சமூக வலைதளங்களில் ஆக்டிவாக இருக்கும் பாடகி சின்மயி, நடிகை நயன்தாராவை கிண்டலடித்தவர்களை கடுமையாக சாடி அவர்களுக்கு பதிலடியும் கொடுத்துள்ளார்.
நடிகை நயன்தாராவும் அவரது கணவர் விக்னேஷ் சிவனும் இணைந்து, ரெளடி பிக்சர்ஸ் என்கிற தயாரிப்பு நிறுவனத்தை தொடங்கி அதன்மூலம் படங்களை தயாரித்து வருகின்றனர். அந்த வகையில் இந்த ஆண்டு இவர்கள் தயாரிப்பில் வெளியான காத்துவாக்குல ரெண்டு காதல் திரைப்படம் பிளாக்பஸ்டர் ஹிட் ஆனது. இதையடுத்து இவர்கள் தயாரித்த படம் தான் கனெக்ட்.
நயன்தாரா கதையின் நாயகியாக நடித்துள்ள இப்படத்தை அஸ்வின் சரவணன் இயக்கி உள்ளார். இப்படம் கடந்த டிசம்பர் 22-ந் தேதி திரையரங்குகளில் ரிலீஸ் ஆனது. இதையொட்டி பிரீமியர் ஷோ கடந்த வாரம் திரையிடப்பட்டது. இதில் நயன்தாராவும், விக்னேஷ் சிவனும் ஜோடியாக வந்து கலந்துகொண்டு ரசிகர்களை உற்சாகப்படுத்தினர்.
இந்த பிரீமியர் ஷோவின் போது எடுத்த புகைப்படங்கள் வெளியாகி சமூக வலைதளங்களில் வைரலாகின. குறிப்பாக இந்த பிரீமியர் ஷோவிற்கு நயன்தாரா அணிந்து வந்த உடை பற்றியும், அவரது மார்பகத்தை பற்றியும் நெட்டிசன்கள் ஆபாசமாக கமெண்ட் செய்து வந்தனர். இதற்கு நயன்தாரா ரசிகர்கள் எதிர்ப்பும் தெரிவித்து வந்தனர்.
இதையும் படியுங்கள்... கவர்ச்சி புகைப்படங்களுடன் கிறிஸ்துமஸ் வாழ்த்து சொல்லி... ரசிகர்களை கிறுகிறுக்க வைத்த தர்ஷா குப்தா
அந்த வகையில் சமூக வலைதளங்களில் ஆக்டிவாக இருக்கும் பாடகி சின்மயி, நயன்தாரா பற்றிய வீடியோவை பதிவிட்டிருந்த தனியார் ஊடகம் ஒன்று, தரக்குறைவாக கமெண்ட் செய்பவர்களை விட்டுவிட்டு, அதுபற்றி தட்டிக்கேட்க வந்த தன்னை கமெண்ட் செய்யவிடாமல் தடுத்தது குறித்து கேள்வி எழுப்பி உள்ளார்.
அதுமட்டுமின்றி நயன்தாராவை பற்றி ஆபாசமாக கமெண்ட் செய்தவர்களுக்கு செருப்படி பதில் கொடுக்கும் விதமாக பதிவிட்டுள்ளதாவது : “இது மாதிரி ஆண்களெல்லாம் தாய்ப்பால் குடித்து தான் வளர்ந்தார்களா இல்லையா என்பது ஆச்சர்யமாக உள்ளது. இதுபோன்ற ஆண்களுக்கு பெண் குழந்தை இருந்தால் என்ன ஆவது. மகன்கள் முன்பும், கணவன்மார்கள் முன்பும் மகள்களை அம்மாக்கள் துப்பட்டா அணியச் சொல்வது ஆச்சர்யமில்லை. தங்கள் மகளிடமோ அல்லது சகோதரிகளிடமோ கூட இதுபோன்ற ஆண்களால் உணர்ச்சிகளைக் கட்டுப்படுத்த முடியாதா என கடுமையாக சாடியுள்ளார் சின்மயி.
இதையும் படியுங்கள்... வாரிசு ஆடியோ லாஞ்சில் மறைமுகமாக தான் ஒரு அஜித் ரசிகர் என நிரூபித்த விஜய்... இதை கவனித்தீர்களா?
சேனலை கிளிக் செய்து பின்தொடரவும்