ஒவ்வொரு வருடமும் வரலட்சுமி நோம்பை தவறாமல் எடுக்கும் ப்ரீத்தா ஹரி! இந்த வருட போட்டோஸ் வைரல்!

விஜயகுமார் - மஞ்சுளா நட்சத்திர ஜோடிகளின் மகளான ப்ரீத்தா ஹரி, ஒவ்வொரு வருடமும் தவறாமல் வரலட்சுமி நோம்பை கடைபிடித்து வரும் நிலையில், அவரின் வரலட்சுமி நோம்பு புகைப்படங்கள் தற்போது வைரலாகி வருகிறது.  

Pritha Hari

பழம்பெரும் நடிகர் விஜயகுமாரின் இரண்டாவது மனைவியும், நடிகையுமான... மறைந்த நடிகை மஞ்சுளாவிற்கு, வனிதாவுக்கு அடுத்து பிறந்தவர் தான் ப்ரீத்தா. 

Pritha Hari

சென்னையில் பிறந்து வளர்ந்த இவர், தன்னுடைய பள்ளி படிப்பை முடிப்பதற்கு முன்பே... அதாவது தன்னுடைய 14 வயதிலேயே 1997-ஆம் ஆண்டு தெலுங்கில், நடிகர் வினீத்துக்கு ஜோடியாக ருக்மிணி என்கிற படத்தில் நடித்தார்.

Pritha Hari

இதை தொடர்ந்து சூர்யாவுக்கு ஜோடியாக சந்திப்போமா படத்திலும், விஜயகாந்த் நடித்த தர்மா படத்திலும் நடிக்க வாய்ப்பு கிடைத்தது. இவர் ஹீரோயினாக நடித்த படங்கள் எதிர்பார்த்த வெற்றியை கொடுக்காத நிலையில், படையப்பா படத்தில் ரஜினிகாந்தின் மகளாக நடித்து மிகவும் பிரபலமானார்.

Pritha Hari

இதை தொடர்ந்து சுயம்வரம், காக்கை சிறகினிலே, அல்லி அர்ஜுனா, புன்னகை தேசம் போன்ற சில படங்களில் மட்டுமே நடித்தாலும்... தெலுங்கு, கன்னடம், மலையாளம் போன்ற தென்னிந்திய மொழிகளிலும் நடித்தார்.

Pritha Hari

பிசியாக நடித்து கொண்டிருக்கும் போதே, இயக்குனர் ஹரியை காதலிக்க துவங்கிய ப்ரீத்தா அவரையே திருமணம் செய்து கொண்டார். திருமணத்திற்கு பின்னர் தன்னுடைய மாமியார் குடும்பத்தில் நடிக்க கூடாது என தடை போடவே... அதனை ஏற்றுக்கொண்டு முழுமையாக திரையுலகில் இருந்து விலகினார்.

Pritha Hari

நடிகைகள் குழந்தைகள் பெற்று கொள்வதில் தயக்கம் காட்டுவார்கள் என ஒரு சில பேச்சுகள் அடிபட்ட சமயத்திலேயே... அடுத்தடுத்து 3 மகன்களை பெற்று கொண்டார். என்ன தான் முத்தாக மூன்று மகன்கள் இருந்தாலும், இவருக்கு ஒரு பெண் குழந்தை இல்லை என்பது எப்போதுமே சிறு வறுத்தம் தான்.

Pritha Hari

எனவே தன்னுடைய தங்கை ஸ்ரீதேவியின் மகள் என்றால், ப்ரீதாவுக்கு கொள்ளை இஷ்டம் என கூறப்படுகிறது. இயக்குனர் ஹரியும் பிரீத்தாவை திருமணம் செய்த பின்னரே தன்னுடைய கேரியரில் அடுத்தடுத்து பல வெற்றி படங்களை இயக்கினார்.

தன்னுடைய மகன்கள் அனைவரும் நன்கு வளர்ந்து விட்டதால், கணவர் ஹரியுடன் கை கோர்த்து... 3 டப்பிங் ஸ்டுடியோவை நடத்தி வருகிறார் ப்ரீத்தா. இதன் மொத்த நிர்வாகத்தையும் இவர் தான் கவனித்து கொள்கிறார்.

ப்ரீத்தா எப்போதுமே ட்ரடிஷனை அதிகம் விரும்புவர். மாடலாக புடவை கட்டுவதை விட, பட்டு புடவை, தலையில் மல்லி பூ, காதில் பெரிய கம்மல், நெற்றியில் குங்குமம், கை நிறைய வளையல் என பார்ப்பதற்கு எப்போதுமே கண்ணுக்கு நிறைவாக இருக்க கூடியவர். அதே போல் ஒவ்வொரு வருடமும், தவறாமல் வரலட்சுமி நோம்பை கடைபிடித்து வருகிறார். இதுவரை நான்கு வருடங்கள் இவர் வரலட்சுமி தேவியுடன் பகிர்த்துள்ள புகைப்படங்களின் தொகுப்புகள் தற்போது வைரலாக பார்க்கப்பட்டு வருகிறது.