Jyothika: 45 வயதிலும் இளமை ஊஞ்சலாடும் அழகு.! மாடர்ன் உடையில்... பாலிவுட் நடிகைகளுக்கு டஃப் கொடுக்கும் ஜோதிகா!

நடிகை ஜோதிகா 45 வயதிலும், துள்ளலான இளமையுடன்... மாடர்ன் டிரஸ் அணிந்து வெளியிட்டுள்ள போட்டோஸ் சமூக வலைத்தளத்தில் அதிகமான ரசிகர்களால் பார்த்து ரசிக்கப்பட்டு வருகிறது.  

பிரபல நடிகை நக்மாவை தொடர்ந்து, அவரின் தங்கை என்கிற அடையாளத்துடன் தமிழ் சினிமாவில் அறிமுகமானவர் தான் ஜோதிகா. ஆனால் அக்காவையே தூக்கி சாப்பிடும் அளவுக்கு பர்ஃபாமென்சில் கலக்கினார் ஜோதிகா. விஜய், அஜித், கமல்ஹாசன், சூர்யா, விக்ரம் என தொடர்ந்து டாப் நடிகர்களுக்கு ஜோடியாக பல சூப்பர் ஹிட் படங்களில் நடித்தார்.

தமிழ் மட்டும் இன்றி, தெலுங்கு, மலையாளம், கன்னடம், போன்ற மொழிகளில் ஜோதிகா நடித்திருந்தாலும்... அதிகமாக தமிழ் படங்களில் தான் நடிக்க ஆர்வம் காட்டினார். 90'ஸ் இளம் ரசிகர்களின் கனவு கன்னியாக மாறிய ஜோ.. நடிகர் சூர்யாவுக்கு ஜோடியாக பேக் டூ பேக் சில படஙக்ளில் நடித்து வந்த நிலையில்.. இருவரும் காதலிக்க துவங்கினர்.

பல வருடங்களாக இந்த காதல் விவகாரத்தை வெளிப்படுத்தாத இந்த ஜோடி... தங்களின் திருமணத்திற்கு இரு வீட்டு பெற்றோரும் பச்சை கொடி காட்டிய பின்னர், அதிகார பூர்வமாக அறிவித்தனர். ஆரம்பத்தில் சூர்யாவின் தந்தை சிவகுமார், இவர்களின் திருமண விஷயத்தில் கொஞ்சம் கறார் காட்டினாலும்.. அவர் போட்ட கண்டீஷன்களுக்கு ஜோதிகா, ஓகே சொன்ன பிறகே அரைகுறை மனதுடன் சம்மதித்ததாக பேச்சுக்களும் அந்த நேரத்தில் அடிபட்டது. 

திருமணத்திற்கு பின்னர் திரையுலகில் இருந்து முழுமையாக விலகிய ஜோ, குழந்தைகள் பிறந்து... அவர்கள் வளர்ந்த பின்னர், மீண்டும் தமிழ் படங்களில் நடிக்க துவங்கினார். கதாநாயகிக்கு முக்கியத்துவம் கொடுக்கும் படங்களில் நடிக்கவே அதிக ஆர்வம் காட்டினார். அந்த வகையில் இவர் ரீ-என்ட்ரி கொடுத்த 36 வயதினிலே படத்திற்கு மிகப்பெரிய வரவேற்பு கிடைத்தது. அண்மையில் கூட இப்படத்தில் நடித்ததற்காக சிறந்த நடிகைக்கான தமிழ்நாடு திரைப்பட விருதுகளை பெற்றார் ஜோதிகா. 

கடந்த ஆண்டு தன்னுடைய கணவர் மற்றும் குழந்தைகளுடன், மும்பையில் செட்டில் ஆன ஜோதிகா... பாலிவுட் படங்களில் நடித்து வருகிறார். அந்த வகையில் கடந்த வாரம் இவர் நடிப்பில் வெளியான 'சைத்தான்' திரைப்படம், ஒரே வாரத்தில் 100 கோடி வசூலை எட்டியது. இதை தொடர்ந்து, இரண்டு பாலிவுட் படங்களில் நடித்து வருகிறார்.

மீண்டும் படங்களில் நடித்து வருவதால், தன்னுடைய உடலை ஃபிட்டாக வைத்து கொள்ள கடுமையான உடல் பயிற்சிகள் செய்வதோடு, அழகை வெளிப்படுத்தும் விதத்தில் போட்டோ ஷூட் செய்து புகைப்படங்களை வெளியிட்டு வருகிறார். அந்த வகையில் தற்போது ஜோதிகா நீல நிற மேக்சி உடையில்.. பாலிவுட் நடிகைகளுக்கு டஃப் கொடுக்கும் அழகோடும், இளமையோடும் எடுத்து கொண்ட போட்டோஸ் வைரலாக பார்க்கப்பட்டு வருகிறது.