Lionel Messi: கால்பந்து உலகின் முடிசூடா மன்னனாக திகழ்ந்து வரும் லியோனல் மெஸ்ஸி, களத்தில் மட்டுமல்ல, பிசினஸ் உலகிலும் ஒரு பெரும் சாம்ராஜ்யத்தையே நடத்தி வருகிறார். பல ஆயிரம் கோடி ரூபாய் மதிப்புள்ள அவரின் சொத்து விவரங்கள் குறித்து பார்ப்போம்.
மெஸ்ஸி 2017-ல் தனது ஹோட்டல் பிசினஸை தொடங்கினார். ஸ்பெயினின் கடற்கரை நகரமான சிட்ஜெஸில் முதல் ஹோட்டலை வாங்கினார். அதன்பிறகு, 2018-ல் இபிஸா, 2020-ல் மல்லோர்கா, 2021-ல் பாகுவேரா, 2023-ல் அன்டோரா என தனது சாம்ராஜ்யத்தை விரிவுபடுத்தினார். தற்போது ஸ்பெயின் மற்றும் அன்டோராவில் MiM ஹோட்டல்ஸ் பிராண்டின் கீழ் 6 சொகுசு ஹோட்டல்களை மெஸ்ஸி வைத்திருக்கிறார். மெலியா ஹோட்டல்ஸ் இன்டர்நேஷனல் நிறுவனம் இவற்றை நிர்வகிக்கிறது.
25
ஹோட்டலில் கால்பந்து வாழ்க்கை நினைவுகள்
மெஸ்ஸியின் ஒவ்வொரு ஹோட்டலிலும் அவரின் கால்பந்து வாழ்க்கையின் நினைவுகள் நிறைந்திருக்கும். குறிப்பாக, அவர் வென்ற 8 பாலன் டி'ஓர் (Ballon d'Or) விருதுகளின் பிரதிகள் காட்சிக்கு வைக்கப்பட்டுள்ளன. அன்டோரா ஹோட்டலில் 'பாலன் டி'ஓர்' தீமில் ஒரு சாக்லேட் டெசர்ட் கூட கிடைக்கிறது. இந்த ஹோட்டல்களில் உள்ள 'ஹிஞ்சா' ரெஸ்டாரன்ட்களை பிரபல மிஷெலின் ஸ்டார் செஃப் நந்து ஜுபானியுடன் இணைந்து வடிவமைத்துள்ளனர். மேலும், இந்த ஹோட்டல்கள் சுற்றுச்சூழலுக்கு உகந்தவை என்பதால் 'லீட்' நிலைத்தன்மை சான்றிதழும் பெற்றுள்ளன.
35
லியோ மெஸ்ஸி சூட் பிரத்யேக அறை
அன்டோராவில் உள்ள ஹோட்டலில் 'லியோ மெஸ்ஸி சூட்' என்ற பெயரில் ஒரு பிரத்யேக அறை உள்ளது. தனிப்பட்ட டெரஸ், அவுட்டோர் ஹாட் டப், அழகான மலைக் காட்சிகள் என இந்த அறை மிகவும் ஆடம்பரமானது. இந்த சூட்டில் ஒரு இரவு தங்குவதற்கு 600 டாலருக்கும் (சுமார் ரூ.50,000) அதிகமாக செலவாகும். இது சாதாரண அறையின் வாடகையை விட இரண்டு மடங்கு அதிகம்.
மெஸ்ஸியின் முதலீடுகள் ஹோட்டல்களுடன் முடிந்துவிடவில்லை. அர்ஜென்டினாவின் பிரபல ரெஸ்டாரன்ட் செயினான 'El Club de la Milanesa'-வில் அவர் ஒரு முக்கிய பார்ட்னராக இருக்கிறார். ஒரு பிரீமியம் வைன் பிராண்டிலும் முதலீடு செய்துள்ளார். அவரின் ஹோட்டல் மற்றும் ரியல் எஸ்டேட் நிறுவனத்தின் சொத்து மதிப்பு 23 கோடி யூரோக்களுக்கும் அதிகம். பார்சிலோனா, பாரிஸ், லண்டன் போன்ற நகரங்களிலும் மெஸ்ஸிக்கு சொந்தமாக விலை உயர்ந்த சொத்துக்கள் உள்ளன.
55
கால்பந்து மூலம் வரும் வருமானம் பிசினஸ் முதலீடு
கால்பந்து மூலம் வரும் வருமானம், உலகளாவிய பிராண்ட் ஒப்பந்தங்கள், ஹோட்டல்கள், ரியல் எஸ்டேட், ரெஸ்டாரன்ட்கள் மற்றும் வைன் பிசினஸ் முதலீடுகள் என இவை அனைத்தும் சேர்ந்து மெஸ்ஸியின் சொத்து மதிப்பை பல மடங்கு உயர்த்தியுள்ளன. சர்வதேச அறிக்கைகளின்படி, அவரின் மொத்த சொத்து மதிப்பு ஒரு பில்லியன் டாலருக்கும் அதிகமாக இருக்கும் என்று கூறப்படுகிறது. இதனால்தான், மெஸ்ஸி களத்தில் மட்டுமல்ல, பிசினஸிலும் ஒரு சாம்பியனாக ஜொலிக்கிறார்.
