Shalini ajithkumar
தமிழ் சினிமாவில், பிரபலங்கள் முதல் ரசிகர்கள் வரை அனைவரும் பார்த்து பொறாமை கொள்ளும் நட்சத்திர ஜோடியாக இருப்பவர்கள் அஜித் - ஷாலினி தம்பதி. குழந்தை நட்சத்திரமாக பல படங்களில் நடித்து பிரபலமான ஷாலினி, அஜித்துடன் இணைந்து 'அமர்க்களம்' படத்தில் நடித்த போது... அஜித் ஷாலினியை காதலிக்க துவங்கினார். ஆரம்பத்தில் ஷாலினி இவரின் காதலை ஏற்றுக்கொள்ள தயக்கம் காட்டினாலும் பின்னர் காதலை ஏற்றுக்கொண்டார்.
அஜித் ஆரம்பத்தில் தன்னுடைய பிள்ளைகள் மீது, கேமராவின் கண் படாமல் பல வருடம் பொத்தி பொத்தி பார்த்து கொண்ட நிலையில், கடந்த இரண்டு வருடமாக அனோஷ்கா மற்றும் ஆத்விக்கின் புகைப்படங்கள் அதிகம் சமூக வலைத்தளங்களில் வெளியாவதை பார்க்கமுடிகிறது.
shalini
இந்நிலையில் அஜித்தின் மனைவி ஷாலினிக்கு உடல்நல குறைவு காரணமாக... மருத்துவரின் அறிவுரை படி ஆபரேஷன் செய்யப்பட்டதாக வெளியாகியுள்ள தகவல் அதிர்ச்சியை ஏற்படுத்தியுள்ளது. ஆனால் ஷாலினிக்கு என்ன பிரச்சனை? ஆபரேஷன் செய்யப்பட்டது எதற்காக என்பது குறித்த தகவல் எதுவும் வெளியாகவில்லை.
அதே நேரம் அஜர்பைஜானுக்கு செல்வதற்கு முன்பே தன்னுடைய மனைவியின் ஆபரேஷனுக்கு தேவையான அனைத்து முன் ஏற்பாடுகளையும் அஜித் செய்து விட்டதாகவும், சர்ஜரிக்கு பின்னர் மருத்துவரை தொடர்பு கொண்டு வீடியோ காலில் பேசியதாகவும் கூறப்படுகிறது. நேற்று ஷாலினிக்கான ஆபரேஷன் முடிந்த நிலையில்... படப்பிடிப்பை முடித்த கையேடு அஜித் அவசர அவசரமாக சென்னைக்கு விரைந்துள்ளார்.