நடிகர் சிம்பு, உடல் எடையை குறைத்து தனது திரைப்பயணத்தில் புதிய அத்தியாயத்தை தொடங்கியுள்ளார். தற்போது வெற்றிமாறன் இயக்கத்தில் அரசன் படத்தில் நடித்து வரும் அவர், அடுத்ததாக ஏ.ஆர்.முருகதாஸ் இயக்கத்தில் புதிய படத்தில் இணைய உள்ளதாக தகவல்கள் வெளியாகியுள்ளன.
தமிழ் சினிமாவில் எப்போதும் பேசுபொருளாக இருக்கும் நடிகர்களில் சிம்பு முக்கியமானவர். விமர்சனங்கள், சர்ச்சைகள், இடைவெளிகள் என பல கட்டங்களை கடந்து வந்த அவரது திரைப்பயணம், கொரோனா காலத்துக்குப் பிறகு முற்றிலும் வேறு திசையில் திரும்பியது. உடல் எடையை குறைத்து, ஒல்லியான தோற்றத்தில் ரசிகர்களை ஆச்சரியப்படுத்திய சிம்பு, “கம்பேக் கிங்” என்ற பெயரை மீண்டும் தக்க வைத்துக் கொண்டார். இந்த மாற்றம் அவருடைய சினிமா அணுகுமுறையிலும் தெளிவாக வெளிப்படத் தொடங்கியது.
27
கதைத்தேர்வில் காட்டும் புதிய கவனம்
முந்தைய காலகட்டத்தில் திட்டமிடல் இல்லாமல் படங்கள் தேர்வு செய்ததாக விமர்சிக்கப்பட்ட சிம்பு, தற்போது கதைகளில் அதிக கவனம் செலுத்தி வருகிறார். கமர்ஷியல் அம்சத்துடன் சேர்த்து கதையின் ஆழம், சமூகப் பின்னணி, கதாபாத்திரத்தின் வலிமை ஆகியவற்றை முக்கியமாக பார்க்கிறார். இதன் விளைவாக ‘அரசன்’, ‘அஸ்வத்’ போன்ற படங்கள் அவரது வரிசையில் இணைந்துள்ளன. இந்தப் படங்கள் மூலம் சிம்பு மீண்டும் ஒரு நிலையான நடிகராக மாறுவார் என்ற நம்பிக்கை உருவாகியுள்ளது.
37
‘அரசன்’ படத்தில் பிஸியான சிம்பு
தற்போது சிம்பு நடித்துவரும் ‘அரசன்’ திரைப்படம், ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. வெற்றிமாறன் இயக்கத்தில் உருவாகும் இப்படம், இரண்டு கட்ட படப்பிடிப்புகளாக திட்டமிடப்பட்டுள்ளதாக கூறப்படுகிறது. முதல் கட்ட படப்பிடிப்பு முடிவடைந்த நிலையில், இரண்டாம் கட்ட படப்பிடிப்பு விரைவில் தொடங்க உள்ளது. கலைப்புலி எஸ். தாணு தயாரிக்கும் இப்படம் தீபாவளி வெளியீடாக வரலாம் என்ற தகவலும் சினிமா வட்டாரத்தில் பரவி வருகிறது.
‘அரசன்’ படப்பிடிப்பை முடித்தவுடன் சிம்பு புதிய கூட்டணியில் இணைய உள்ளதாக தகவல்கள் வெளியாகியுள்ளன. இந்த முறை அவர் கைகோர்க்கப் போவது, இந்திய அளவில் பிரபலமான இயக்குநர் ஏ.ஆர்.முருகதாஸுடன் என கூறப்படுகிறது. அரசியல், சமூக பிரச்சினைகள், மாஸ் ஆக்ஷன் ஆகியவற்றை வலுவாக கையாளும் இயக்குநராக அறியப்படும் முருகதாஸ், சிம்புவின் இமேஜை அடுத்த கட்டத்திற்கு கொண்டு செல்லக் கூடியவர் என ரசிகர்கள் கருதுகின்றனர்.
57
சிம்பு – ஏ.ஆர்.முருகதாஸ்: செம கூட்டணியா?
சிம்புவின் எமோஷனல் நடிப்பு மற்றும் மாஸ் டயலாக் டெலிவரியும், ஏ.ஆர்.முருகதாஸின் வேகமான திரைக்கதையும் சேர்ந்தால், அது ஒரு முழுமையான கமர்ஷியல் ப்ளாக்பஸ்டராக மாறும் என்ற எதிர்பார்ப்பு அதிகரித்துள்ளது. இதுவரை இந்த கூட்டணி அதிகாரப்பூர்வமாக அறிவிக்கப்படாதபோதும், கதையை சிம்பு ஓகே செய்துள்ளார் என்ற தகவல் ரசிகர்களிடையே பரபரப்பை ஏற்படுத்தியுள்ளது.
67
தயாரிப்பாளராக கலைப்புலி எஸ். தாணு
இந்த புதிய படத்தையும் கலைப்புலி எஸ். தாணு தயாரிக்க உள்ளதாக கூறப்படுவது, திட்டத்தின் நம்பகத்தன்மையை மேலும் உயர்த்துகிறது. பிரம்மாண்ட தயாரிப்புகளுக்கும், தரமான படைப்புகளுக்கும் பெயர் பெற்ற தாணு, சிம்புவுடன் தொடர்ந்து பணியாற்றுவது இருவருக்கும் ஒரு வலுவான காம்பினேஷனாக பார்க்கப்படுகிறது. பெரிய பட்ஜெட், தரமான தொழில்நுட்ப குழு, மாஸ் மார்க்கெட்டிங் ஆகியவை இந்த படத்தில் எதிர்பார்க்கப்படுகின்றன.
77
ரசிகர்களின் எதிர்பார்ப்பு உச்சத்தில்
சிம்பு மீண்டும் பழைய ஃபார்முக்கு திரும்பியுள்ள நிலையில், இந்த புதிய கூட்டணி அவரது கரியரில் முக்கிய திருப்புமுனையாக அமையலாம். ‘அரசன்’ படத்திற்குப் பிறகு ஏ.ஆர்.முருகதாஸுடன் இணையும் வாய்ப்பு உறுதியானால், அது சிம்புவின் மார்க்கெட் மதிப்பை மீண்டும் உயர்த்தும் என சொல்லப்படுகிறது. அதிகாரப்பூர்வ அறிவிப்புக்காக ரசிகர்கள் ஆவலுடன் காத்திருக்க, தமிழ் சினிமாவில் அடுத்த பெரிய அப்டேட் விரைவில் வெளியாகும் என்ற எதிர்பார்ப்பு நிலவுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
