மாடர்ன் அரண்மனை போல் உள்ளது நெப்போலியனின் அமெரிக்க வீடு, அந்த வீட்டில் உள்ள சிறப்பம்சங்களை இந்த தொகுப்பில் பார்க்கலாம்.
நடிகர் நெப்போலியன் தமிழ் திரையுலகில் பல்வேறு வெற்றிப்படங்களில் நடித்திருக்கிறார். அதுமட்டுமின்றி அரசியலிலும் பிசியாக இருந்து வந்த நெப்போலியன் மத்திய அமைச்சராகவும் பதவி வகித்துள்ளார். இவர் கடந்த சில ஆண்டுகளுக்கு முன் குடும்பத்துடன் அமெரிக்காவில் குடியேறிய நெப்போலியன் படங்களில் நடிப்பதை குறைத்துக் கொண்டு, அங்கு பிசினஸ் செய்ய தொடங்கிவிட்டார்.
தற்போது அமெரிக்காவில் சக்சஸ்புல் பிசினஸ் மேனாக வலம் வரும் நெப்போலியனுக்கு குணால், தனுஷ் என இரண்டு மகன்கள் உள்ளனர். இதில் தனுஷ் என்பவர் மாற்றுத்திறனாளி ஆவார். இவர் யூடியூப் பிரபலம் இர்பானின் தீவிர ரசிகராம். தற்போது அமெரிக்காவில் சுற்றுப்பயணம் மேற்கொண்டுள்ள இர்பானை, வீட்டிற்கு அழைத்துவர ஆசைப்பட்டாராம் தனுஷ்.
மகனின் ஆசைக்கு ஏற்ப இர்பானிடம் பேசி வீட்டிற்கு அழைத்து வந்த நெப்போலியன், அவருக்கு தனது வீட்டை சுற்றிக் காட்டி உள்ளார். அதனை வீடியோவாக எடுத்து தனது யூடியூபில் வெளியிட்டுள்ளார் இர்பான். அந்த வீடியோ தான் டிரெண்டிங்கில் உள்ளது. இந்த வீட்டை தனது மகன் தனுஷுக்காக பார்த்து பார்த்து கட்டியுள்ளார் என்று சொல்வதை விட செதுக்கியுள்ளார் என்று சொல்வது தான் சரியாக இருக்கும். அந்த அளவுக்கு மாடர்ன் அரண்மனை போல் உள்ளது நெப்போலியனின் அமெரிக்க வீடு. அந்த வீட்டில் உள்ள சிறப்பம்சங்களை இந்த தொகுப்பில் பார்க்கலாம்.
சன் ரூம்
அமெரிக்காவில் பொதுவாக சூர்ய வெளிச்சம் வீட்டுக்குள் வரும் வகையில் ஒரு அறை ஒன்று இருக்குமாம். அந்த அறை நடிகர் நெப்போலியனின் வீட்டிலும் உள்ளது. அது தான் நெப்போலியனின் பேவரைட் ஸ்பாட்டாம். அதிலிருந்து வீட்டின் வெளிப்புற அழகையும் ரசிக்க முடியுமாம்.
நீச்சல் குளம்
வீட்டின் பின்புறத்தில் அழகான நீச்சல் குளமும் அமைந்துள்ளது. அதில் நீர் அருவி போல் கொட்டுவது போலும் வடிவமைக்கப்பட்டு பார்க்கவே மிகவும் அழகாக உள்ள அந்த நீச்சல் குளத்தின் அருகே பார்ட்டி ஏரியாவும் உள்ளது. நண்பர்கள் வந்தால் அவர்களுடன் சேர்ந்து ஜாலியாக அந்த பார்ட்டி ஏரியாவில் பேசி பொழுதை கழிப்போம் என்கிறார் நெப்போலியன்.
மாற்றுத்திறனாளி மகனுக்காக பிரத்யேக லிஃப்ட்
வீட்டில் மொத்தம் மூன்று மாடிகள் உள்ளன. இந்த மூன்று மாடிகளுக்கு தனது மகன் சிரமமின்றி சென்று வர பிரத்யேக லிஃப்ட் வசதியை ஏற்பாடு செய்துள்ளார் நெப்போலியன். அதுதவிர அவர் நீச்சல் குளம் அருகே வரவும் தனியாக குட்டி லிஃப்ட் ஒன்றை கட்டி வைத்திருக்கிறார்.
