நரைத்த தாடியுடன்... கமல் படத்துக்காக உடல் எடை கூடி ஆளே டோட்டலாக மாறிய சிவகார்த்திகேயன் - வைரலாகும் போட்டோஸ்

கமல்ஹாசன் தயாரிப்பில் உருவாகி வரும் புதிய படத்திற்காக உடல் எடை கூடி நடிகர் சிவகார்த்திகேயன் புதிய தோற்றத்தில் காட்சியளிக்கிறார்.

தமிழ் திரையுலகில் முன்னணி நடிகராக வலம் வருபவர் சிவகார்த்திகேயன். அவர் நடிப்பில் கடைசியாக வெளிவந்த பிரின்ஸ் படம் படுதோல்வியை சந்தித்ததால், தற்போது ஹிட் கொடுக்க வேண்டிய கட்டாயத்தில் உள்ளார் சிவா. அவர் நடித்துள்ள மாவீரன் திரைப்படம் ரிலீசுக்கு தயாராகி வருகிறது. மடோன் அஸ்வின் இயக்கியுள்ள இப்படம் வருகிற ஜூலை மாதம் 14-ந் தேதி திரையரங்குகளில் ரிலீசாக உள்ளது. தற்போது அப்படத்திற்கான இறுதிக்கட்ட பணிகள் பிசியாக நடைபெற்று வருகிறது.

மாவீரன் படத்துக்கு பின்னர் சிவகார்த்திகேயன் நடித்த அயலான் திரைப்படம் ரிலீஸ் ஆக உள்ளது. அப்படம் வருகிற நவம்பர் மாதம் தீபாவளி பண்டிகைக்கு திரைக்கு வர உள்ளது. இப்படத்தை ரவிக்குமார் இயக்கி இருக்கிறார். இப்படி அடுத்தடுத்து ரிலீசுக்கு படங்கள் காத்திருக்கும் நிலையில், சிவகார்த்திகேயன் தான் அடுத்ததாக நடிக்கும் எஸ்.கே.21 படத்துக்கான பணிகளில் பிசியாகிவிட்டார். இப்படத்தை ராஜ்குமார் பெரியசாமி இயக்குகிறார்.

இதையும் படியுங்கள்.... Theera Kaadhal Movie Review | தீரா காதல் - மக்கள் திரை விமர்சனம்!

எஸ்.கே. 21 படத்தை கமல்ஹாசனின் ராஜ்கமல் பிலிம்ஸ் நிறுவனம் பிரம்மாண்ட பொருட்செலவில் தயாரிக்கிறது. இப்படத்தில் சிவகார்த்திகேயனுக்கு ஜோடியாக நடிகை நாய் பல்லவி நடிக்கிறார். இப்படத்தின் பணிகளில் கவனம் செலுத்துவதற்காக டுவிட்டரில் இருந்தே சில மாதங்கள் விலகுவதாக அறிவித்தார் சிவா. இப்படத்தின் முதற்கட்ட ஷூட்டிங் காஷ்மீரில் நடைபெற்றது. அங்கு அண்மையில் ஜி20 மாநாடு நடைபெற்றதால், பாதுகாப்பு கருதி படப்பிடிப்புக்கு அனுமதி மறுக்கப்பட்டது.

காஷ்மீரில் அனுமதி மறுக்கப்பட்டதால் சென்னை திரும்பியது படக்குழு. அந்த வகையில் நடிகர் சிவகார்த்திகேயன் சென்னை விமான நிலையம் வந்தபோது அவருடன் ரசிகர், ரசிகைகள் எடுத்துக்கொண்ட புகைப்படங்கள் வைரலாகி வருகின்றன. அதில் நரைத்த தாடி மற்றும் உடல் எடை கூடி காட்சியளிக்கிறார் சிவகார்த்திகேயன். அவரின் லேட்டஸ்ட் புகைப்படங்கள் தான் தற்போது சோசியல் மீடியாவில் டிரெண்டாகி வருகின்றன.

இதையும் படியுங்கள்.... Kazhuvethi Moorkan Review | அருள்நிதி நடிப்பில் ''கழுவேத்தி மூர்க்கன்'' படம் எப்படி இருக்கு?