சுந்தரி சீரியல் நடிகை ஸ்ரீகோபிகாவுக்கு திருமணம் நடந்து முடிந்தது! மாப்பிள்ளை யார் தெரியுமா?

சன் டிவி சீரியல் ஹீரோயின் ஸ்ரீகோபிகாவுக்கு திருமணம் நடந்து முடிந்துள்ள நிலையில், இவரது திருமண புகைப்படங்கள் வெளியாகி வைரலாகி வருகிறது.  

Shree Gopika

கேரள மாநிலம் பாலக்காடை சேர்ந்த நடிகை ஸ்ரீகோபிகா நீலநாத், ஒரு மாடலாக தன்னுடைய கேரியரை துவங்கி, பின்னர் நடிகை ஓவியா நடிப்பில் வெளியான அடல்ட் காமெடி திரைப்படமான 90 எம் எல் என்கிற திரைப்படத்தின் மூலம் தமிழ் சினிமாவில் அறிமுகமானார். இதைத் தொடர்ந்து வுல்ஃப் என்கிற திரைப்படத்திலும் நடித்தார். ஆனால் இந்த இரண்டு படங்களுமே அடுத்தடுத்து தோல்வியை தழுவியதால், இவரின் கவனம் சீரியல் பக்கம் சென்றது.

Shree Gopika Wedding

இதைத்தொடர்ந்து சன் டிவியில் ஒளிபரப்பான 'சுந்தரி' சீரியலில் நடிக்க துவங்கினார். இந்த சீரியல் ஸ்ரீகோபிகாவுக்கு ரசிகர்கள் மத்தியில் நல்ல வரவேற்பை பெற்று தந்தது. அதேபோல் சுமார் 1000 எபிசோடுகளுக்கு மேல் சன் டிவியில் ஒளிப்பரப்பான, அன்பே வா சீரியலிலும் ஸ்ரீ கோபிகா இரண்டாவது நாயகியாக நடித்திருந்தார். மலையாளத்திலும் இவர் சுந்தரி சீரியல் ஹீரோ ஜிஷு  மேனனுக்கு ஜோடியாக ஒரு சீரியலில் நடித்து வருகிறார்.

Sundari Serial Actress

இந்நிலையில் ஸ்ரீகோபிகாவுக்கும், வருண் தேவ் என்பவருக்கும் கடந்த ஜூன் கடந்த ஜூன் மாதம் திருமண நிச்சயதார்த்தம் நடந்த நிலையில், இவர்களின் திருமணம் நேற்று மிகவும் எளிமையான முறையில் கோவிலில் நடந்து முடிந்துள்ளது. இதை தொடர்ந்து ரசிகர்கள் தங்களின் வாழ்த்துக்களை இவருக்கு தெரிவித்து வருகிறார்கள்.

Tamil cinema latest news

ஸ்ரீகோபிகா, ஜிஷு மேனனின் நெருங்கிய தோழி என்பதால் அவரும் ஸ்ரீ கோபிகா திருமணத்தில் கலந்து கொண்டுள்ளார். இவரது தவிர குடும்ப நண்பர்கள் பலர் கலந்து கொண்டுள்ளனர். இது பெற்றோர் பார்த்து முடிவு செய்த திருமணம் என ஸ்ரீ கோபிகா தெரிவித்துள்ளார்.  ஸ்ரீ கோபிகா - வருண் தேவ் திருமணம் எளிமையாக கோவிலில் நடந்திருந்தாலும் ரிசப்ஷன் பிரம்மாண்டமாக நடத்த திட்டமிடப்பட்டுள்ளதாக கூறப்படுகிறது.