அர்ஜுன் ரெட்டி புகழ் விஜய் தேவரகொண்டா சமீபத்தில் நடித்த படம் தான் லைகர். தெலுங்கில் பல ஹிட் படங்களை கொடுத்த பூரி ஜெகநாத் என்பவர்தான் இந்த படத்தை இயக்கி இருந்தார். விஜய் தேவரகொண்டாவுக்கு ஜோடியாக அனன்யா பாண்டேவும் அம்மாவாக ரம்யா கிருஷ்ணனும் இந்த படத்தில் நடித்துள்ளனர்.
25
எம் எம் ஏ வீரராக வேண்டும் என்கிற லட்சியத்தில் இருக்கும் நாயகன் எதிரிகளுடன் போராடி இறுதியில் தன் இலக்கை தொட்டாரா? என்பதே இந்த படத்தின் கதையாகும். இதில் அமெரிக்க குத்து சண்டை வீரர் மைக் டைசன் முக்கிய கதாபாத்திரத்தில் தோன்றியுள்ளார்.
இந்தி மற்றும் தெலுங்கு ஆகிய இரு மொழிகளில் ஒரே நேரத்தில் உருவாக்கப்பட்ட இந்த படம் தமிழ், மலையாளம், கன்னடம் ஆகிய மொழிகளில் டப் செய்யப்பட்டு வெளியிடப்பட்டது. கடந்த ஆகஸ்ட் 25ஆம் தேதி மிகுந்த எதிர்பார்ப்புக்கு மத்தியில் உலகம் எங்கும் ரிலீஸ் செய்யப்பட்டு வெளியாகி இருந்தது.
ஆனால் ட்ரைலர் பெற்ற வரவேற்பை கூட படம் பெறவில்லை. கலையான விமர்சனங்களையும் பெற்றது. விருவிருப்பில்லாத காட்சி அமைப்பு உள்ளிட்ட தொடர் எதிர்மறை விமர்சனங்களை பெற்றது. இருந்தும் முதல் நாளில் 33 கோடி பாக்ஸ் ஆபிஸ் கலெக்ஷனை பெற்றுவிட்டது.
ஆனால் இரண்டாம் நாளில் முதல் நாளை விட பாதி அளவு இதன் வசூல் குறைந்துவிட்டது. அதாவது இரண்டாம் நாளில் 16 கோடியை மட்டுமே படம் வசூலித்து இருந்தது. இந்நிலையில் பிரபல திரைப்பட தரவு இணையதளமான ஐ எம் டி பி இந்த படம் விமர்சன ரீதியில் எத்தனை புள்ளிகளை பெற்றுள்ளது என குறிப்பிடப்பட்டுள்ளது.
அதன்படி பத்துக்கு 2.8 புள்ளிகளை மட்டுமே அளிக்கப்பட்டுள்ளது. ஆனால் முன்னதாக பிரபல தொழிலதிபரான சரவணன் அருள் நடிப்பில் வெளியாகியிருந்த தி லெஜன்ட் படத்திற்கு 5.3 புள்ளிகள் கொடுக்கப்பட்டிருந்தது குறிப்பிடத்தக்கது. இந்த ரேட்டிங்கை இணையதளத்தில் வைரலாகி வருகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
