#Thalapathy66 பட இயக்குநர் இவரா?... ட்விட்டர் ட்ரெண்டிங்கில் தெறிக்கவிடும் விஜய் ரசிகர்கள்...!

தளபதி விஜய்யை வைத்து  படம் இயக்கப்போவது உண்மை தான் என்றும், என் கெரியரின் மிகப் பெரிய படமாக இருக்கும். அந்த படத்தை மிகப்பெரிய பட்ஜெட்டில் தில் ராஜு தயாரிக்கிறார் என்றும் தெரிவித்திருந்தார். 

thalapathy 65

மாஸ்டர் படத்தின் சூப்பர் டூப்பர் வெற்றியைத் தொடர்ந்து தளபதி விஜய் ’கோலமாவு கோகிலா’ படத்தை இயக்கிய நெல்சன்  திலீப்குமார் இயக்கத்தில் நடித்து வருகிறார். இதில் விஜய்க்கு ஜோடியாக பூஜா ஹெக்டே நடித்து வருகிறார். அனிருத் இசை அமைக்கும் இந்தப் படத்துக்கு மனோஜ் பரமஹம்சா ஒளிப்பதிவு செய்கிறார். கதாநாயகியாக பூஜா ஹெக்டே நடிக்கிறார்.

Thalapathy 65

சன் பிக்சர்ஸ் நிறுவனம் தயாரித்து வரும் இந்த படத்தின் முதற்கட்ட படப்பிடிப்பு ஜார்ஜியாவில் நிறைவடைந்தது. இரண்டாம் கட்ட படப்பிடிப்பிற்காக சென்னையில் பிரம்மாண்ட செட் அமைக்கும் பணிகள் தீவிரமாக நடைபெற்றுவருவதாக தகவல்கள் வெளியாகின. 

Thalapathy 65

ஜூலை 22ம் தேதி தளபதி விஜய்யின் பிறந்தநாளை முன்னிட்டு,அதற்கு முதல் நாளே தளபதி 65 படத்தின் ஃபர்ஸ்ட் லுக் போஸ்டர் வெளியிடப்பட்டது.  ‘பீஸ்ட்’ என தலைப்பிடப்பட்ட படத்தில் விஜய் பனியன் அணிந்தபடி, துப்பாக்கியுடன் மிரட்டலாக இருக்கும் போஸ்டர் வெளியாகி தாறுமாறு வைரலானது. 

Thalapathy 66

இதற்கிடையில் பிரபல தெலுங்கு இயக்குநர் வம்சி பைடிபல்லி சென்னைக்கு வந்து விஜய்யை சந்தித்து கதை சொன்னதாகவும், அது அவருக்கு மிகவும் பிடித்துப் போய் நாம் இந்த படத்தை கண்டிப்பாக செய்கிறேன் என வாக்கு கொடுத்ததாகவும் தகவல் வெளியானது. இந்த படத்தை தெலுங்கில் பிரபல தயாரிப்பாளரான தில் ராஜு தயாரிக்க உள்ளதாகவும் கூறப்பட்டது. 

Thalapathy 66

கடந்த சில மாதங்களுக்கு பேட்டி ஒன்றில் கூட தளபதி விஜய்யை வைத்து  படம் இயக்கப்போவது உண்மை தான் என்றும், என் கெரியரின் மிகப் பெரிய படமாக இருக்கும். அந்த படத்தை மிகப்பெரிய பட்ஜெட்டில் தில் ராஜு தயாரிக்கிறார் என்றும் தெரிவித்திருந்தார். 

Thalapathy 66

இந்நிலையில் பிரபல பாடகரும், நடிகருமான கிரிஷ் தன்னுடைய நண்பரான வம்சி பைடிபல்லிக்கு கூறியுள்ள பிறந்தநாள் வாழ்த்து செய்தியில், பிறந்தநாள் வாழ்த்துக்கள். எனக்கு பிடித்தமான நபர் மற்றும் இயக்குநரான வம்சி பைடிபல்லிக்கு இந்த ஆண்டு சிறப்பானதாக அமைய வாழ்த்துக்கள். விஜய் உடனான உன்னுடைய அடுத்த படத்திற்கு காத்திருக்கிறேன் வாழ்த்துக்கள் என பதிவிட்டுள்ளார். இதையடுத்து ட்விட்டரில் #Thalapathy66
 #MrPerfectThalapathyVijay போன்ற ஹேஷ்டேக்குகளை தளபதி ரசிகர்கள் ட்ரெண்ட் செய்து வருகின்றனர்.