்கன் லெக் பீஸ் சுவையானது மட்டுமல்ல, ஆரோக்கியமானதும் கூட. இதில் இரும்பு, ஜிங்க் மற்றும் வைட்டமின்கள் நிறைந்துள்ளன. சுமார் 44 கிராம் எடையுள்ள ஒரு லெக் பீஸில் 12.4 கிராம் புரோட்டீன் கிடைக்கிறது. இதில் உள்ள கொழுப்பு சத்து உடலுக்கு உடனடி ஆற்றலைத் தருகிறது. இதனால்தான் ஜிம் செல்பவர்கள் மற்றும் கடினமான உடற்பயிற்சி செய்பவர்கள் இதை சாப்பிடுகிறார்கள்.
66
டிமாண்ட் குறையாது
சிக்கனின் மற்ற துண்டுகளை விட லெக் பீஸில் கலோரிகளும் கொழுப்பும் சற்று அதிகமாக இருந்தாலும், அதன் ஊட்டச்சத்துக்கும் சுவைக்கும் ஈடு இணை இல்லை. இதனால்தான் சிக்கன் மார்க்கெட்டில் லெக் பீஸ்களுக்கான டிமாண்ட் எப்போதும் குறைவதே இல்லை.
