திரையுலகின் ரியல் ஹீரோ! மறைந்த இயக்குநரின் மகளுக்கு உதவிய யோகி பாபு - குவியும் பாராட்டுக்கள்!

Yogi Babu Helps Late Director Suresh Suresh Sangaiah Daughter : மறைந்த பிரபல இயக்குனரின் மகளுக்கு உதவி செய்த யோகி பாபு இந்த நல்லுணர்வை பற்றி இந்த தொகுப்பில் பார்க்கலாம்.

Yogi Babu Helps Late Director's Daughter

மறைந்த இயக்குனர் சுரேஷ் சங்கையாவின் மகள்களின் கல்விச் செலவிற்கு நடிகர் யோகி பாபு உதவி செய்துள்ளார். சுரேஷ் சங்கையா: ஒரு கிடாயின் கருணை மனு', 'சத்திய சோதனை' படங்களின் மூலம் கிராமத்து மனிதர்களின் வாழ்வியலை இயல்பும் யதார்த்தமுமாக சொன்னவர் இயக்குநர் சுரேஷ் சங்கையா. அவர் சிறிது மாதங்களுக்கு முன்பு உடல்நலக் குறைவால் இறந்துவிட்டார்.அவர் மறைவிற்கு முன் உருவான 'கெணத்த காணோம்' படம் விரைவில் திரையை தொடவிருக்கிறது.

கெணத்த காணோம்

திரைப்படம்: ஜியோ ஹாட் ஸ்டார் வழங்க ஆர். ரமேஷ் பாபு மற்றும் ஜெகன் பாஸ்கரன் இணைந்து தயாரித்து மறைந்த இயக்குநர் சுரேஷ் சங்கையா இயக்கியிருந்த திரைப்படம் ‘கெணத்த காணோம்’. நடிகர் யோகி பாபு முதன்மை கதாபாத்திரத்தில் நடித்துள்ள இந்தப் படத்தில் லவ்லின் சந்திரசேகர், ராமகிருஷ்ணன், ரேச்சல் ரபேக்கா, ஜார்ஜ் மரியம், மொட்டை ராஜேந்திரன், கவிதா பாரதி, கலைபாண்டியன், ஹலோ கந்தசாமி மற்றும் பலர் நடித்துள்ளனர்.இந்தப் படத்திற்கு நிவாஸ் கே பிரசன்னா இசையமைத்துள்ளார். சமீபத்தில் இந்தப் படத்தின் ஃபர்ஸ்ட் லுக் போஸ்டர் வெளியாகியுள்ளது.

சுரேஷ் உடன் யோகிபாபு நட்பு:

இயக்குநர் சுரேஷ் சங்கையாவை எனக்கு காக்கா முட்டை படத்தில் இருந்தே தெரியும். ஒரு கிடாயின் கருணை மனு படத்தில் என்னை நடிக்க வைக்க சுரேஷ் சங்கையா திட்டமிட்டிருந்தார். ஆனால், அப்போது எனக்கு தயக்கமாக இருந்தது. முதன்மை பாத்திரம் இல்லை என்றாலும், வேறொரு கதாபாத்திரத்தில் நடிக்க சொன்னார். தேதிகள் சார்ந்த சிக்கல், மற்ற படங்களில் இருந்ததால் அதுவும் நடக்கவில்லை. இதைத் தொடர்ந்து தான் சுரேஷ் சங்கையா என்னை ஹீரோவாக வைத்து படமெடுக்க வேண்டும் என்று இந்தப் படத்தை கொடுத்தது. 

Actor Yogi Babu Charity News Tamil

இது எனக்கு கிடைத்த பாக்கியமாக பார்க்கிறேன்.நல்ல இயக்குநரை நாம் இழந்துவிட்டோம். ஆனால், அவர் எப்போதும் நம்முடனேயே தான் இருக்கிறார். குழந்தை பிறந்த பிறகு தான் அவர் உயிரிழந்தார். ஏற்கனவே நான் கூறியதை போல், அந்த குழந்தையின் படிப்புக்கு நான் உதவுகிறேன். மேடை ஏறி சாமி இல்லை என்று கூறுவதை விட மலையேறி சாமி கும்பிடுகிறேன். நான் வணங்கும் முருகனை நம்பி இந்தப் படம் வெற்றி பெற வேண்டுகிறேன்” என்றார்.

காசோலை கொடுத்த யோகி பாபு:

சுரேஷின் இரண்டு குழந்தைகளுக்கும் கல்வி செலவுக்காக யோகி பாபு காசோலை வழங்கினார். ஆனால் அதில் குறிப்பிடப்பட்டிருக்கும் பணம் எவ்வளவு என்று சொல்ல வேண்டாம் என்று கேட்டுக் கொண்டதாகவும் கூறப்படுகிறது.