மடோன் அஸ்வின் இயக்கத்தில் சிவகார்த்திகேயன் நடித்து வரும் மாவீரன் படத்தின் பர்ஸ்ட் சிங்கிள் ரிலீஸ் தேதி குறித்த தகவல் வெளியாகி உள்ளது.
தமிழ் திரையுலகில் முன்னணி நடிகராக வலம் வருபவர் சிவகார்த்திகேயன். இவர் நடிப்பில் இந்த ஆண்டு இரண்டு படங்கள் ரிலீசாகின. அதில் லைகா நிறுவனம் தயாரித்திருப்பில் அவர் நடித்த டான் படம் கடந்த மே மாதம் ரிலீசானது. சிபி சக்ரவர்த்தி இயக்கியிருந்த இப்படம் பாக்ஸ் ஆபிஸிலும் ரூ.100 கோடிக்கு மேல் வசூலித்து பிளாக்பஸ்டர் ஹிட் ஆனது.
இதையடுத்து சிவகார்த்திகேயன் நடிப்பில் தீபாவளி விருந்தாக வந்த படம் தான் பிரின்ஸ். மிகுந்த எதிர்பார்ப்புக்கு மத்தியில் ரிலீசான இப்படம் படு தோல்வியை சந்தித்தது. இப்படத்தை தெலுங்கு இயக்குனர் அனுதீப் இயக்கி இருந்தார். இப்படத்தின் மூலம் தெலுங்கில் ஹீரோவாக அறிமுகமாகி இருந்தார் சிவகார்த்திகேயன். இப்படம் தோல்வி அடைந்ததால் அடுத்ததாக ஹிட் கொடுக்க வேண்டிய கட்டாயத்தில் உள்ளார் எஸ்.கே.
இதையும் படியுங்கள்.... யம்மாடியோ... ஒரு நாளைக்கு இத்தனை லட்சமா? சம்பள விவரத்தை சொன்ன மைனா... ஷாக் ஆன தனலட்சுமி
அந்த வகையில் அவர் நடிப்பில் அடுத்ததாக தயாராகி வரும் படம் மாவீரன். இப்படத்தை மண்டேலா படத்தை இயக்கி இரண்டு தேசியவிருதுகளை வென்ற இயக்குனர் மடோன் அஸ்வின் இயக்கி வருகிறார். இப்படத்தில் நடிகர் சிவகார்த்திகேயனுக்கு ஜோடியாக இயக்குனர் ஷங்கரின் மகள் அதிதி நடிக்கிறார். அதேபோல் வில்லனாக இயக்குனர் மிஷ்கின் நடித்து வருகிறார்.
விறுவிறுப்பாக இப்படத்தின் ஷூட்டிங் நடைபெற்று வரும் நிலையில், இப்படம் குறித்த சில அப்டேட்டுகளும் அடுத்தடுத்து வெளிவந்த வண்ணம் உள்ளன. அதன்படி இப்படத்தை வருகிற 2023-ம் ஆண்டு பிப்ரவரி மாதம் ரிலீஸ் செய்ய திட்டமிட்டுள்ள படக்குழு, இப்படத்தின் முதல் சிங்கிள் பாடலை வருகிற டிசம்பர் 24-ந் தேதி கிறிஸ்துமஸ் பண்டிகைக்கு ரிலீஸ் செய்ய உள்ளார்களாம்.
இதையும் படியுங்கள்.... கல்யாணம் முடிந்த கையோடு கணவருக்கு அல்வா கொடுத்த ஹன்சிகா