மதராஸிக்கு சோலி முடிஞ்சது... செப்டம்பர் 12ந் தேதி தியேட்டரில் 10; ஓடிடியில் அரை டஜன் படங்கள் ரிலீஸ்..!

செப்டம்பர் 12ந் தேதி தியேட்டரில் மட்டும் 10 படங்கள் ரிலீஸ் ஆகிறது. இதுதவிர ஓடிடியில் என்னென்ன படங்கள் ரிலீஸ் ஆகிறது என்பதை இந்த தொகுப்பில் பார்க்கலாம்.

தியேட்டரில் ரிலீஸ் ஆகும் படங்கள்

செப்டம்பர் 12-ந் தேதி மட்டும் தியேட்டரில் மொத்தம் 10 படங்கள் ரிலீஸ் ஆக உள்ளன. அதில் பிரபலமான நடிகர்களின் படங்கள் என்று பார்த்தால், ஜிவி பிரகாஷ் குமார் நடித்த பிளாக்மெயில், அதர்வா முரளியின் தணல், அர்ஜுன் தாஸ் ஹீரோவாக நடித்த பாம், பாண்டியன் ஸ்டோர்ஸ் சீரியல் நடிகர் குமரன் நாயகனாக அறிமுகமாகி உள்ள குமார சம்பவம் ஆகிய ஆகிய படங்கள் தான். இதுதவிர, அந்த 7 நாட்கள், தாவுத், காயல், உருட்டு உருட்டு, யோலோ, ஆகிய சிறு பட்ஜெட் படங்களும் இந்த வாரம் திரைக்கு வர உள்ளது. இந்த படங்களின் வரவால் சிவகார்த்திகேயனின் மதராஸி படத்திற்கான திரையரங்குகள் குறைய வாய்ப்பு இருக்கிறது.

அமேசான் பிரைம் ஓடிடியில் ரிலீஸ் ஆகும் படங்கள்

கூலி – செப்டம்பர் 11

ரஜினிகாந்த் நடிப்பில், லோகேஷ் கனகராஜ் இயக்கத்தில் உருவான இது, ஒரு ரிவென்ச் ஆக்‌‌ஷன் திரைப்படமாகும். நாகார்ஜுனா அக்கினேனி, சௌபின் ஷாஹிர், உபேந்திரா, ஸ்ருதிஹாசன், சத்யராஜ் ஆகியோர் முக்கிய வேடங்களில் நடித்துள்ளனர். ஆமீர் கான் சிறப்புத் தோற்றத்தில் நடித்துள்ளார். இப்படம் செப்டம்பர் 11ந் தேதி அமேசான் பிரைமில் ரிலீஸ் ஆகிறது.

டூ யூ வான்னா பார்ட்னர் – செப்டம்பர் 12

தமன்னா பாட்டியா, டயானா பென்டி ஆகியோர் நடித்துள்ள இந்தத் தொடரில், இரண்டு தோழிகள் பீர் பிராண்டைத் தொடங்கி எதிர்கொள்ளும் சவால்களையும், கஷ்டங்களையும் சித்தரிக்கிறது.

நெட்பிளிக்ஸில் ரிலீஸ் ஆகும் படங்கள்

தி டெட் கேர்ள்ஸ் – செப்டம்பர் 11

ஜார்ஜ் இபார்குங்கோய்டியா நாவலைத் தழுவி எடுக்கப்பட்ட இந்தத் தொடர், 1960களில் மெக்சிகோவில் பாலாட்ரோ சகோதரிகள் எப்படி விபச்சார சாம்ராஜ்யத்தை உருவாக்கி, கொடூரமானவர்களாக மாறினர் என்பதைச் சொல்கிறது. பாலினா கைடன், அர்செலியா ரமீரெஸ், ஜோக்வின் கோசியோ ஆகியோர் முக்கிய வேடங்களில் நடித்துள்ளனர்.

டயரி ஆஃப் எ டிச்ட்டு கேர்ள் – செப்டம்பர் 12

அமண்டா என்ற இளம்பெண் டேட்டிங்கில் சந்திக்கும் வேடிக்கைகள் மற்றும் சிக்கல்களைச் சித்தரிக்கும் காதல் நகைச்சுவை வலைத் தொடர் இது. கார்லா சீஹன், மோவா மேட்சன், இங்கெலா ஓல்சன் ஆகியோர் முக்கிய வேடங்களில் நடித்துள்ளனர்.

தி ராங் பாரிஸ் – செப்டம்பர் 12

பிரான்சில் உள்ள பாரிஸ் என்று நினைத்து டெக்சாஸில் தரையிறங்கும் கதாநாயகியின் காதல் கதை இது. அங்கு அவர் சந்திக்கும் ஒரு கவ்பாய் இளைஞனால் அவரது வாழ்க்கை எப்படி மாறுகிறது என்பதை இந்தக் கதை விவரிக்கிறது.

யூ அண்ட் எவ்ரிதிங் எல்ஸ் – செப்டம்பர் 12

இளமை முதல் முதுமை வரை நீடிக்கும் இரண்டு நண்பர்களின் வாழ்க்கையையும், அவர்களுக்கிடையேயான பாசத்தையும், மோதல்களையும் சித்தரிக்கும் உணர்ச்சிப்பூர்வமான நாடகம். கிம் கோ-யூன், பார்க் ஜி-ஹ்யூன் ஆகியோர் நடித்துள்ளனர்.

மெட்டீரியலிஸ்ட்ஸ் – செப்டம்பர் 13

டகோட்டா ஜான்சன், பெட்ரோ பாஸ்கல், கிறிஸ் எவன்ஸ் ஆகியோர் நடித்துள்ள இந்தப் படம் நியூயார்க்கில் நடக்கும் முக்கோணக் காதல் கதை. ஒரு புத்திசாலித்தனமான மேட்ச்மேக்கர் தனக்குப் பொருத்தமான துணையைத் தேர்ந்தெடுப்பதில் சந்திக்கும் சிக்கல்களை இந்தக் கதை விவரிக்கிறது.

ஜியோ ஹாட்ஸ்டாரில் ரிலீஸ் ஆகும் படங்கள்

சு ஃபிரம் சோ - செப்டம்பர் 9

கன்னடத்தில் ராஜ் பி ஷெட்டி தயாரித்து நடித்துள்ள சு ஃபிரம் சோ திரைப்படம் பாக்ஸ் ஆபிஸில் 100 கோடிக்கு மேல் வசூல் அள்ளி சாதனை படைத்திருந்தது. இப்படம் வருகிற செப்டம்பர் 9-ந் தேதி முதல் ஜியோ ஹாட்ஸ்டார் ஓடிடி தளத்தில் ஸ்ட்ரீம் ஆக உள்ளது.

டாஸ்க்

டாஸ்க் என்கிற ஆங்கிலத் திரைப்படமும் இந்த வாரம் ஜியோ ஹாட்ஸ்டாரில் ஸ்ட்ரீம் ஆக உள்ளது. இந்தப் படம் செப்டம்பர் 8-ந் தேதி முதல் ஓடிடியில் ஸ்ட்ரீம் ஆகும் என அறிவிக்கப்பட்டு உள்ளது.