நகைச்சுவை நடிகர் வடிவேலு இன்று தனது 63-வது பிறந்தநாளை கொண்டாடி வரும் நிலையில், அவரின் சொத்து மதிப்பு பற்றி இந்த தொகுப்பில் பார்க்கலாம்.
தமிழ் சினிமாவின் தவிர்க்க முடியாத காமெடியன் என்றால் அது வடிவேலு தான். என் ராசாவின் மனசினிலே படம் மூலம் நடிகர் ராஜ்கிரணால் சினிமாவில் அறிமுகப்படுத்தப்பட்டார் வடிவேலு. கவுண்டமணி, செந்தில் ஆகியோர் உச்சத்தில் இருந்த சமயத்தில் தன்னுடைய எதார்த்தமான நடிப்பாலும், உடல்மொழியாலும் அனைவரையும் சிரிக்க வைத்து அழகு பார்த்தார் வடிவேலு. இவர் கொடுக்காத ரியாக்ஷனே இல்லை என சொல்லும் அளவுக்கு எக்கச்சக்கமான ரியாக்ஷன்களை கொடுத்து காமெடி செய்திருக்கிறார்.
இதனால் தான் மீம் கிரியேட்டர்களின் கடவுளாக உள்ளார் வடிவேலு. எந்த ஒரு சூழலுக்கும் கச்சினு பொறுந்துவது வடிவேலுவின் மீம்ஸ். இதனால் தான் சினிமாவில் இவருக்கு ரெட் கார்டு கொடுத்து நடிக்க தடை விதிக்கப்பட்டபோது கூட மீம்ஸ் மூலம் தினசரி மக்களை சிரிக்கவும், சிந்திக்கவும் வைத்தார் வடிவேலு. ஒரு காமெடி கேரக்டர் உலகளவில் டிரெண்டாகிறது என்றால் அது வடிவேலுவின் கேரக்டராக தான் இருக்க முடியும். இதற்கு சான்று தான் இவரின் நேசமணி கேரக்டர். அந்த கேரக்டர் உலகளவில் டிரெண்டானதை யாராலும் அவ்வளவு எளிதில் மறந்திருந்த முடியாது.
இப்படி தமிழ் சினிமாவில் காமெடி ஜாம்பவானாக வலம் வரும் வடிவேலு, தற்போது தடையெல்லாம் நீங்கி, மீண்டும் கலக்கிக் கொண்டிருக்கிறார். நாய்சேகர் ரிட்டர்ன்ஸ் படம் மூலம் ரீ-எண்ட்ரி கொடுத்த வடிவேலு, அண்மையில் நடித்த மாமன்னன் திரைப்படம் வேறலெவல் ஹிட் ஆனது. வழக்கமாக காமெடியில் கலக்கி வந்த வடிவேலு, மாமன்னன் படத்தில் சீரியஸான கதாபாத்திரத்தில் நடித்து, தான் ஒரு மிகச்சிறந்த நடிகன் என்பதையும் நிரூபித்துவிட்டார்.
இதையும் படியுங்கள்... தலைவர் 171-க்காக காத்திருந்த கமலுக்கு விபூதி அடித்துவிட்டு... கலாநிதி மாறனிடம் ஐக்கியமான ரஜினி - பின்னணி என்ன?
அடுத்ததாக வடிவேலு நடிப்பில் சந்திரமுகி 2 திரைப்படம் உருவாகி உள்ளது. ஏற்கனவே சந்திரமுகி முதல் பாகத்தில் வடிவேலு செய்த காமெடி கலாட்டாவெல்லாம் இன்றளவும் ரசிக்கப்படுகின்றன. அதேபோல் சந்திரமுகி 2 படத்திலும் காமெடிக்கு பஞ்சம் இருக்காது என எதிர்பார்க்கப்படுகிறது. இப்படம் வருகிற செப்டம்பர் 28-ந் தேதி திரையரங்குகளில் ரிலீஸ் ஆக உள்ளது. இந்த நிலையில் நடிகர் வடிவேலு இன்று தனது 63-வது பிறந்தநாளை கொண்டாடி வருகிறார். அவருக்கு வாழ்த்து மழை பொழிந்த வண்ணம் உள்ளது. தற்போது அவரின் சொத்து மதிப்பு பற்றி பார்க்கலாம்.
அதன்படி நடிகர் வடிவேலுவுக்கு ரூ.130 கோடிக்கு மேல் சொத்துக்கள் உள்ளதாக கூறப்படுகிறது. சினிமாவில் சம்பாதித்த காசையெல்லாம் பெரும்பாலும் ரியல் எஸ்டேட்டில் தான் முதலீடு செய்வாராம் வடிவேலு. இவருக்கு சென்னையிலேயே இரண்டு சொகுசு வீடுகள் உள்ளன. இதன் மதிப்பு இரண்டு கோடி இருக்கும் என கூறப்படுகிறது. இதுதவிர மதுரையிலும் ஒரு பிரம்மாண்ட வீட்டை கட்டியுள்ள வடிவேலுவுக்கு, அங்கு 20 ஏக்கரில் விவசாய நிலமும் இருக்கிறதாம். அதேபோல் இவரிடம் இரண்டு உயர்ரக ஆடி கார், ஒரு பிஎம்டபிள்யூ கார் மற்றும் ஒரு டொயோட்டா கார் ஆகியவையும் உள்ளதாம்.
இதையும் படியுங்கள்... அவர் செஞ்சதெல்லாம் மறந்துட்டீங்களா... அப்பாவை அவதூறாக பேசியவர்களுக்கு கதீஜா ரகுமான் கொடுத்த அல்டிமேட் பதிலடி