Trisha Talk About Identity Movie and Malayalam Cinema: எப்போதுமே மலையாள படங்கள் வித்தியாசமானதாகவும், புத்திசாலித்தனமாகவும் இருக்கும் என்று நடிகை த்ரிஷா கூறியிருக்கிறார்.
Trisha Talk About Identity Movie and Malayalam Cinema : தமிழ் சினிமாவில் முன்னணி நடிகைகளில் ஒருவராக வலம் வந்து கொண்டிருந்த த்ரிஷா ஹீரோயினுக்கு முக்கியத்துவம் வாய்ந்த கதைகளை தேர்வு செய்து எடுத்து தோல்வி கொடுத்தார். இதனால், சினிமா வாய்ப்பு குறைந்தது. அதன் பிறகு மணிரத்னம் இயக்கத்தில் வந்த பொன்னியின் செல்வன் பார்ட் 1 மற்றும் பார்ட் 2 படங்கள் அவரது அழகை பிரமிக்க வைத்து கம்பேக் கொடுக்க வைத்தது.
இதையடுத்து லியோ மற்றும் கோட் (சிறப்பு தோற்றம் பாடல்) ஆகிய படங்களில் விஜய் உடன் இணைந்து நடித்தார். கோட் படத்தில் ஒரு பாடலுக்கு குத்தாட்டம் போட காரணம் கில்லி மற்றும் திருப்பாச்சி படங்கள் தான். இப்போது மலையாளத்தில் ஐடெண்டிட்டி (Identity) என்ற படத்தில் நடித்துள்ளார். இந்தப் படம் கடந்த 2 ஆம் தேதி திரைக்கு வந்தது. உலகம் முழுவதும் வெளியான இந்தப் படம் இப்போது 5 நாட்கள் முடிவில் ரூ.10.65 கோடி வரையில் வசூல் குவித்திருக்கிறது.
இயக்குநர் அகில் பால் இயக்கத்தில் டோவினோ தாமஸ், த்ரிஷா, வினய் ராய், அஜூ வர்கீஸ், மந்திரா பேடி, அர்ச்சனா கவி, ஷம்மி திலகன், ஆர்யா ஆகியோர் இந்தப் படத்தில் நடித்திருந்தனர். பெண்களுக்கு எதிராக நடக்கும் சம்பங்களை மையப்படுத்தி இந்தப் படம் எடுக்கப்பட்டது என்பது குறிப்பிடத்தக்கது. இந்தப் படத்திற்கு கிடைத்த வரவேற்பின் மூலமாக 2025 ஆம் ஆண்டு வெற்றியோடு தொடங்கிய த்ர்ஷா இப்போது இந்த ஆண்டில் மட்டும் விடாமுயற்சி, குட் பேட் அக்லி, விஸ்வம்பரா, தக் லைஃப், சூர்யா 45 மற்றும் ராம் ஆகிய படங்களில் நடித்துள்ளார். இந்தப் படங்கள் இந்த ஆண்டு வெளியாக இருக்கிறது.
இந்த நிலையில் தான் ஐடெண்டிட்டி படத்தின் பத்திரிக்கையாளரை சந்தித்த த்ரிஷா அந்த படம் பற்றி கூறியிருக்கிறார். அதில், எனக்கு எப்போதும் மலையாள சினிமா மீது ஒரு மரியாதை இருந்து கொண்டே இருக்கும். ஏனென்றால் மலையாள படங்கள் பெரும்பாலும் வித்தியாசமானதாகவும், புத்திச்சாலித்தனமாகவும் இருக்கும். ஒரு வருஷத்துல எப்படியும் ஒரு மலையாள படத்திலாவது நடிக்க வேண்டும் என்று நினைத்தேன். அதற்கு இப்போதுதான் வாய்ப்பு கிடைத்து நடித்திருக்கிறேன் என்று கூறியுள்ளார்.
சேனலை கிளிக் செய்து பின்தொடரவும்