சுந்தரி சீரியலில் நாயகியாக நடித்து பேமஸ் ஆன நடிகை கேப்ரியல்லா செல்லஸ் தன் கணவரை பிரிந்துவிட்டதாக சர்ச்சை எழுந்த நிலையில், அதுபற்றி அவரே பதிவு ஒன்றை போட்டுள்ளார்.
கருப்பாக இருந்தால் ஹீரோயினாக நடிக்க சான்ஸ் கிடைக்காது என்கிற பிம்பத்தை சுக்குநூறாய் உடைத்தெறிந்தவர் தான் கேப்ரியல்லா செல்லாஸ். இவர் சன் டிவியில் ஒளிபரப்பாகும் சுந்தரி சீரியலில் கதாநாயகியாக நடித்து பேமஸ் ஆனார். இவர் தன்னுடைய பயணத்தை தொடங்கியது விஜய் டிவியில் தான். அதில் ஒளிபரப்பான கலக்கப்போவது யாரு நிகழ்ச்சியில் ஒரு போட்டியாளராக கலந்துகொண்டார் கேப்ரியல்லா. அதன் பின்னர் டிக் டாக்கில் விதவிதமான வீடியோ போட்டு ரசிகர்களை இம்பிரஸ் செய்தார் கேப்ரியல்லா.
இதன் பலனாக கேரியல்லாவுக்கு சினிமாவில் நடிக்கவும் வாய்ப்பு கிடைத்தது. அதன்படி லேடி சூப்பர்ஸ்டார் நயன்தாரா உடன் ஐரா என்கிற திரைப்படத்தில் நடித்த கேப்ரியல்லா, பின்னர் சூப்பர்ஸ்டாரின் கபாலி, ராகவா லாரன்ஸ் இயக்கிய காஞ்சனா 3 போன்ற தமிழ் படங்களில் நடித்தார். சினிமாவில் அடுத்தடுத்து வாய்ப்பு கிடைத்தாலும் அவை அனைத்துமே சின்ன சின்ன ரோல்களாக இருந்ததால், சினிமாவுக்கு டாட்டா காட்டிவிட்டு சின்னத்திரை பக்கம் ஒதுங்கினார் கேப்ரியல்லா. அவருக்கு சன் டிவியில் சாக்லேட், சுந்தரி போன்ற சீரியல்களில் ஹீரோயினாக நடிக்க வாய்ப்பு கிடைத்தது.
இதையும் படியுங்கள்... அதிக நாட்கள் ஓடிய சூப்பர் ஹிட் சீரியலை திடீரென முடிவுக்கு கொண்டு வரும் சன் டிவி!
இதில் சுந்தரி சீரியல் தான் கேப்ரியல்லாவுக்கு பெயரையும் புகழையும் பெற்றுத்தந்தது. இந்த சீரியல் கடந்த 2021-ம் ஆண்டு ஆரம்பிக்கப்பட்டது. அதன் முதல் சீசன் கடந்த ஆண்டு முடிவடைந்த நிலையில், அடுத்த சில தினங்களிலேயே அதன் இரண்டாவது சீசன் தொடங்கப்பட்டது. அதிலும் கேப்ரியல்லா தான் கதாநாயகியாக நடித்து இருந்தார். தற்போது சுந்தரி சீரியலின் இரண்டாவது சீசனும் விரைவில் முடிவடைய உள்ளது. இதனிடையே நடிகை கேப்ரியல்லா தனது கணவரை விவாகரத்து செய்து பிரிய உள்ளதாக இணையத்தில் தகவல் ஒன்று பரவி வந்தது.
நடிகை கேப்ரியல்லா சுருளி என்பவரை காதலித்து திருமணம் செய்துகொண்டார். கேப்ரியல்லா குறும்படங்களில் நடித்தபோது அதில் கேமராமேனாக பணியாற்றிய சுருளியுடன் நெருங்கி பழகி வந்தார். அந்த பழக்கம் நாளடைவில் காதலாக மாறியது. இவர்கள் இருவரும் பல்வேறு எதிர்ப்புகளையும் மீறி திருமணம் செய்துகொண்டனர். திருமணத்திற்கு பின் கேப்ரியல்லாவுக்கு பக்கபலமாக இருந்தவர் சுருளி.
இதனிடையே கேப்ரியல்லாவும், சுருளி மனக்கசப்பு ஏற்பட்டு பிரிந்து வாழ்ந்து வருவதாகவும், அவர்கள் விரைவில் விவாகரத்து பெற்று பிரிய உள்ளதாக சமூக வலைதளங்களில் செய்திகள் உலா வந்தன. இதற்கெல்லாம் முற்றுப்புள்ளி வைக்கும் விதமாக தன்னுடைய கணவர் சுருளி உடன் ஜோடியாக எடுத்த புகைப்படத்தை தனது இன்ஸ்டாகிராம் பக்கத்தில் பதிவிட்டு விவாகரத்து சர்ச்சைக்கு முற்றுப்புள்ளி வைத்துள்ளார் நடிகை கேப்ரியல்லா.
இதையும் படியுங்கள்... Gabriella Sellus : சுந்தரி சீரியல் நடிகை கேப்ரியல்லா தொடங்கிய புது பிசினஸுக்கு கிடைக்கும் செம்ம ரெஸ்பான்ஸ்..!