சங்கீதா கேட்ட விவாகரத்து.. தந்தை விஜய்க்கு எதிராக ஜேசன் சஞ்சய் எடுத்த அதிரடி முடிவு

நடிகர் விஜய்யின் குடும்ப வாழ்க்கை விவாகரத்து வதந்திகளால் சூழப்பட்டுள்ளது. அவரது மகன் ஜேசன் சஞ்சய் குறித்த புதிய தகவல் வெளியாகி விஜய் ரசிகர்கள் இடையே அதிர்ச்சியை ஏற்படுத்தி உள்ளது.

விஜய் மகன் ஜேசன் சஞ்சய்

தமிழ் திரையுலகில் முன்னணி நடிகராக இருந்து அரசியலுக்கு கால் பதித்த நடிகர் விஜயைச் சுற்றி சமீபமாக குடும்ப வாழ்க்கை குறித்த செய்திகள் பரவி வருகிறது. சமூக வலைதளங்களில் வெளியாகும் தகவல்களின்படி, அவரது மனைவி சங்கீதா விவாகரத்து தொடர்பான மனு தாக்கல் செய்துள்ளார். இது விஜய் ரசிகர்கள் மத்தியில் பல்வேறு கருத்துக்கள் எழுந்துள்ளன.

விஜய் - சங்கீதா குடும்ப விவகாரம்

1999ஆம் ஆண்டு திருமணம் செய்துகொண்ட விஜய் மற்றும் சங்கீதா, நீண்ட காலமாக குடும்பமாகவே வாழ்ந்து வந்தனர். சங்கீதா இலங்கைத் தமிழ் பின்னணியைச் சேர்ந்தவர். திருமண வாழ்க்கையில் 25 ஆண்டுகள் மேலான பயணம் மேற்கொண்ட இந்த தம்பதியரைச் சுற்றி இப்போது பேசப்படும் விவாகரத்து தகவல்கள் பலரையும் ஆச்சரியப்படுத்தியுள்ளது.

விஜய் குடும்ப பிரச்சனை

விவாகரத்து மனு குடும்ப நீதிமன்றத்தில் தாக்கல் செய்யப்பட்டதாக சில ஊடகங்கள் செய்தி வெளியிட்டுள்ளன. ஆனால் இந்த தகவல் சம்பந்தப்பட்ட தரப்பில் தெளிவான உறுதிப்படுத்தல் இல்லை. இதற்கிடையில், விஜய் மற்றும் சங்கீதாவின் மகன் ஜேசன் சஞ்சய் தனது சமூக வலைதளத்தில் தந்தையை அன்பாலோ அதாவது பின்தொடர்வதை நிறுத்தியதாக பரபரப்பு கிளம்பியுள்ளது. இதுவே குடும்பத்தில் விரிசல் ஏற்பட்டிருக்கலாம் என்ற ஊகங்களுக்கு வழிவகுத்துள்ளது.

ஜேசன் சஞ்சய் இன்ஸ்டாகிராம் பக்கம்

ஆனால் இதிலும் குழப்பம் நிலவுகிறது. சிலர் கூறுவதாவது, ஜேசன் சஞ்சய் முன்னதாகவே தனது தந்தையை சமூக வலைதளத்தில் பின்தொடரவில்லை. அதனால் ‘அன்பாலோ’ செய்தார் என்ற தகவலும் சரியா என்ற கேள்வி எழுகிறது. ரசிகர்கள் சமூக வலைதள செயல்பாடுகளை கவனித்து பல்வேறு முடிவுகளை எடுத்துக் கொண்டாலும், உறுதியான தகவல்கள் வெளியாகாததால் நிலைமை தெளிவாகவில்லை.