ஏகே 62-வில் இருந்து தன்னை தூக்கிவிட்டதால் செம்ம அப்செட்டில் இருக்கும் விக்னேஷ் சிவன், தன்னை நீக்கியவர்களுக்கு தரமான பதிலடி கொடுக்க தயாராகி வருகிறாராம்.
இயக்குனர், பாடலாசிரியர், தயாரிப்பாளர் என பன்முகத்திறமை கொண்ட கலைஞனாக வலம் வருபவர் விக்னேஷ் சிவன். சிம்புவின் போடா போடி மூலம் திரையுலகில் இயக்குனராக எண்ட்ரி கொடுத்த விக்கி, அடுத்ததாக விஜய் சேதுபதியை வைத்து நானும் ரெளடி தான் என்கிற கமர்ஷியல் படத்தை கொடுத்ததன் மூலம் பாபுலர் ஆனார். இதையடுத்து சூர்யாவை வைத்து தானா சேர்ந்த கூட்டம் படத்தை இயக்கினார்.
25
அப்படம் பெரியளவில் வெற்றியடையாததால், மீண்டும் விஜய் சேதுபதி உடன் கூட்டணி அமைத்த விக்கி, அவரை வைத்து காத்துவாக்குல ரெண்டு காதல் என்கிற ரொமாண்டிக் திரைப்படத்தை இயக்கினார். அவரின் ரவுடி பிக்சர்ஸ் நிறுவனமும், செவன் ஸ்கிரீன் ஸ்டூடியோஸ் நிறுவனமும் இணைந்து தயாரித்த இப்படம் கடந்த ஆண்டு ரிலீஸாகி ரூ.60 கோடிக்கு மேல் வசூல் ஈட்டி வெற்றியடைந்தது.
35
இதையடுத்து விக்கிக்கு கிடைத்த ஜாக்பாட் வாய்ப்பு தான் அஜித்தின் ஏகே 62. இப்படத்தை லைகா நிறுவனம் தயாரிக்க உள்ளதாகவும், அனிருத் இப்படத்திற்கு இசையமைக்க உள்ளதாகவும் கடந்தாண்டு மார்ச் மாதமே அறிவிப்பு வெளியானது. அஜித்துடன் பணியாற்ற போகிறோம் என்கிற பெரும் கனவோடு இருந்த விக்னேஷ் சிவனுக்கு அது நிறைவேறாமல் போனது. கடந்த சில வாரத்துக்கு முன்னர் ஏகே 62 படத்தில் இருந்து விக்னேஷ் சிவன் நீக்கப்பட்டு, அவருக்கு பதில் மகிழ் திருமேனி அப்படத்தை இயக்க ஒப்பந்தமாகி உள்ளார்.
விக்னேஷ் சிவன் சொன்ன கதையில் அஜித்துக்கும், லைகா நிறுவனத்துக்கும் ஈடுபாடு இல்லாததால் அவரை இப்படத்தில் இருந்து அவர்கள் நீக்கிவிட்டதாக கூறப்படுகிறது. இதுபற்றிய அதிகாரப்பூர்வ அறிவிப்பு எதுவும் வெளியாகாவிட்டாலும், விக்னேஷ் சிவன் தனது டுவிட்டர் பக்கத்தில் இருந்த அஜித்தின் டிபியை தூக்கியதோடு மட்டுமின்றி பயோவில் ஏகே 62-வை நீக்கிவிட்டு விக்கி 6 என மாற்றியதன் மூலம் அப்படத்தில் இருந்து விலகியதை அறிவித்தார்.
55
ஏகே 62-வில் இருந்து தன்னை தூக்கிவிட்டதால் செம்ம அப்செட்டில் இருக்கும் விக்னேஷ் சிவன், தன்னை நீக்கியவர்களுக்கு தரமான பதிலடி கொடுக்க முடிவெடுத்துள்ள விக்கி, தனது அடுத்த படத்திற்கான வேலைகளை சைலண்டாக தொடங்கிவிட்டாராம். நானும் ரவுடி தான் படத்தின் பாணியில் அனைவரையும் கவரும் விதமான ஒரு கதையை அவர் தயார் செய்து வருவதாகவும் கோலிவுட் வட்டாரத்தில் தகவல்கள் கசிந்துள்ளன. அப்படம் குறித்த அறிவிப்பையும் அவர் விரைவில் வெளியிட உள்ளதாக கூறப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
