Hair Fall: முடி அதிகமாக கொட்டுகிறதா? முடியை இறுக்கமாக கட்டுவது, அதிக Heat, Chemical Straightening உள்ளிட்ட தவறுகள் hair damage-ஐ அதிகரிக்கலாம். இது குறித்து ஆய்வுகள் கூறுவது என்ன? என்பதை இங்கு பார்க்கலாம்.
பெண்கள் எதையும் தாங்கும் இதயம் என்று என்னதான் டயலாக் பேசினாலும், தலை சீவும்போது சீப்பில் கொத்துக்கொத்தாக முடி இருப்பதையும், குளிக்கும்போது கை நிறைய முடி உதிர்வதையும் பார்த்தால் மனசே உடைந்துபோய்விடுவாங்க. முன்னாடி இருந்த மாதிரி இப்போ நமக்கு முடி இல்லையே என்ற கவலை பலருக்கும் இருக்கும்.
ஆனால், முடி உதிர்வதற்கு ஒரே ஒரு காரணம் மட்டுமே இருக்காது. மரபியல், ஹார்மோன் மாற்றங்கள், ஊட்டச்சத்து குறைபாடு, உடல்நலப் பிரச்சினைகள், மன அழுத்தம் போன்ற பல காரணங்களால் முடி உதிரலாம். அதுமட்டுமில்லாமல், நாம் அன்றாடம் செய்யும் சில hair-care பழக்கமும் முடி உதிர்வை அதிகரிப்பதற்கு காரணமாக இருக்கலாம் என மருத்துவ ஆய்வுகள் தெரிவிக்கின்றன.
26
முடியை இறுக்கமாக கட்டாதீங்க
தலைக்கு குளித்துவிட்டு முடி ஈரமாக இருக்கும்போதே கொண்டை அல்லது tight ponytail போட்டால் முடியின் வேர்ப்பகுதியில் அதிக அழுத்தம் ஏற்படலாம். இதனால் traction alopecia எனப்படும் முடி உதிர்வு ஏற்பட வாய்ப்பு இருப்பதாக National Institutes of Health (NIH) வெளியிட்டுள்ள ஆய்வுத் தகவல்களில் குறிப்பிடப்பட்டுள்ளது.
36
அதிக சூட்டில் Hair Dryer பயன்படுத்தாதீங்க
முடி சீக்கிரம் காய வேண்டும் என்பதற்காக Hair dryer மற்றும் straightener, curling iron போன்றவற்றை அதிக சூட்டில் அடிக்கடி பயன்படுத்தினால் முடி உடைவதற்கு வாய்ப்புள்ளது. அதிக வெப்பம் முடியின் surface-ஐ damage செய்யலாம் என்று ஆய்வுகளிலும் குறிப்பிடப்பட்டுள்ளது.
முடியில் சிக்கு இருக்கும்போது சீப்பு வைத்து இழுப்பது, அடிக்கடி hair straightening, relaxing, colouring, perming போன்ற chemical treatment செய்வதாலும் முடி பாதிக்கப்படலாம். மேலும், முடிக்கு எண்ணெய் வைத்த உடனே இறுக்கமாக சீவி பின்னல் போடுற பழக்கமும் நல்லதில்லை. இப்படி செய்யும்போது முடியின் வேர்ப்பகுதியில் அதிக அழுத்தம் ஏற்பட்டு, முடி உதிர்வதற்கும் வாய்ப்புள்ளது.
56
ஷாம்பூவை அடிக்கடி பயன்படுத்தாதீர்கள்
harsh chemicals அதிகம் உள்ள ஷாம்பூவை அடிக்கடி பயன்படுத்துவது, சூடான நீரில் முடியை அலசுவது, குளித்த பிறகு துணியால் முடியை பலமாக தேய்ப்பது, துணியால் முடியை அடிப்பது போன்ற பழக்கங்களும் முடியை சேதப்படுத்தலாம்.
மேலும், முடி ஈரமாக இருக்கும்போதே சீப்பால் வேகமாகவும், அழுத்தமாகவும் சீவினாலும் முடி உடைய வாய்ப்பு அதிகம் உள்ளது. அதனால், மென்மையான shampoo பயன்படுத்தி, குளித்த பிறகு ஈரமான முடியை அவசரப்படாமல் மெதுவாக கையாள வேண்டும் என்று dermatologists அறிவுறுத்துகின்றனர்.
66
Hair growth supplements எடுக்கலாமா?
Hair growth supplements எடுத்தால் உடனே முடி வளரும் என்று நம்புவது தவறானது. கடந்த 2024-ல் வெளியான systematic review ஒன்றில் iron, zinc, vitamin D உள்ளிட்ட micronutrient குறைபாடுகள் முடி உதிர்வுடன் தொடர்புடையதாக இருக்கலாம் என்று குறிப்பிட்டுள்ளது.
எனவே, deficiency இருக்கிறதா? என்பதை கண்டறிந்து, முறையாக மருத்துவரின் ஆலோசனை பெற்று supplements பெறுவது நல்லது. முக்கியமாக, முடி உதிர்வு திடீரென அதிகரித்தாலோ, scalp-ல் வழுக்கைப் பகுதிகள் தோன்றினாலோ உடனடியாகன் தோல் மருத்துவரை அணுகுவது அவசியம்.
