நடிகர் விஜய் முதலில் திருமணம் செய்துகொள்ள இருந்தது இந்த பிரபலத்தின் மகளையா? சங்கீதாவால் ஏற்பட்ட மாற்றம்!

தளபதி விஜய் சங்கீதாவுக்கு முன் வேறு ஒரு பிரபலத்தின் மகளை திருமணம் செய்து கொள்ள இருந்த தகவல் குறித்து, பிரபல பத்திரிக்கையாளர் பயில்வான் ரங்கநாதன் கூறியுள்ளார்.  

Thalapathy Vijay

தமிழ் சினிமாவில் உச்ச நட்சத்திரமாக இருக்கும் தளபதி விஜய்க்கு, லட்சக்கணக்கான ரசிகர்கள் உள்ளனர். தமிழகத்தை தாண்டி கேரளா, ஆந்திரா, போன்ற மாநிலங்களிலும் தனக்கென மிகப்பெரிய ரசிகர்கள் கூட்டத்தை வைத்திருக்கும் விஜய், வெளிநாடுகளிலும் ஏகப்பட்ட ரசிகர்களின் அன்புக்கு சொந்தக்காரராகவே வலம் வந்து கொண்டிருக்கிறார்.

Thalapathy vijay

எனவே இவர் நடிக்கும் படங்கள் குறித்து எந்த ஒரு தகவல் வெளியானாலும் இவரது ரசிகர்கள், அதனை சமூக வலைதளத்தில் வைரலாக்கி விடுகின்றனர். அது மட்டும் இன்றி, இவருடைய படம் ரிலீஸ் ஆகும் அன்று திரையரங்கமே திருவிழா கோலம் போல் காட்சி அளிக்கும். சமீபத்தில் இவர் நடிப்பில் வெளியான 'லியோ' திரைப்படம் இதுவரை 600 கோடிக்கு மேல் வசூல் சாதனை படைத்துள்ளது. இந்த படத்தை மாநகரம், கைதி, விக்ரம், போன்ற படங்களை இயக்கிய இயக்குனர் லோகேஷ் கனகராஜ் இயக்கி இருந்தார். 7 ஸ்கிரீன் நிறுவனம் இப்படத்தை பிரமாண்டமாக தயாரித்துள்ளார்.

Thalapathy 68 Audio Rights

தளபதி, லியோ படத்தில் நடித்து முடித்த கையோடு... தன்னுடைய 68வது படத்தில் கவனம் செலுத்தி வருகிறார். இந்த படத்தை பிரபல இயக்குனர் வெங்கட் பிரபு இயக்க, ஏஜிஎஸ் நிறுவனம் பிரமாண்டமாக தயாரிக்க உள்ளது. இந்த படத்தில், நடிகர் பிரசாத், பிரபுதேவா, சினேகா, ஜெயராம், மைக் மோகன், லைலா, உள்ளிட்ட நட்சத்திர பட்டாளங்கள் நடிக்க உள்ளனர். இந்த படத்திற்கு வெங்கட் பிரபுவின் ஆஸ்தான இசையமைப்பாளரும், அவருடைய சகோதரருமான யுவன் சங்கர் ராஜா தான் இசையமைக்க உள்ளார்.

Jason sanjay

விஜய்யை தொடர்ந்து அவருடைய மகன் ஜேசன் சஞ்சையும் தமிழ் சினிமாவில் இயக்குனராக அறிமுகமாக உள்ளார். இந்த படத்தில் நடிகர் கவின் கதாநாயகனாக நடிப்பதாக கூறப்படுகிறது. இந்த படம் குறித்த அடுத்தடுத்த தகவல்கள் விரைவில் வெளியாகும் என எதிர்பார்க்கப்படுகிறது.

Vijay

இது ஒருபுறம் இருக்க, தற்போது தளபதி விஜய் திருமணம் குறித்து பிரபல நடிகரும் பத்திரிகையாளருமான பயில்வான் ரங்கநாதன் யாருக்கும் தெரியாத சீக்ரெட் தகவல் ஒன்றை கூறியுள்ளார். அதாவது நடிகர் விஜய் முதலில் அவரின் தாய் மாமாவும், ஷோபனாவின் தம்பியும்.. பின்னணி பாடகர்மான சுரேந்தரின் மகளை தான் திருமணம் செய்து வைக்க எஸ்.ஏ.சி மற்றும் ஷோபனா முடிவு செய்ததாகவும், ஆனால் விஜய்க்கும் சங்கீதாவுக்கும் ஏற்பட்ட காதலால் தங்களுடைய முடிவை மாற்றிக் கொண்டு சங்கீதாவுக்கே விஜய்யை திருமணம் செய்து வைத்ததாக தெரிவித்துள்ளார்.

சங்கீதா தளபதி விஜய்யை ஒரு ரசிகையாக பார்க்க வந்து, பின்னர் விஜயின் மனதில் இடம் பிடித்து காதலியாக மாறினார். இருவருமே உருகி உருகி காதலித்து திருமணம் செய்து கொண்ட நிலையில், சமீப காலமாக இவர்கள் இருவருக்கும் இடையே மனகசப்பு ஏற்பட்டு பிரிந்து வாழ்ந்து வருவதாக சில தகவல்கள் சமூக வலைதளத்தில் அவ்வபோது வெளியாகி வருகிறது. ஆனால் சங்கீதா தன்னுடைய மகள் திவ்யா லண்டனில் படிந்து வருவதால், தன்னுடைய அப்பா வீட்டில் இருந்து மகளை கவனித்து வருவதாக மற்றொரு தகவல் வெளியானது.ஆனால் இந்த தகவலுக்கு தொடர்ந்து விஜய் தரப்பு மௌனம் காத்து வருவது குறிப்பிடத்தக்கது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.