சோனி WH-CH730N தனித்துவ அம்சங்கள்
ஓவர்-இயர் வயர்லெஸ் ஹெட்ஃபோனான இதில், அழைப்புகளின் போது சுற்றியுள்ள இரைச்சலைத் தடுக்க டூயல் நாய்ஸ் சென்சார் தொழில்நுட்பம் உள்ளது. 20 நிலைகளில் மாற்றியமைக்கக்கூடிய ஆம்பியன்ட் சவுண்ட் மோட் (Ambient Sound Modes), பிரசைஸ் வாய்ஸ் பிக்கப் தொழில்நுட்பத்துடன் கூடிய ஏஐ பீம்ஃபார்மிங் மைக்ரோஃபோன்கள் இதில் இடம்பெற்றுள்ளன. இணக்கமான சாதனங்களுடன் புளூடூத் LE ஆடியோ, கூகுள் ஃபாஸ்ட் பேர் (Google Fast Pair) மற்றும் மைக்ரோசாஃப்ட் ஸ்விஃப்ட் பேர் (Microsoft Swift Pair) ஆகியவற்றையும் இது ஆதரிக்கிறது.
நாய்ஸ் கேன்சலேஷன் வசதியை அணைத்து வைத்தால் 75 மணி நேரமும், ANC வசதியை இயக்கினால் 50 மணி நேரமும் இதன் பேட்டரி நீடிக்கும் என சோனி கூறுகிறது. இதன் எடை சுமார் 207 கிராம் ஆகும்.
சோனி WH-CH530 தனித்துவ அம்சங்கள்
30மிமீ டிரைவர் யூனிட்களுடன் மூடிய ஆன்-இயர் (Closed, on-ear) வடிவமைப்பைக் கொண்டுள்ள இந்த மாடலில், அழைப்புகளுக்கு ஏ.ஐ அடிப்படையிலான இரைச்சல் குறைப்பு வசதி உள்ளது. ஆனால், இதில் ANC அல்லது ஆம்பியன்ட் சவுண்ட் மோட் வசதி கிடையாது. ஒற்றை சார்ஜில் 55 மணி நேரம் வரை இசை கேட்கவும், 35 மணி நேரம் வரை பேசவும் முடியும் என சோனி தெரிவித்துள்ளது. வெறும் 3 நிமிடங்கள் ஃபாஸ்ட் சார்ஜ் செய்தால் 90 நிமிடங்கள் வரை பயன்படுத்த முடியும். இதன் எடை சுமார் 150 கிராம் மட்டுமே.