லைகா நிறுவனம் தயாரிப்பில் விஜய் மகன் இயக்குனராக அறிமுகமாக உள்ள திரைப்படத்தில் ஹீரோ யார் என்கிற தகவல் இணையத்தில் தீயாய் பரவி வருகிறது.
தமிழ் திரையுலகில் மாஸ் நடிகராக வலம் வருபவர் விஜய். அவரை சினிமாவில் அவரது தந்தை அறிமுகப்படுத்தினாலும், பின்னர் தன்னுடைய கடின உழைப்பால் முன்னேறி இன்று தனக்கென தனி ரசிகர் பட்டாளத்தையே உருவாக்கி வைத்துள்ளார். தற்போது லோகேஷ் கனகராஜ் இயக்கத்தில் லியோ படத்தில் நடித்து முடித்துள்ள விஜய், அடுத்ததாக வெங்கட் பிரபு இயக்கத்தில் உருவாக உள்ள தளபதி 68 படத்திற்காக தயாராகி வருகிறார்.
தளபதி 68 பட பணிகளுக்காக நடிகர் விஜய் அமெரிக்கா சென்றுள்ள நிலையில், அவரது மகன் பற்றிய ஒரு மாஸான அப்டேட் வெளியாகி உள்ளது. அதன்படி மகனை ஹீரோவாக்க ஆசைப்பட்ட விஜய்யிடம் தனக்கு டைரக்ஷனில் தான் ஆசை என ஓப்பனாக சொன்ன சஞ்சய் தற்போது தமிழ் சினிமாவில் ஒரு இயக்குனராக அவதாரம் எடுத்துள்ளார். ஜேசன் சஞ்சய் இயக்கும் முதல் படத்தை லைகா நிறுவனம் தான் தயாரிக்க உள்ளதாக அறிவித்துள்ளனர்.
இதையும் படியுங்கள்... இயக்குனராக அறிமுகமாகும் தளபதி விஜய் மகன் சஞ்சய்! அதிகாரபூர்வமாக அறிவித்த லைகா!
முதல் படமே லைகா போன்ற பிரம்மாண்ட தயாரிப்பு நிறுவனத்துடன் கமிட் ஆகி இருக்கும் ஜேசன் சஞ்சய், லைகா நிறுவனர் சுபாஸ்கரனை சந்தித்து அவருடன் எடுத்த புகைப்படங்களும் வெளியாகி வைரலாகி வருகின்றன. இதற்குமுன் சில குறும்படங்களை இயக்கி இருக்கும் ஜேசன் சஞ்சய் தற்போது இயக்குனராக அறிமுகமாகி இருப்பது கோலிவுட்டுக்கே மிகப்பெரிய சர்ப்ரைஸ் ஆக தான் உள்ளது.
இது ஒருபுறம் இருக்க, ஜேசன் சஞ்சய் இயக்கும் முதல் படத்தில் ஹீரோவாக நடிக்க உள்ளது யார் என்கிற தகவலும் சோசியல் மீடியாவில் கசிந்துள்ளது. அதன்படி மக்கள் செல்வன் விஜய் சேதுபதி தான் ஜேசன் சஞ்சய் இயக்கும் முதல் படத்தில் ஹீரோவாக நடிக்க உள்ளதாக தகவல்கள் தெரிவிக்கின்றன. இருப்பினும் லைகா நிறுவனம் இதுகுறித்து எந்த வித அதிகாரப்பூர்வ அறிவிப்பையும் வெளியிடாமல் சீக்ரெட் ஆக வைத்துள்ளது.
விஜய்யை அவரது தந்தை அறிமுகப்படுத்தி அடுத்தடுத்து சில படங்களை அவரை ஹீரோவாக நடிக்க வைத்து இயக்கினார். ஆனால் விஜய்யின் மகன் சஞ்சய் முதல் படத்திலேயே தந்தையை நடிக்க வைக்காமல் வேறு நடிகரை தேர்ந்தெடுத்துள்ளது பலரையும் ஆச்சர்யத்தில் ஆழ்த்தி உள்ளது. விரைவில் விஜய் சேதுபதி இப்படத்தில் நடிப்பது குறித்த அறிவிப்பு வெளியாகும் என எதிர்பார்க்கப்படுகிறது.
இதையும் படியுங்கள்... உண்மையில் அஜித் மற்றும் விஜயிடம், ரஜினி தோற்றுத்தான் போனாரா? ஜெயிலர் ஆடியோ லான்ச் தான் காரணமா?
சேனலை கிளிக் செய்து பின்தொடரவும்