தியேட்டர்களை ஆக்கிரமித்த மாவீரன்... வேறுவழியின்றி ஓடிடிக்கு சென்ற மாமன்னன் - ரிலீஸ் தேதி அறிவிப்பு

மாரி செல்வராஜ் இயக்கத்தில் உதயநிதி ஸ்டாலின், வடிவேலு மற்றும் கீர்த்தி சுரேஷ் நடித்த மாமன்னன் படத்தின் ஓடிடி ரிலீஸ் தேதி அறிவிக்கப்பட்டு உள்ளது.

இயக்குனர் ராமிடம் உதவி இயக்குனராக பணியாற்றியவர் மாரி செல்வராஜ். இவர் கடந்த 2018-ம் ஆண்டு வெளியான பரியேறும் பெருமாள் படத்தின் மூலம் இயக்குனராக அறிமுகமானார். முதல் படத்திலேயே சாதிய ஒடுக்குமுறை பற்றி வெளிப்படையாக பேசி பாராட்டுக்களை பெற்றார் மாரி செல்வராஜ். இதையடுத்து அவருக்கு கிடைத்த ஜாக்பாட் வாய்ப்பு தான் கர்ணன். தனுஷ் நாயகனாக நடித்த இப்படத்தை உண்மை சம்பவத்தை மையமாக வைத்து எடுத்து அதிலும் வெற்றிவாகை சூடினார் மாரி செல்வராஜ்.

maamannan

கர்ணன் படத்தின் வெற்றிக்கு பின்னர் துருவ் விக்ரமை வைத்து கபடி சம்பந்தமான கதைக்களத்துடன் ஒரு படத்தை எடுக்க திட்டமிட்டிருந்தார் மாரி செல்வராஜ், அந்த சமயத்தில் அவரை அழைத்த நடிகர் உதயநிதி ஸ்டாலின், தன்னுடைய கடைசி படத்தை நீங்கள் தான் இயக்க வேண்டும் என கேட்டுக் கொண்டதற்கு இணங்க, மாரி செல்வராஜ் கமிட் ஆன திரைப்படம் தான் மாமன்னன். உதயநிதியின் கடைசி படம் என்பதால் மிகப்பெரிய பட்ஜெட்டில் இதனை உருவாக்கி இருந்தனர்.

இதையும் படியுங்கள்... ஹாலிவுட் சூப்பர்ஸ்டார் டாம் குரூஸிடம் வேலை பார்க்கும் பிரபல தமிழ் நடிகையின் மகள் - இவ்ளோநாள் இதுதெரியாம போச்சே

maamannan

உதயநிதி உடன் வடிவேலு, பகத் பாசில், கீர்த்தி சுரேஷ், லால், ரவீனா என மிகப்பெரிய நட்சத்திர பட்டாளமே நடித்திருந்த இப்படம் பாக்ஸ் ஆபிஸில் ரூ.50 கோடிக்கு மேல் வசூலை வாரிக் குவித்து பிளாக்பஸ்டர் ஹிட் ஆனது. இதனால் உதயநிதியின் கெரியரில் அதிக வசூலை வாரிக்குவித்த படம் என்கிற பெருமையை மாமன்னன் பெற்றுள்ளது. தமிழில் ஹிட் ஆனதை அடுத்து இப்படத்தை டப்பிங் செய்து கடந்த ஜூலை 14-ந் தேதி தெலுங்கில் ரிலீஸ் செய்தனர். 

maamannan

மாமன்னன் திரைப்படம் தெலுங்கில் ரிலீசாகி நான்கு நாட்களே ஆகும் நிலையில், அப்படத்தின் ஓடிடி ரிலீஸ் தேதியை தற்போது திடீரென அறிவித்துள்ளனர். அதன்படி இப்படம் வருகிற ஜூலை 27-ந் தேதி நெட்பிளிக்ஸ் ஓடிடி தளத்தில் தமிழ், தெலுங்கு, கன்னடம், மலையாளம் ஆகிய மொழிகளில் வெளியாகும் என அறிவிக்கப்பட்டு உள்ளது. மாமன்னன் திரைப்படம் ஓடிக்கொண்டிருந்த தியேட்டர்களில் தற்போது சிவகார்த்திகேயனின் மாவீரன் திரைப்படம் ஆக்கிரமித்து உள்ள காரணத்தால் தான் சீக்கிரமாகவே மாமன்னன் படத்தின் ஓடிடி ரிலீஸ் தேதியை அறிவித்துவிட்டதாக கூறப்படுகிறது.

இதையும் படியுங்கள்... மீண்டும் வருகின்றார் பிரம்மாண்ட தயாரிப்பாளர்.. உருவாகும் ஜென்டில் மேன் 2 - கவிப்பேரரசு கொடுத்த அப்டேட்!