40 வயதாகியும் முரட்டு சிங்கிளாக இருக்கும் ‘தக் லைஃப்’ நாயகி திரிஷா; இத்தனை கோடி சொத்துகளுக்கு சொந்தக்காரியா?

தமிழ் சினிமாவில் முன்னணி நடிகையாக வலம் வந்து கொண்டிருக்கும் நடிகை திரிஷாவின் சொத்து மதிப்பு மற்றும் சம்பள விவரம் பற்றி விரிவாக பார்க்கலாம்.

Trisha

நடிகைகள் சினிமாவில் குறுகிய காலம் மட்டுமே ஹீரோயினாக நடிக்க முடியும், வயதாக ஆக அவர்களுக்கு ஹீரோயின் வாய்ப்பு படிப்படியாக குறையும், இதன் காரணமாகவே பல்வேறு முன்னணி நடிகைகள் வயசானதும் ஹீரோயின் ரோல்களுக்கு குட் பாய் சொல்லிவிட்டு அக்கா, தங்கை, அம்மா போன்ற வேடங்களில் நடிக்க தொடங்கிவிடுவார்கள். ஆனால் ஒரு நடிகை 20 ஆண்டுகளாக தொடர்ந்து முன்னணி ஹீரோயினாக வலம் வருகிறார் என்றால் அது சாதாரண விஷயமல்ல. அப்படி ஒரு மகத்தான சாதனையை படைத்திருப்பவர் தான் திரிஷா.

Trisha Krishnan

அமீர் இயக்கிய மெளனம் பேசியதே படம் மூலம் ஹீரோயினாக அறிமுகமான திரிஷா, வெற்றிகரமாக 20 ஆண்டுகளை ஹீரோயினாக நிறைவு செய்துள்ளார். தற்போது அவருக்கு 40 வயது ஆகிவிட்டாலும், இன்றளவும் இளமை குறையாமல் 20 வயது பெண் போலவே காட்சியளிக்கிறார். அதனால் அவருக்கு கோலிவுட்டில் செம்ம டிமாண்ட் நிலவி வருகிறது. தற்போதைய கோலிவுட் டாப் நடிகர்களான விஜய், அஜித், கமல் ஆகியோரின் படங்களையெல்லாம் கைவசம் வைத்துள்ளார்.

thug life actress Trisha

அண்மையில் லியோ படத்தில் விஜய்க்கு ஜோடியாக நடித்திருந்த திரிஷா, தற்போது விடாமுயற்சி படத்தில் நடிகர் அஜித்துக்கு ஜோடியாக நடித்து வருகிறார். இதுதவிர கமல், மணிரத்னம் கூட்டணியில் உருவாக இருக்கும் பிரம்மாண்ட படைப்பான தக் லைஃப் என்கிற திரைப்படத்திலும் ஹீரோயினாக நடிக்க கமிட் ஆகி உள்ளார். இப்படி 40 வயதிலும் செம்ம பிசியான ஹீரோயினாக வலம் வரும் திரிஷா இன்னும் திருமணம் செய்துகொள்ளவில்லை.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Trisha Net worth

இந்த நிலையில் தற்போது அவரின் சொத்து மதிப்பு பற்றி பார்க்கலாம். நடிகை திரிஷாவின் சொத்து மதிப்பு ரூ.85 கோடி இருக்கும் என கூறப்படுகிறது. கடந்த ஆண்டு வரை ஒரு படத்துக்கு ரூ.3 கோடி சம்பளம் வாங்கி வந்த திரிஷா, பொன்னியின் செல்வன் படத்தின் வெற்றிக்கு பின்னர் தன் சம்பளத்தை 5 கோடியாக உயர்த்தினார். தற்போது அவர் நடித்த லியோ படமும் வெற்றியடைந்து உள்ளதால், அவர் தக் லைஃப் படத்துக்காக தன் சம்பளத்தை ரூ.10 கோடியாக அதிகரித்து உள்ளதாக கூறப்படுகிறது.

Trisha salary

அதேபோல் விளம்பரங்களில் நடிப்பதன் மூலம் நடிகை திரிஷாவுக்கு ஆண்டுக்கு ரூ.10 கோடி வரை வருமானம் வருகிறதாம். இவருக்கு சென்னையில் ஒரு ஆடம்பர வீடு உள்ளது. அந்த வீட்டின் மதிப்பு ரூ.7 கோடி இருக்கும் என கூறப்படுகிறது. இதுதவிர ஐதராபாத்திலும் ரூ.6 கோடி மதிப்பிலான சொகுசு பங்களா ஒன்றை சொந்தமாக வைத்திருக்கிறாராம் திரிஷா. 

Trisha car collection

கார்கள் மீதும் ஆர்வம் கொண்ட நடிகை திரிஷாவிடம் ரூ.80 லட்சம் மதிப்புள்ள மெர்சிடிஸ் பென்ஸ் எஸ் கிளாஸ், ரூ.75 லட்சம் மதிப்புள்ள பிஎம்டபிள்யூ 5 சீரிஸ் கார், ரூ.60 லட்சம் மதிப்புள்ள ரேஞ்ச் ரோவர் எவோக், ரூ.5 கோடி மதிப்புள்ள பிஎம்டபிள்யூ ரீகல் ஆகிய சொகுசு கார்கள் உள்ளன. இதுதவிர ரியல் எஸ்டேட்டிலும் பல கோடி முதலீடு செய்துள்ளாராம் திரிஷா.

இதையும் படியுங்கள்... தீபாவளி ரேஸில் ஜெயிக்கணும் கடவுளே... திருப்பதி கோவிலுக்கு திடீர் விசிட் அடித்த ஜிகர்தண்டா டபுள் எக்ஸ் படக்குழு