மார்ச் 14ந் தேதி போட்டி போட்டு ரீ-ரிலீஸ் ஆகும் சிவகார்த்திகேயன் மற்றும் ரவி மோகன் படங்கள்

பராசக்தி படத்தில் இணைந்து நடித்து வரும் சிவகார்த்திகேயன் மற்றும் ரவி மோகனின் கிளாசிக் ஹிட் படங்கள் ஒரே நாளில் ரீ-ரிலீஸ் ஆக உள்ளன.

Sivakarthikeyan and Ravi Mohan Movie Re Release : தமிழ் சினிமாவில் நம்பிக்கை நட்சத்திரமாக வலம் வருபவர் சிவகார்த்திகேயன். இவர் நடித்த படம் வருகிற மார்ச் 14-ந் தேதி ரவி மோகனின் கிளாசிக் ஹிட் படத்தோடு போட்டிபோட்டு ரீ-ரிலீஸ் ஆக உள்ளது.

பொன்ராம் இயக்கத்தில் சிவகார்த்திகேயன் நடித்து கடந்த 2016-ம் ஆண்டு திரைக்கு வந்த படம் ரஜினிமுருகன். அப்படத்திற்கு பாலசுப்ரமணியம் ஒளிப்பதிவு செய்திருந்தார். கீர்த்தி சுரேஷ் ஹீரோயினாக நடித்திருந்தார். சூரி, சமுத்திரக்கனி, தீபா ராமானுஜம், மனோபாலா, நமோ நாராயணா, வேல ராமமூர்த்தி, சுப்ரமணியபுரம் ராஜா, மீனா, பாவன் அனேஜா, நாடோடிகள் கோபால், கஜராஜ், தர்ஷன் உள்பட மிகப்பெரிய நட்சத்திர பட்டாளமே நடித்த இந்த சூப்பர் டூப்பர் ஹிட் படம் தான் வருகிற மார்ச் 14ந் தேதி ரீ-ரிலீஸ் ஆக உள்ளது.

Rajini Murugan Re Release

சிவகார்த்திகேயனின் ரஜினிமுருகன் படத்துக்கு போட்டியாக ஜெயம் ரவி நடித்த எம்.குமரன் சன் ஆஃப் மகாலட்சுமி படமும் அன்றைய தினம் ரீ-ரிலீஸ் ஆக உள்ளது. இப்படத்தை மோகன் ராஜா இயக்கினார். இதில் ஜெயம் ரவியின் அம்மாவாக நதியா நடித்திருந்தார். மேலும் பிரகாஷ் ராஜ், விவேக், அசின் என மிகப்பெரிய நட்சத்திர பட்டாளமே நடித்திருந்த இப்படம் அதிரிபுதிரியான வெற்றியை பெற்றது. இப்படத்திற்கு ஸ்ரீகாந்த் தேவா இசையமைத்து இருந்தார்.

இதையும் படியுங்கள்... லாஸ் ஏஞ்சல்ஸில் இருந்து வந்த அழைப்பு; சர்வதேச அங்கீகாரத்தால் செம குஷியில் அமரன் டீம்!

M kumaran son of mahalakshmi Re Release

சிவகார்த்திகேயன் - ரவி மோகன் படங்கள் ஒரே நாளில் போட்டி போட்டு ரிலீஸ் ஆக உள்ள நிலையில், மறுபுறம் அவர்கள் இருவரும் தற்போது ஒன்றாக நடித்து வருகிறார்கள். சுதா கொங்கரா இயக்கத்தில் உருவாகி வரும் பராசக்தி திரைப்படத்தில் சிவகார்த்திகேயனுக்கு வில்லனாக ரவி மோகன் நடிக்கிறார். இப்படத்தை டான் பிக்சர்ஸ் நிறுவனம் சார்பாக ஆகாஷ் பாஸ்கரன் தயாரிக்கிறார். இப்படத்தில் ஸ்ரீலீலா, அதர்வா ஆகியோரும் முக்கிய கதாபாத்திரத்தில் நடிக்கிறார்கள்.

parasakthi

பராசக்தி படத்தின் படப்பிடிப்பு காரைக்குடி மற்றும் சிதம்பரத்தில் நடைபெற்ற நிலையில், அடுத்தக்கட்ட படப்பிடிப்பிற்காக படக்குழு தற்போது இலங்கைக்கு சென்றுள்ளது. அங்கு சில நாட்கள் படப்பிடிப்பை நடத்த உள்ளார்கள். மே மாதத்திற்குள் இப்படத்தின் பெரும்பாலான ஷூட்டிங் முடிவடைந்துவிடுமாம். அதன் பின்னர் நடிகர் சிவகார்த்திகேயன் மதராஸி படத்தின் இறுதிக்கட்ட படப்பிடிப்பில் பங்கேற்க உள்ளார். மதராஸி படத்தை ஏ.ஆர்.முருகதாஸ் இயக்குகிறார்.

இதையும் படியுங்கள்... பராசக்தி படத்தில் சம்பளமே வாங்காமல் நடிக்கும் சிவகார்த்திகேயன்; ஆனா அதுல ஒரு ட்விஸ்ட் இருக்கு!