மகனின் வசதிக்காக அதிநவீன பெட்
வீட்டில் தனுஷுக்கென பிரத்யேகமாக பெட்ரூம் இருந்தாலும், அவர் தன்னுடைய பெட்ரூமில் தான் தங்குவார் எனக்கூறிய நெப்போலியன். தனது மகனுக்காக பிரத்யேக பெட் ஒன்றையும் வீட்டில் வாங்கி வைத்துள்ளார். மகன் வசதியாக தூங்க வேண்டும் என்பதற்காக அந்த அதிநவீன பெட்டை வாங்கி இருப்பதாகவும், அதில் பிசியோதெரபி செய்யும் வசதியும் உள்ளதாக நெப்போலியன் கூறியுள்ளார்.
பாத்ரூம்
பாத்டப் உள்பட சகல வசதிகளுடன் கூடிய பாத்ரூம் உள்ளது. அதன் அருகே துணிகளை வைத்துக்கொள்வதற்கான பிரத்யேக அறையும் இருக்கிறது. அனைத்து ரூம்களிலும் இண்டர்காம் வசதியும் உள்ளது.
கப்பலில் வந்த பொருட்கள்
அமெரிக்காவில் குடியேறும்போது இந்தியாவில் இருந்த தங்களது பொருட்கள் அனைத்தையும், கப்பலில் தான் கொண்டு வந்ததாக நெப்போலியன் தெரிவித்துள்ளார். அதில் அரசிடம் அனுமதி வாங்கி சில சிலைகளை கொண்டுவந்ததாகவும் அவர் கூறினார்.
4 சொகுசு கார்கள்
மகன்களுக்கு தனித்தனி கார்களை வாங்கி கொடுத்துள்ள நொப்போலியன், ஒருவருக்கு பென்ஸ் கார் உள்ளதாகவும், மற்றொரு மகனுக்கு டெஸ்லா கார் இருப்பதாகவும் கூறினார். தனது பயன்பாட்டிற்காக ஒரு டொயோட்டா காரும், குடும்பத்தினர் சென்று வர லிஃப்ட் வசதியுடன் கூடிய ஒரு வேன் ஒன்று வைத்திருக்கிறார் நெப்போலியன்.
ஒயின் அறை
வீட்டின் கீழ் தளத்தில் ஒயின் அறை ஒன்றும் உள்ளது. அமெரிக்காவில் தினசரி ஒயின் சாப்பிடும் பழக்கம் உள்ளதாம். தனக்கு அந்த பழக்கம் இல்லை என்றாலும் தன் வீட்டிற்கு வரும் நண்பர்கள் அருந்துவதற்காக விதவிதமான ஒயின் பாட்டில்களை வாங்கி அடுக்கி வைத்துள்ளார் நெப்போலியன்.
ஹோம் தியேட்டர்
வீட்டிற்குள்ளேயே தியேட்டரும் உள்ளது. இதில் தான் நடித்த படங்களின் போஸ்டர்கள் சிலவற்றை பிரேம் போட்டு மாட்டி வைத்துள்ளார் நெப்போலியன். தனது பசங்க இருவரும் விடுமுறை நாட்களில் முழுவதும் இங்கு தான் இருப்பார்கள் என்றும் அவர் கூறினார்.
பேஸ்கட் பால் கோர்ட்
நெப்போலியனின் வீட்டில் உள்ள முக்கியமான இடம் என்றால் அது அங்குள்ள பேஸ்கட் பால் கோர்ட் தான். ஒர்ஜினல் பேஸ்கட் பால் அரங்கையே வீட்டிற்குள் கட்டி வைத்துள்ளனர். தான் சிறுவயதில் இருந்தே பேஸ்கட் பால் பிளேயர் என்பதாலும் தனது மகனுக்கும் அதன்மீது ஆர்வம் இருந்ததன் காரணமாக இந்த கோர்ட் தங்களுக்கு பயனுள்ளதாக இருக்கிறது என அவர் கூறியுள்ளார்.