விஜய் Vs அஜித் – ரியல் பாக்ஸ் ஆபிஸ் கிங் யார் தெரியுமா?

தமிழ் சினிமாவின் முன்னணி நட்சத்திரங்களான விஜய் மற்றும் அஜித், தற்போது சினிமா தாண்டி அரசியல் மற்றும் கார் பந்தயத்தில் கவனம் செலுத்துகின்றனர் என்றே கூறலாம்.

விஜய் vs அஜித்

தமிழ் சினிமாவில் அஜித் குமார் மற்றும் விஜய் ஆகிய இருவரும் நீண்ட காலமாக ரசிகர்களை கவர்ந்து வரும் முன்னணி நட்சத்திரங்கள். தற்போதைய நிலவரப்படி, அஜித் தனது ஏகே ரேஸிங் மூலம் கார் பந்தயத்தில் கவனம் செலுத்தி வருகிறார். அதே நேரத்தில் நடிகர் விஜய் தமிழக வெற்றிக் கழகம் (TVK) மூலம் அரசியலிலும் கவனம் செலுத்த ஆரம்பித்துள்ளார். இதனால் இருவரின் பாதையும் சினிமாவைத் தாண்டி விரிந்துள்ளது.

விஜய் வசூல்

வசூல் மற்றும் ஹிட் படங்களின் எண்ணிக்கையை தரவுகளுடன் பார்க்கும்போது, விஜய் சற்று முன்னிலையில் இருப்பது தெரிகிறது. விஜயின் துப்பாக்கி, கத்தி, மெர்சல், சர்கார், மாஸ்டர், லியோ, வாரிசு போன்ற பல படங்கள் ரூ.100 கோடி முதல் ரூ.600 கோடி வரையிலான வசூலை பெற்றுள்ளன. குறிப்பாக லியோ உலகளவில் ரூ.600 கோடி அருகில் வசூல் செய்ததாக கூறப்படுகிறது.

அஜித் வசூல்

அஜித் தரப்பில் மங்காத்தா, வீரம், வேதாளம், விஸ்வாசம், வலிமை போன்ற படங்கள் பெரிய அளவில் வெற்றி பெற்றுள்ளன. விஸ்வாசம் தமிழ் நாடு பாக்ஸ் ஆபிஸில் மிகப்பெரிய வரவேற்பு பெற்றது. குடும்ப பார்வையாளர்களை அதிகம் ஈர்த்தது. மொத்தமாக பார்த்தால், விஜய் 10க்கும் மேற்பட்ட ரூ.100 கோடி கிளப் படங்களை கொண்டுள்ளார்.

டாப் ஹீரோ

அஜித் சுமார் 6–7 படங்கள் வரை ரூ.100 கோடி வரம்பை கடந்துள்ளார் என டிரேடிங் ரிப்போர்ட்ஸ் கூறுகின்றன. இதனால் தற்போதைய ட்ரெண்டில் விஜய் தொடர்ந்து வசூல் சாதனைகள் படைத்து வருகிறார். ஆனால், அஜித் படங்கள் ஓப்பனிங் கிங் என்ற பெயரை பெற்றவை. முதல் வார வசூலில் மிகப்பெரிய சாதனைகள் படைக்கும் திறன் அவருக்கு உள்ளது.

பாக்ஸ் ஆபிஸ் தமிழ்

விஜய் படங்கள் நீண்ட நாள் ஓட்டத்தில் வசூல் சேர்ப்பதில் முன்னிலை வகிக்கின்றன. இறுதியாக, ஹிட் எண்ணிக்கையை மட்டும் வைத்து யார் பெரியவர் என்று கூற முடியாது. இருவரும் தங்கள் ஸ்டைலில் ரசிகர்களை ஆட்கொண்டிருக்கும் இரண்டு பெரும் சக்திகள் என்பதே உண்மை. தற்போது இவர்கள் இருவரும் தங்களது சினிமா கேரியரை விட்டு, தனிப்பட்ட ஆசை மீது கவனம் செலுத்த தொடங்கியுள்ளனர்.