இந்திய அணியின் கேப்டன் விராட் கோலியும் - பாலிவுட்டின் முன்னணி நடிகையான அனுஷ்கா சர்மாவும் நீண்ட நாட்களாக காதலித்து வந்தனர். இவர்கள் இருவருக்கும் கடந்த 2017ம் ஆண்டு டிசம்பர் மாதம் 11ம் தேதி இத்தாலியில் கோலாகலமாக திருமணம் நடந்தது.
undefined
திருமணத்திற்கு பிறகும் நடிப்பு, தயாரிப்பு என அனுஷ்கா சர்மா பிசியாக இருந்தார். அதேபோல் கோலியும் இந்திய அணியின் கேப்டன் என்ற பொறுப்பை தாங்கி வந்தார். இந்த ஜோடியின் முதல் வாரிசை எதிர்பார்த்து ரசிகர்கள் காத்திருந்தனர்.
undefined
இந்நிலையில் தனது மனைவி அனுஷ்கா சர்மா கர்ப்பமாக இருப்பதாக விராட் கோலி பதிவிட்ட ட்வீட் 2020ம் ஆண்டில் அதிகம் லைக் செய்யப்பட்ட ட்வீட் என்ற சாதனையை படைக்கும் அளவிற்கு அனைவரும் தங்களது மகிழ்ச்சியை வெளிப்படுத்தினர்.
undefined
கர்ப்பமாக இருந்த அனுஷ்கா சர்மாவிற்கு கடந்த ஜனவரி மாதம் 11ம் தேதி அழகிய பெண் குழந்தை பிறந்தது. தாயும் சேயும் நலமாக இருப்பதாகவும், எங்களுடைய பர்சனல் நேரத்திற்கு நீங்கள் மதிப்பு கொடுக்க வேண்டும் என்றும் விராட் கோலி அறிவித்தார்.
undefined
இதையடுத்து சமீபத்தில் விராட் கோலியின் மகள் புகைப்படம் என்று ஒன்று சோசியல் மீடியாவில் வைரலானது. விராட் கோலியின் சகோதரரான விகாஸ் கோலி பதிவிட்ட அந்த புகைப்படம் சோசியல் மீடியாவில் வைரலானது. ஆனால் அது விராட் கோலி குழந்தையின் புகைப்படம் கிடையாது என்றும் விகாஸ் கோலி விளக்கம் அளித்திருந்தார்.
undefined
இதையடுத்து விராட் கோலி மகளின் முகத்தைக் காண ரசிகர்கள் காத்திருந்தனர். இன்று தங்களுடைய செல்ல மகளுக்கு பெயர் வைத்துள்ள விராட் - அனுஷ்கா ஜோடி, குடும்பமாக இருக்கும் க்யூட் போட்டோ ஒன்றையும் பதிவிட்டுள்ளனர்.
undefined
மகளுக்கு வாமிகா (Vamika) என்று பெயர் வைத்துள்ளனர். அனுஷ்கா சர்மா குழந்தையை கையில் வைத்திருக்க, தன்னுடைய மகளை விராட் கோலி மகிழ்ச்சியுடன் பார்த்துக் கொண்டிருக்கும் இந்த போட்டோ தற்போது இணையத்தில் வைரலாகி வருகிறது.
undefined