விடுதலை பட ஹீரோயினா இது! டக்கரான போட்டோஷூட் மூலம் டாப் நடிகைகளை அழகில் ஓவர் டேக் செய்த பவானி ஸ்ரீ

வெற்றிமாறன் இயக்கிய விடுதலை படத்தில் ஹீரோயினாக நடித்து பிரபலமான நடிகை பவானி ஸ்ரீயின் அசத்தலான போட்டோஷூட் வைரலாகி வருகிறது.

Bhavani sre

தமிழ் திரையுலகில் முன்னணி இசையமைப்பாளராக வலம் வரும் ஜிவி பிரகாஷின் உடன் பிறந்த தங்கை தான் பவானி ஸ்ரீ. இவர் உதவி இயக்குனராக தான் தன்னுடைய திரையுலக பயணத்தை தொடங்கினார். ஏ.எல்.விஜய் இயக்கிய இது என்ன மாயம், பிரியதர்ஷன் இயக்கத்தில் வெளிவந்த சம்டைம்ஸ் ஆகிய படங்களில் உதவி இயக்குனராக பணியாற்றி உள்ளார் பவானி.

Bhavani sre

இதையடுத்து விருமாண்டி இயக்கத்தில் கடந்த 2020-ம் ஆண்டு வெளியான விஜய் சேதுபதியின் க/பெ ரணசிங்கம் திரைப்படத்தின் மூலம் நடிகையாக அறிமுகமானார் பவானி ஸ்ரீ. இப்படத்தில் மாயி என்கிற கதாபாத்திரத்தில் நடித்து கவனம் ஈர்த்த அவர், பின்னர் சுதா கொங்கரா இயக்கிய பாவக் கதைகள் ஆந்தாலஜி தொடரின் மூலம் நாயகியாக அறிமுகமானார். இதில் சாந்தனுவுக்கு ஜோடியாக நடித்தார் பவானி.

இதையும் படியுங்கள்... அஜித்தின் துணிவு பட பாக்ஸ் ஆபிஸ் சாதனையை முறியடித்த போர் தொழில் - அல்டிமேட் ஸ்டாரை ஓரங்கட்டிய சுப்ரீம் ஸ்டார்!

Bhavani sre

பின்னர் பவானியின் நடிப்புத் திறமையை பார்த்து வியந்துபோன இயக்குனர் வெற்றிமாறன், அவர் இயக்கிய விடுதலை படத்தின் மூலம் பவானியை சினிமாவில் நாயகியாக அறிமுகப்படுத்தினார். இப்படத்தில் நடிகர் சூரிக்கு ஜோடியாக நடித்திருந்தார் பவானி ஸ்ரீ. இப்படத்தில் அவரின் எதார்த்தமான நடிப்புக்கு பாராட்டுக்களும் கிடைத்தன.

Bhavani sre

அடுத்ததாக விடுதலை 2-ம் பாகம், நண்பன் ஒருவன் வந்த பிறகு ஆகிய படங்களை கைவசம் வைத்துள்ளார் பவானி ஸ்ரீ. இவர் தன்னுடைய அண்ணன் ஜிவி பிரகாஷ் இசையில் புத்தம் புது காலை என்கிற வெப் தொடருக்காக பாடலும் பாடி இருக்கிறார். 

Bhavani sre

இப்படி பிசியான நாயகியாக வலம் வரும் பவானி ஸ்ரீ, தற்போது சேலையில் செம்ம அழகாக போஸ் கொடுத்து போட்டோஷூட் ஒன்றை நடத்தி உள்ளார். அவரின் இந்த போட்டோஷூட் புகைப்படங்களை பார்த்த ரசிகர்கள் டாப் ஹீரோயினுக்கே டஃப் கொடுக்கும் அளவுக்கு செம்ம சூப்பராக இருப்பதாக கமெண்ட் செய்து வருகின்றனர்.

இதையும் படியுங்கள்... பேருந்து ஓட்டுநர் ஷர்மிளாவுக்கு கார் பரிசளித்து அதிர்ச்சி கொடுத்த கமல்ஹாசன்