விஜய்யின் வாரிசு படமும் அஜித்தின் துணிவு படமும் ரிலீசுக்கு தயாராகி உள்ள நிலையில், அந்த இரு படங்களின் ரிலீசுக்கு முந்தைய கலெக்ஷன் எவ்வளவு என்பதை இந்த தொகுப்பில் பார்க்கலாம்.
விஜய், அஜித் நடித்துள்ள வாரிசு மற்றும் துணிவு ஆகிய படங்கள் வருகிற ஜனவரி 11-ந் தேதி திரையரங்குகளில் வெளியாகிறது. இப்படங்களின் வெளியீட்டிற்காக இருவரின் ரசிகர்களும் ஆவலுடன் காத்திருக்கின்றனர். ரிலீஸ் வேலைகள் ஒருபக்கம் மும்முரமாக நடைபெற்று வரும் இந்த வேளையில், ரிலீசுக்கு முன் எந்த படம் அதிக கலெக்ஷன் அள்ளி உள்ளது என்பதை பார்க்கலாம்.
விஜய்யின் வாரிசு படத்தை பொறுத்தவரை இப்படத்தின் தமிழ்நாடு உரிமை மட்டும் சுமார் 70 கோடி ரூபாய்க்கு விற்கப்பட்டு உள்ளது. விஜய்க்கு தமிழ்நாடு தவிர கேரளா, கர்நாடகா, ஆந்திராவிலும் அதிகளவிலான ரசிகர் படை இருப்பதால், அங்கும் வாரிசு படம் அதிக விலைக்கு விற்பனை ஆகி உள்ளது. அதன்படி இப்படத்தின் கேரள வெளியீட்டு உரிமை ரூ.6.5 கோடிக்கும், கர்நாடகா உரிமை ரூ.7.5 கோடிக்கும் விற்கப்பட்டுள்ளது.
வாரிசு பட தயாரிப்பாளர் தில் ராஜுவே விநியோகம் செய்யும் ஆந்திரா மற்றும் தெலுங்கானா மாநிலங்களில் இப்படத்தின் உரிமை ரூ.18 கோடிக்கு விற்பனையாகி உள்ளன. அதேபோல் வாரிசு படத்தின் வெளிநாட்டு உரிமைகளும் ரூ. 32 கோடிக்கு விற்பனை ஆகி உள்ளது. இதுதவிர வாரிசு படத்தின் இந்தி உரிமை ரூ.34 கோடிக்கு விற்கப்பட்டுள்ளது, மேலும் இப்படத்தின் ஆடியோ உரிமை ரூ.10 கோடிக்கு டி-சீரிஸ் நிறுவனம் வாங்கி உள்ளது.
இதையும் படியுங்கள்... ‘துணிவு - வாரிசு’க்கு முன்... 6 முறை நேருக்கு நேர் மோதிய ‘விஜய் - அஜித்’ படங்கள் - அதில் அதிக வெற்றி யாருக்கு?
டிஜிட்டல் உரிமையை பொறுத்தவரை வாரிசு படத்தின் ஓடிடி உரிமையை அமேசான் பிரைம் நிறுவனம் ரூ.75 கோடிக்கு வாங்கி உள்ளது. அதேபோல் இதன் சாட்டிலைட் உரிமையை சன் டிவி ரூ.57 கோடிக்கு வாங்கியிருப்பதாக கூறப்படுகிறது. இதன்மூலம் ரிலீசுக்கு முன்பே இப்படம் ரூ.300 கோடிக்கு மேல் கலெக்ஷனை அள்ளி உள்ளது.
இப்படத்துக்கு போட்டியாக ரிலீஸ் ஆக உள்ள அஜித்தின் துணிவு படத்தை பொறுத்தவரை, இப்படத்தின் தமிழக வெளியீட்டு உரிமையை ரெட் ஜெயண்ட் மூவிஸ் நிறுவனம் ரூ.60 கோடிக்கு வாங்கி உள்ளது. அதேசமயம், கேரளா உரிமை ரூ.2.5 கோடிக்கும், கர்நாடக உரிமை ரூ.3.6 கோடிக்கும் விற்பனை ஆகி உள்ளது.
அதேபோல் இந்தி உரிமை ரூ.25 கோடிக்கும், இசை உரிமை 2 கோடிக்கும் விற்கப்பட்டு உள்ளது. ஆந்திரா மற்றும் தெலுங்கானா உரிமைகள் ரூ.3.5 கோடிக்கு விற்கப்பட்டுள்ளது. டிஜிட்டல் உரிமையை பொறுத்தவரை இப்படத்தின் ஓடிடி உரிமையை நெட்பிளிக்ஸ் நிறுவனம் ரூ.65 கோடிக்கு வாங்கி உள்ளது. அதேபோல் சாட்டிலைட் உரிமையை கலைஞர் டிவி ரூ.20 கோடிக்கு வாங்கியுள்ளது. இதன் வெளிநாட்டு உரிமையை லைகா நிறுவனம் ரூ.18 கோடிக்கு வாங்கி இருக்கிறது. இப்படம் ரிலீசுக்கு முன் ரூ.200 கோடி வரை கலெக்ஷன் அள்ளி உள்ளது.
இதையும் படியுங்கள்... 'துணிவு' படத்திற்காக மஞ்சு வாரியருக்கு ஜெட் ஸ்கை பயிற்சி கொடுத்த அஜித்..! அவரே பகிர்துகொண்ட தகவல்!