Sivakarthikeyan Madharasi Movie Release Date : தளபதி விஜய்யிடமிருந்து துப்பாக்கியை கையில் பெற்ற அதே நாளில் தனது மதராஸி படத்தை சிவகார்த்திகேயன் ரிலீஸ் செய்கிறார். ஆம், அந்த படத்தின் ரிலீஸ் தேதி அறிவிக்கப்பட்டுள்ளது.
ஏ ஆர் முருகதாஸ் - மதராஸி
Sivakarthikeyan Madharasi Movie Release Date : தளபதி விஜய்யிடமிருந்து துப்பாக்கியை கையில் பெற்ற அதே நாளில் தனது மதராஸி படத்தை சிவகார்த்திகேயன் ரிலீஸ் செய்கிறார். ஆம், அந்த படத்தின் ரிலீஸ் தேதி அறிவிக்கப்பட்டுள்ளது. அமரன் படத்தின் வெற்றிக்கு பிறகு மாஸ் ஹீரோக்களில் ஒருவராக அவதாரம் எடுத்திருப்பவர் தான் சிவகார்த்திகேயன். இதுவரையில் சிவகார்த்திகேயனின் எந்தப் படமும் ரூ.150 கோடிக்கு அதிகமாக வசூல் குவித்தது. ஆனால், அதனை முறியடித்து சிவகார்த்திகேயனையும் ஒரு மாஸ் ஹீரோ ரேஞ்சுக்கு கொண்டு சென்றது அமரன் படம் தான்.
சிவகார்த்திகேயனின் 23ஆவது படம்
உலகம் முழுவதும் வெளியான அமரன் படம் ரூ.335 கோடி வரையில் வசூல் குவித்துள்ளது. இந்தப் படத்திற்கு பிறகு சிவகார்த்திகேயன் நடிப்பில் மதராஸி மற்றும் பராசக்தி ஆகிய படங்களில் நடித்து வருகிறார். இதில், சிவகார்த்திகேயனின் 23ஆவது படமாக உருவாகி வந்த படம் தான் மதராஸி. இயக்குநர் ஏ ஆர் முருகதாஸ் இயக்கத்தில் சிவகார்த்திகேயன் நடிப்பில் இந்தப் படம் உருவானது. இதில், சிவகார்த்திகேயனுக்கு ஜோடியாக ருக்மினி வசந்த் நடித்துள்ளார்.
மதராஸி பட்ஜெட்:
மேலும், பிஜூ மேனன், வித்யுத் ஜம்வால், விக்ராந்த், பிரேம் குமார், சஞ்சய், சஞ்சனா நாமிதாஸ் ஆகியோர் பலர் நடித்துள்ளனர். ஸ்ரீ லட்சுமி மூவிஸ் நிறுவனம் இந்தப் படத்தை தயாரித்துள்ளது. ரூ.200 கோடி பட்ஜெட்டில் உருவாக்கப்பட்ட இந்தப் படத்திற்கு அனிருத் இசையமைத்துள்ளார். இந்தப் படத்தின் படப்பிடிப்பு காட்சிகள் முடிந்த நிலையில் தற்போது ரிலீஸ் தேதி குறித்து அறிவிக்கப்பட்டுள்ளது.
மதராஸி ரிலீஸ் தேதி
அதன்படி வரும் செப்டம்பர் 5ஆம் தேதி மதராஸி படம் வெளியாக இருப்பதாக அறிவிக்கப்பட்டுள்ளது. இது குறித்து சிவகார்த்திகேயன் தனது இன்ஸ்டாகிராம் பக்கத்தில் கூறியிருப்பதாவது: மதராஸி படத்தின் புகைப்படத்தை பகிர்ந்து செப்டம்பர் 5ஆம் தேதி ரிலீசாக இருப்பதாக அறிவிக்கப்பட்டுள்ளது. இந்த தேதியில் தான் சிவகார்த்திகேயன் தளபதி விஜய்யிடமிருந்து துப்பாக்கியை பெற்றுக் கொண்டார். கோட் படத்தில் சிறப்பு தோற்றத்தில் வந்த சிவகார்த்திகேயன், தளபதி விஜய்யிடமிருந்து துப்பாக்கியை பெறுவது போன்ற காட்சி இடம் பெற்றிருக்கும்.
தளபதி விஜய்யின் கோட்
தளபதி விஜய்யின் கோட் படம் கடந்த ஆண்டு செப்டம்பர் 5ஆம் தேதி ரிலீசானது. இந்தப் படத்திற்கு பிறகு அமரன் படம் சிவகார்த்திகேயனுக்கு ஹிட் கொடுத்தது. இப்போது அதே நாளில் தான் சிவகார்த்திகேயன் தனது மதராஸீ படத்தையும் ரிலீஸ் செய்கிறார்.
சூர்யாவுக்கு கஜினி, விஜய்க்கு துப்பாக்கி என மைல்கல் படங்களை கொடுத்த ஏ.ஆர்.முருகதாஸ், மதராஸி, சிவகார்த்திகேயன் கெரியரில் முக்கியமான படமாக இருக்கும் என்று கூறியுள்ளார். இப்படத்தின் ப்ரீ ரிலீஸ் பிசினஸ் தற்போதே சூடுபிடிக்க தொடங்கி உள்ளது. அதன்படி அப்படத்தின் வெளிநாட்டு உரிமையை பர்ஸ் பிலிம் நிறுவனம் கைப்பற்றி உள்ளதாக படக்குழுவே அதிகாரப்பூர்வமாக அறிவித்துள்ளது.
சேனலை கிளிக் செய்து பின்தொடரவும்