Toxic Surpasses Jana Nayagan : யாஷ் நடித்துள்ள 'டாக்ஸிக்' திரைப்படம் பாக்ஸ் ஆபிஸில் பட்டையைக் கிளப்பி வருகிறது. வெளியான வெறும் 5 நாட்களில், தளபதி விஜய்யின் 'ஜன நாயகன்' படத்தின் மொத்த வசூலைத் தாண்டி சாதனை படைத்துள்ளது.
ராக்கிங் ஸ்டார் யாஷ் நடிப்பில் உருவாகியுள்ள 'டாக்ஸிக்: எ ஃபேரி டேல் ஃபார் க்ரோன் அப்ஸ்' திரைப்படம், இந்தியா மற்றும் வெளிநாடுகளில் செமயான ஓப்பனிங் பெற்றுள்ளது. நாடு முழுவதும் பெரும் எதிர்பார்ப்புகளுக்கு மத்தியில் வெளியான இந்த படம், முதல் சில நாட்களுக்குப் பிறகு வசூலில் சற்று வேகம் குறைந்தாலும், ஒரு முக்கிய சாதனையை படைத்துள்ளது. தளபதி விஜய்யின் 'ஜன நாயகன்' படத்தின் லைஃப்டைம் வசூலை, யாஷின் 'டாக்ஸிக்' படம் முந்திவிட்டது.
தளபதி விஜய்யின் கடைசி பட சாதனையை முறியடித்த 'டாக்ஸிக்'
நடிகரும், அரசியல்வாதியுமான தளபதி விஜய்யின் கடைசி திரைப்படம் 'ஜன நாயகன்', அப்படம் ரசிகர்கள் மத்தியில் பெரிய ஹைப்பை உருவாக்கியது. ஆனால், 39 நாட்கள் திரையரங்குகளில் ஓடிய இந்தப் படம், இந்தியா முழுவதும் சுமார் 198.22 கோடி ரூபாய் மட்டுமே வசூலித்தது. ஆனால், யாஷின் 'டாக்ஸிக்' திரைப்படம் வெளியான வெறும் ஐந்து நாட்களிலேயே 'ஜன நாயகன்' படத்தின் வாழ்நாள் வசூல் சாதனையைத் தகர்த்துள்ளது.
'டாக்ஸிக்' படத்தின் 5வது நாள் பாக்ஸ் ஆபிஸ் வசூல் எவ்வளவு?
ஞாயிற்றுக்கிழமையுடன் 'டாக்ஸிக்' படம் வெளியாகி ஐந்து நாட்கள் நிறைவடைந்தது. 5வது நாளில் மட்டும், இந்தப் படம் இந்தியா முழுவதும் சுமார் 23 கோடி ரூபாய் வசூலித்துள்ளது. இதன் மூலம், ஐந்து நாட்கள் முடிவில் 'டாக்ஸிக்' படத்தின் மொத்த இந்திய நெட் வசூல் சுமார் 214.10 கோடி ரூபாயாக உள்ளது. சாக்னில்க் அறிக்கையின்படி, படத்தின் மொத்த இந்திய கிராஸ் வசூல் 255.95 கோடி ரூபாயைத் தொட்டுள்ளது. உலகளவில், 'டாக்ஸிக்' படம் இதுவரை மொத்தமாக 285.20 கோடி ரூபாய் வசூலித்துள்ளது.
இதன் மூலம், 300 கோடி ரூபாய் கிளப்பில் இணைவதற்கு இன்னும் சுமார் 15 கோடி ரூபாய் மட்டுமே தேவை. இன்று அல்லது நாளைக்குள் இந்தப் படம் 300 கோடி கிளப்பில் இணையும் என எதிர்பார்க்கப்படுகிறது. 'டாக்ஸிக்' ஒரு பெரிய நட்சத்திரப் பட்டாளத்தையே கொண்டுள்ளது. ராக்கிங் ஸ்டார் யாஷ் இரட்டை வேடத்தில் நடிக்க, நயன்தாரா, கியாரா அத்வானி, ஹூமா குரேஷி, ருக்மிணி வசந்த், தாரா சுதாரியா போன்ற பல பிரபல நடிகைகள் முக்கிய கதாபாத்திரங்களில் நடித்துள்ளனர். கீது மோகன்தாஸ் இயக்கியுள்ள இந்தப் படம், ஆகஸ்ட் 26 அன்று கன்னடம், இந்தி, தமிழ், தெலுங்கு, மலையாளம் மற்றும் ஆங்கிலம் ஆகிய மொழிகளில் வெளியானது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
