2022-ம் ஆண்டு கூகுளில் அதிகம் தேடப்பட்ட டாப் 100 ஆசிய பிரபலங்களின் பட்டியல் வெளியிடப்பட்டு உள்ளது. அதன் விவரத்தை இந்த தொகுப்பில் பார்க்கலாம்.
கூகுளில் அதிகம் தேடப்பட்ட பிரபலங்களின் பட்டியல் ஒவ்வொரு ஆண்டின் இறுதியிலும் வெளியிடப்படும். அந்த வகையில் இந்த ஆண்டு கூகுளில் அதிகம் தேடப்பட்ட டாப் 100 ஆசிய பிரபலங்களின் பட்டியல் வெளியிடப்பட்டு உள்ளது. அந்த பட்டியலில் இடம்பெற்றுள்ள இந்திய பிரபலங்களைப் பற்றி இந்த தொகுப்பில் பார்க்கலாம்.
இந்த பட்டியலில் முதல் இரண்டு இடங்களை தென் கொரியாவின் பிரபல இசைக்குழுவை சேர்ந்த பாடகர்களான வி மற்றும் ஜங்க்கூக் ஆகியோர் பிடித்துள்ளனர். இதற்கு அடுத்தபடியாக மூன்றாவது இடத்தை இந்திய கிரிக்கெட் அணியின் நட்சத்திர வீரர் கிங் கோலி பிடித்துள்ளார். வழக்கம்போல் இந்த லிஸ்ட்டில் பாலிவுட் பிரபலங்கள் தான் ஆதிக்கம் செலுத்தி உள்ளனர்.
இதையும் படியுங்கள்... திருப்பதி சென்ற ரஜினிகாந்த்... தேவஸ்தானம் சார்பில் சிறப்பு வரவேற்பு!!
கோலிவுட்டை பொறுத்தவரை இந்த பட்டியலில் முன்னிலையில் உள்ளது நடிகர் விஜய் தான். அவர் இந்த லிஸ்ட்டில் 15-வது இடத்தை பிடித்துள்ளார். கடந்த ஆண்டு 19-வது இடத்தில் இருந்த விஜய், இந்த ஆண்டு நான்கு இடங்கள் முன்னேறி உள்ளார். இந்த பட்டியலில் உலகம் முழுவதும் அதிக ரசிகர் பட்டாளத்தை கொண்டுள்ள கிரிக்கெட் வீரர் எம்.எஸ்.தோனியை நடிகர் விஜய் பின்னுக்கு தள்ளி உள்ளார். தோனி 24-வது இடத்தில் உள்ளார்.
இதுதவிர கோலிவுட் பிரபலங்களான காஜல் அகர்வால் 13-வது இடத்திலும், சமந்தா 17-வது இடத்திலும், நயன்தாரா 33-வது இடத்திலும், சூர்யா 45-வது இடத்திலும், கீர்த்தி சுரேஷ் 62-வது இடத்திலும், ரஜினிகாந்த் 68-வது இடத்திலும், அஜித்குமார் 78-வது இடத்திலும், சாய் பல்லவி 89-வது இடத்திலும் உள்ளனர். பாலிவுட் பிரபலங்களான கத்ரீனா கைஃப், ஆலியா பட், சல்மான் சான், ஷாருக்கான் ஆகியோர் டாப் 10-ல் உள்ளனர் என்பது குறிப்பிடத்தக்கது.
இதையும் படியுங்கள்... உதயநிதி ஸ்டாலின் அமைச்சரானது எனக்கு மகிழ்ச்சி… நடிகர் விஷால் கருத்து!!