பிச்சைக்காரன் 2 படப்பிடிப்பில் விபத்து..! விஜய் ஆன்டனி படுகாயம் அடைந்ததாக வெளியான தகவலால் பரபரப்பு!

நடிகரும் இசையமைப்பாளருமான, விஜய் ஆண்டனிக்கு 'பிச்சைக்காரன் 2' படப்பிடிப்பின் போது விபத்து ஏற்பத்துள்ளதாக வெளியாகி உள்ள தகவல், தற்போது திரையுலகினர் மற்றும் ரசிகர்கள் மத்தியில் பரபரப்பை ஏற்படுத்தி உள்ளது.

தமிழ் சினிமாவில் பன்முக கலைஞராக இருப்பவர் விஜய் ஆண்டனி, கடந்த 2005 ஆம் ஆண்டு வெளியான, 'சுக்கிரன்' படத்தின் மூலம் இசையமைப்பாளராக அறிமுகமான விஜய் ஆண்டனி, பின்னர் திரிஷ்யம், இருவர் மட்டும், நான் அவன் இல்லை, போன்ற பல படங்களுக்கு இசையமைத்து முன்னணி இசையமைப்பாளர்கள் பட்டியலில் இடம் பிடித்தார்.

இந்நிலையில் தற்போது இசையமைப்பாளராக மட்டுமின்றி நடிகராகவும் பிஸியாகியுள்ள விஜய் ஆண்டனி நடிப்பில், வெளியான 'திமிரு புடிச்சவன்', 'கொலைகாரன்' போன்ற படங்கள் படங்களுக்கு நல்ல வரவேற்பு கிடைத்த நிலையில், தற்போது பிச்சைக்காரன் 2 ,கொலை, ரத்தம், மழை பிடித்த மனிதன், வள்ளி மயில் உள்ளிட்ட படங்களில் பரபரப்பாக நடித்து வருகிறார்.

விஜய் ஆண்டனி திரையுலக  வாழ்க்கையில் மிகப்பெரிய திருப்புமுனையாக அமைந்த திரைப்படம் என்றால் அது இயக்குனர் சசி இயக்கத்தில் விஜய் ஆண்டனி நடித்த பிச்சைக்காரன் திரைப்படம் தான். 2016 ஆம் ஆண்டு வெளியான இந்த படம், ரசிகர்கள் மத்தியில் நல்ல வரவேற்பையும், வசூலையும், பெற்ற நிலையில்... தற்போது இந்த படத்தில் இரண்டாம் பாகம் விறுவிறுப்பாக எடுக்கப்பட்டு வருகிறது.

இந்நிலையில் இப்படத்தின் படப்பிடிப்பு ஸ்ரீலங்காவில் விறுவிறுப்பாக நடந்து வரும் நிலையில், இன்று படப்பிடிப்பில் பெரும் விபத்து ஏற்பட்டதாக வெளியாகி உள்ள தகவல் பரபரப்பை ஏற்படுத்தி உள்ளது. இதில் விஜய் ஆண்டனி மற்றும் கதாநாயகி இருவருக்கும் படுகாயம் ஏற்பட்டதாகவும், இதைத்தொடர்ந்து ஏர் ஆம்புலன்ஸ் மூலம் அவர்கள் இருவரும் கோலாலம்பூருக்கு கொண்டு செல்லப்பட்டதாகவும் மலேஷியாவில் இருந்து வரும் தகவல்கள் தெரிவிக்கிறது. இந்த தகவல் திரையுலகினர் மற்றும் ரசிகர்கள் மத்தியில் பரபரப்பை ஏற்படுத்தியுள்ளது.