நடிகர் சூர்யா நடிப்பில் வெளியாகியுள்ள 'சீன்' திரைப்படம் உலகளவில் முதல் மூன்று நாட்களில் ₹145+ கோடிக்கு மேல் வசூலித்துள்ளதாகத் தயாரிப்பு நிறுவனம் அதிகாரப்பூர்வமாக அறிவித்துள்ளது.
ஒரே ஆண்டில் 3 முறை ரூ.100 கோடி கிளப்; சூர்யாவின் அசுர பாக்ஸ் ஆபிஸ்!
தமிழ் சினிமாவின் முன்னணி நட்சத்திரமான நடிகர் சூர்யா, தனது அசாத்திய நடிப்பாற்றலாலும் தேர்ந்தெடுத்த திரைப்படங்களாலும் வசூல் உலகை மீண்டும் தனது கட்டுப்பாட்டுக்குள் கொண்டுவந்துள்ளார். ஒரே ஆண்டிற்குள் அடுத்தடுத்து 3 படங்கள்... அவை மூன்றுமே தலா ரூ.100 கோடிக்கு மேல் வசூல் சாதனை என்பது சாதாரண விஷயம் இல்ல. தற்போது வெளியாகியுள்ள சீன் திரைப்படம், உலகளவில் முதல் 3 நாட்களில் மட்டும் ரூ.145+ கோடிக்கும் மேல் வசூலித்துள்ளதாகத் தயாரிப்பு நிறுவனம் அதிகாரப்பூர்வமாக அறிவித்துள்ளது திரையுலக வட்டாரத்தில் பெரும் அதிர்வலையை ஏற்படுத்தியுள்ளது.
24
ஆரோக்கியமான வசூல் வளர்ச்சி: Day 3 > Day 2 > Day 1
பொதுவாக முன்னணி நடிகர்களின் படங்களுக்கு முதல் நாளில் அதீத ஓப்பனிங் இருப்பதும், அடுத்தடுத்த நாட்களில் வசூல் சற்று குறைவதும் இயல்பான ஒன்று. ஆனால், 'சீன்' படத்தின் வசூல் நிலவரம் முற்றிலும் மாறுபட்ட ஆரோக்கியமான பாக்ஸ் ஆபிஸ் டிரெண்ட்டை (Box Office Trend) வெளிப்படுத்தியுள்ளது. முதல் நாள், 2-ம் நாளை விட, 3-ம் நாளில் படத்தின் வசூல் கணிசமாக உயர்ந்திருக்கிறது.
குறிப்பாக தமிழ்நாட்டிலும் Day 3 > Day 2 > Day 1 என்ற ஏறுமுகமான வளர்ச்சிப் பாதையில் படம் பயணித்து வருகிறது. திரையுலக வர்த்தகப் பகுப்பாய்வாளர்கள் (Box Office Trackers) வெளியிடவிருக்கும் வசூல் கணக்கிற்கும், தயாரிப்பு நிறுவனம் வெளியிட்டுள்ள அதிகாரப்பூர்வ எண்ணிக்கைக்கும் பெரிய அளவில் வித்தியாசம் இருக்காது என்றே கணிக்கப்படுகிறது.
34
மிகைப்படுத்தல் இல்லாத நிஜமான வசூல் நிலவரம்!
திரைப்பட தயாரிப்பு நிறுவனங்கள் தங்களது புதிய படத்தின் வசூலை அறிவிக்கும்போது, முந்தைய படங்களின் சாதனைகளைத் தூக்கிச் சாப்பிடுவது போல மிகைப்படுத்திக் காட்டுவது வழக்கம். ஆனால், இந்நிறுவனம் வெளியிட்ட முந்தைய படமான 'கருப்பு' முதல் 3 நாட்களில் ரூ.147 கோடி வசூலித்ததாக அறிவித்திருந்த நிலையில், தற்போது 'சீன்' படத்திற்கு மிகைப்படுத்தாமல் எதார்த்தமாக ரூ.145+ கோடி என்று அறிவித்திருப்பது கவனிக்கத்தக்க விஷயம். நம்பகத்தன்மை கொண்ட இந்த அறிவிப்பு, படத்தின் அசல் வெற்றியைத் தெளிவாக உணர்த்துகிறது.
வார இறுதி நாட்களைத் தாண்டி, வாரப் பணி நாளான நான்காம் நாளிலும் (Day 4) முன்பதிவு மிகவும் வலுவாக நீடிக்கிறது. இதே வேகம் நீடித்தால், அடுத்தடுத்த புதிய பாக்ஸ் ஆபிஸ் மைல்கற்களைத் தொடுவது உறுதி. வசூல் எண்களைத் தாண்டி, ஒரு நடிகராகவும் சிறந்த கலைஞராகவும் (Performer) சூர்யா மீண்டும் தனது 'பீக் ஃபார்முக்கு' (Peak Form) திரும்பியிருப்பதுதான் ரசிகர்களுக்கு எல்லையற்ற மகிழ்ச்சியைத் தந்துள்ளது.
மிகக் குறுகிய கால இடைவெளியில், ஒரே ஆண்டில் தொடர்ந்து மூன்று ரூ.100 கோடி வசூல் படங்களைக் கொடுத்துள்ள சூர்யாவின் இந்தப் பயணம், அவரது மூன்றாவது ரூ.200 கோடி வசூல் சாதனையை நோக்கியும் நகர்ந்து கொண்டிருக்கிறது. இது வெறும் பாக்ஸ் ஆபிஸ் வெற்றி மட்டுமல்ல; தமிழ் சினிமா வரலாற்றில் சூர்யாவின் கம்பீரமான 'தலைமுறை கம்பேக்' (Generational Comeback)!
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
