Silambarasan Video : “யார் பெத்த புள்ளையோ?” – வைரலாகும் சிம்புவின் இன்ஸ்டா வீடியோ

Silambarasan Video : தமிழ் சினிமாவின் முன்னணி நட்சத்திரமான நடிகர் சிலம்பரசன், தற்போது தனது இன்ஸ்டாகிராம் பக்கத்தில் பகிர்ந்துள்ள கியூட்டான விடியோ ஒன்று இணையத்தில் பயங்கர ட்ரெண்டாகி வருகிறது.

'அரசன்' படப்பிடிப்புக்கு நடுவே குட்டி பிரேக்

தற்போது சிலம்பரசன், இயக்குநர் வெற்றி மாறன் இயக்கத்தில் உருவாகி வரும் 'அரசன்' திரைப்படத்தில் நடித்து வருகிறார். 'வடசென்னை' பின்னணியை மையமாகக் கொண்டு உருவாகும் இத்திரைப்படத்தின் மீது ரசிகர்களிடையே இப்போதே மிகப்பெரிய எதிர்பார்ப்பு எழுந்துள்ளது.

சென்னையில் விறுவிறுப்பாக நடைபெற்று வரும் இப்படத்தின் படப்பிடிப்பு, சில நாட்கள் இடைவெளி விட்டே நடத்தப்பட்டு வருகிறது. இதற்கு முக்கியக் காரணம், இயக்குநர் வெற்றி மாறன் ஒரே நேரத்தில் நடிகர் கென் கருணாஸை முதன்மைப் பாத்திரமாக வைத்து 'ராஜன் வகையறா' திரைப்படத்தையும் இயக்கி வருவதுதான். இதனால் 'அரசன்' படப்பிடிப்புக்குக் கிடைத்த ஓய்வு நாட்களைக் கழிப்பதற்காக எஸ்டிஆர் வெளிநாடு சென்றுள்ளார். (இதனைத் தொடர்ந்து சிலம்பரசன் அடுத்ததாக இயக்குநர் அஷ்வத் மாரிமுத்து இயக்கத்தில் நடிப்பார் என்றும் எதிர்பார்க்கப்படுகிறது).

வைரலாகும் விடியோவில் என்ன இருக்கிறது?

வெளிநாட்டுக்குச் சுற்றுலா சென்றுள்ள சிலம்பரசன் அங்கிருக்கும் ஒரு கடற்கரையில் ரிலாக்ஸாக நேரத்தைச் செலவிட்டுள்ளார். அப்போது அங்கிருந்த ஒரு குட்டிப் பையன் கடற்கரையில் விளையாடிக்கொண்டே, தன்னிடம் இருந்த சில கற்களை திடீரென சிலம்பரசனிடம் கொண்டு வந்து கொடுத்துள்ளான்.

சற்றும் எதிர்பாராத எஸ்டிஆர், அந்தச் சிறுவன் கொடுத்த கற்களைப் புன்னகையோடு வாங்கிக்கொண்டு:

"இதை வச்சு நான் என்ன பண்றது? யார் பெத்த புள்ளையோ..."

என்று செல்லமாகக் கலாய்த்துக் பேசியுள்ளார்.

சிலம்பரசன் தனது சமூக வலைத்தள பக்கத்தில் பகிர்ந்துள்ள இந்தச் சுவாரசியமான மற்றும் கியூட்டான விடியோதான் தற்போது எஸ்டிஆர் ரசிகர்களால் சோசியல் மீடியாவில் செம வேகமாகப் பகிரப்பட்டு, லைக்குகளைக் குவித்து வருகிறது.