Leo Movie Success Meet : கடந்த நவம்பர் 1ம் தேதி சென்னையில் உள்ள நேரு உள்விளையாட்டு அரங்கில் நடைபெற்ற லியோ திரைப்படத்தின் வெற்றி விழாவானது இன்று நவம்பர் 5ஆம் தேதி தொலைக்காட்சியில் ஒளிபரப்பாக உள்ளது.
பிரபல இயக்குனர் லோகேஷ் கனகராஜ் இயக்கத்தில் இரண்டாவது முறையாக தளபதி விஜய் அவர்கள் நடித்து கடந்த அக்டோபர் மாதம் 19 ஆம் தேதி வெளியாகி உலகெங்கிலும் வெற்றிகரமாக ஓடிவரும் திரைப்படம் தான் லியோ.
பிரபல நடிகை திரிஷா பல ஆண்டுகள் கழித்து தளபதி விஜய் அவர்களுடன் இணைந்து நடித்த இந்த திரைப்படத்தில் நடித்திருந்தார். இந்நிலையில் அவருடைய கதாபாத்திரம் மிகவும் கச்சிதமாக அமைக்கப்பட்டிருந்தது பலரால் வெகுவாக பாராட்டப்பட்டு வருகிறது.
மேலும் இந்த திரைப்படத்தை பிரபல தயாரிப்பாளர் லலித் குமார் தயாரிக்க, முன்னணி நடிகர்களான அர்ஜுன், கௌதம் வாசுதேவ் மேனன் மற்றும் மன்சூரலிகான் உள்ளிட்ட பலர் இந்த திரைப்படத்தில் நடித்திருந்தனர். பாலிவுட் உலகின் முன்னணி நடிகரான சஞ்சய் தத் அவர்களும் இந்த திரைப்படத்தில் ஒரு கதாபாத்திரம் ஏற்று நடித்திருந்தது குறிப்பிடத்தக்கது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
இந்நிலையில் இன்று நவம்பர் 5ஆம் தேதி லியோ திரைப்பட வெற்றி விழா தொலைக்காட்சியில் ஒளிபரப்பப்பட உள்ள நிலையில், நேற்று தளபதி விஜய் அவர்கள் தனது இன்ஸ்டாகிராம் பக்கத்தில் லியோ படத்தின் வெற்றி விழாவில் எடுக்கப்பட்ட புகைப்படங்களை பகிர்ந்து ரகசியங்களை மகிழ்ச்சி படுத்தி உள்ளார்.