பிக்பாஸ் நிகழ்ச்சியில் இருந்து, மாயா வெளியேறுவார் என எதிர்பாக்கப்பட்ட நிலையில், யாரும் எதிர்பாராத போட்டியாளர் தற்போது வெளியேறியுள்ளது, பிக்பாஸ் ரசிகர்களை அதிர்ச்சியடைய வைத்துள்ளது.
பிக்பாஸ் சீசன் 7 நிகழ்ச்சி, மிகவும் விறுவிறுப்பாக சென்று கொண்டிருக்கும் நிலையில்... இன்னும் இரண்டு வாரத்தில் இறுதி கட்டத்தை எட்ட உள்ளது. எனவே பிக்பாஸ் டைட்டிலை, தனதாக்கி கொள்ள, உள்ளே இருக்கும் ஹவுஸ் மேட்ஸ் ஒவ்வொருவரும், விடாமுயற்சியுடன் போராடி வருகிறார்கள்.
மேலும் இந்த வாரம் எவிக்ஷனில், நிக்சன், மணி, மாயா, ரவீனா, விஜய் வர்மா, தினேஷ், விஷ்ணு ஆகிய 6 பேர் சிக்கிய நிலையில், இவர்களில் மிக குறைவான வாக்குகளுடன்... கடைசி இடத்தில் இருந்தது மாயா தான் என்றும், எனவே அவரே இந்த வாரம் பிக்பாஸ் வீட்டில் இருந்து வெளியேறுவார் என, யூகித்து கூறி வந்தனர் பிக்பாஸ் ரசிகர்களும், நெட்டிசன்களும்.
ஆனால் இந்த வாரம் யாரும் சற்றும் எதிர்பாராத போட்டியாளரான, ரவீனா தான் பிக்பாஸ் வீட்டில் இருந்து வெளியேறியுள்ளார். 80 நாட்கள் ரவீனா மணி சொல்வதை கேட்டு பப்பெட் கேம் விளையாடியதாகவே பார்க்கப்பட்டது. அதே நேரம்... எந்த இடத்தில் என்ன பேச வேண்டும் என்பதில் மிகவும் தெளிவாக யோசித்து பேசி ரசிகர்களின் ஆதரவை பெற்றார்.
ஃப்ரீஸ் டாஸ்க்குக்கு பின்னர், ரவீனாவின் விளையாட்டில் மிகப்பெரிய மாற்றம் ஏற்பட்டது. டிக்கெட் டூ பினாலே டாஸ்கில் கூட, பூர்ணிமாவுக்கு விட்டு கொடுக்காமல் விளையாடி செம்ம டஃப் கொடுத்தார். மேலும் ரசிகர்கள் மத்தியிலும் இவருக்கு நல்ல வரவேற்பு இருந்த நிலையில்... ரவீனா வெளியேற்றப்பட்டு விட்டதாக வெளியாகியுள்ள தகவல் தான் அதிர்ச்சியை ஏற்படுத்தியுள்ளது.
பிக்பாஸ் ரசிகர்கள் மற்றும் நெட்டிசன்கள் பலர்... மாயாவுக்கு ஆதரவாக பிக்பாஸ் நிகழ்ச்சி செயல்படுகிறதா? என்கிற மிகப்பெரிய கேள்வியுடன்... திட்டி தீர்த்து வருகிறார்கள். இந்த சம்பவம் தற்போது பரபரப்பை ஏற்படுத்தியுள்ளது.