சிவகார்த்திகேயன் நடிப்பில் இந்த ஆண்டு துவக்கத்தில் வெளியான திரைப்படம் தான் அயலான். தமிழ் சினிமா ரசிகர்களுக்கு இது ஒரு புதுவிதமான கதைக்களம் என்றாலும், பெரிய அளவில் அந்த படம் வசூல் சாதனை படைக்கவில்லை. ரவிக்குமார் இயக்கத்தில் ஏற்கனவே வெளியான சில சயின்ஸ் பிக்க்ஷன் படங்கள் நல்ல வரவேற்பை பெற்றாலும் அயலான் வசூல் ரீதியாக குறைந்த அளவிலான வரவேற்பே பெற்றது. இந்த சுழலில் தான் அமரன் என்ற படத்தில் நடிக்க ஒப்பந்தமானார் நடிகர் சிவகார்த்திகேயன். அதுவும் உலக நாயகன் கமலின் ராஜ்கமல் நிறுவனம் தயாரிக்கும் படத்தில் நடிக்க அவருக்கு வாய்ப்பு கிடைத்தது. ஏற்கனவே கௌதம் கார்த்தி நடிப்பில் வெளியான "ரங்கூன்" என்ற படத்தை இயக்கி புகழ்பெற்ற ராஜ்குமார் பெரியசாமி இந்த படத்தை இயக்க துவங்கினார்.
தமிழகத்தில் பிறந்து இந்திய ராணுவத்தில் சிறந்த பல பதவிகளை வகித்து வந்து, ஒரு கட்டத்தில் ஜம்மு காஷ்மீரில் நடந்த சண்டையில் வீர மரணம் அடைந்த முகுந்த் வரதராஜனின் வாழ்கை வரலாற்று படத்தில் தான் சிவகார்த்திகேயன் நடிக்க துவங்கினார். இந்த திரைப்படம் ராணுவ வீரர் தொடர்பான திரைப்படம் என்பதால் அதற்கான பிரத்தியேக பயிற்சிகளையும் மேற்கொண்டார் சிவகார்த்திகேயன். கிட்டத்தட்ட 8 மாத படப்பிடிப்பிற்கு பிறகு இந்த தீபாவளி திருநாளுக்கு வெளியானது சிவகார்த்திகேயனின் அமரன் திரைப்படம். உண்மையில் இந்த படம் வெளியான உடனேயே பல சர்ச்சைகளை சந்தித்தது. இன்றளவும் இந்த படம் தொடர்ச்சியாக பல சர்ச்சைகளை சந்தித்து வருவதும் குறிப்பிடத்தக்கது.
34
Mukuth
ஆனால் சர்ச்சைகளை சந்தித்தாலும் சிவகார்த்திகேயனின் அமரன் திரைப்படம் மிக பெரிய வெற்றி திரைப்படமாக மாறியுள்ளது. சிவகார்த்திகேயனின் திரை வாழ்க்கையிலேயே மிகப்பெரிய வசூல் சாதனை படைத்த படமாக மாறியுள்ளது அமரன். இன்று ராஜ்கமல் நிறுவனம் வெளியிட்ட அதிகாரப்பூர்வ தகவலின்படி அமரன் படம் இப்பொது 200 கோடி ரூபாய் பாக்ஸ் ஆஃபீஸ் க்ளப்பில் இணைந்துள்ளது. உலக அளவில் இப்பொது அமரன் திரைப்படம் 200 கோடி ரூபாய் வசூல் செய்துள்ளது. அதுவும் Amaran படம் வெளியான வெறும் 10 நாள்களில் 200 கோடி ரூபாயை அது எட்டியுள்ளது குறிப்பிடத்தக்கது. மேலும் இந்த வார இறுதியிலும் அமரன் திரைப்படம் அரங்கு நிறைந்த காட்சிகளாக வெற்றிநடை போட்டு வருகிறது.
44
Amaran 200 crore
அமரன் பட பணிகளை முடித்துள்ள சிவகார்த்திகேயன் அடுத்தபடியாக தனது 23வது பட பணிகளில் ஈடுபட்டு வருகின்றார். அந்த படத்தை பிரபல இயக்குனர் ஏ.ஆர்.முருகதாஸ் இயக்கி வருகின்றார். அந்த பட பணிகளை முடித்தபிறகு, சிபியுடன் ஒரு படம், அதன் பிறகு சுதா கொங்கராவின் புறநாநூறு படம், வெங்கட் பிரபுவோடு ஒரு திரைப்படம் என்று கிட்டத்தட்ட 6 திரைப்படங்களில் நடிக்க அவர் கமிட்டாகியுள்ளது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
