கணவர் நடித்த துணிவு படத்தை பிரிவியூ ஷோ பார்த்த மனைவி ஷாலினி!
First Published Jan 9, 2023, 11:32 AM ISTதனது கணவர் அஜித் குமார் நடிப்பில் உருவாகியுள்ள துணிவு படத்தை ஷாலினி சென்னையில் உள்ள 4 பிரேம்ஸ் திரையரங்கில் பிரிவியூ ஷோ பார்த்து ரசித்துள்ளார்.
தனது கணவர் அஜித் குமார் நடிப்பில் உருவாகியுள்ள துணிவு படத்தை ஷாலினி சென்னையில் உள்ள 4 பிரேம்ஸ் திரையரங்கில் பிரிவியூ ஷோ பார்த்து ரசித்துள்ளார்.
அஜித் குமார் நடித்துள்ள துணிவு படம் பொங்கல் பண்டிகையை முன்னிட்டு வரும் 11 ஆம் தேதி உலகம் முழுவதும் வெளியாகிறது. இயக்குநர் ஹெச் வினோத் இயக்கத்தில் உருவாக்கப்பட்டுள்ள இந்தப் படத்தை தயாரிப்பாளர் போனி கபூர் தயாரித்துள்ளார்.
ஜிப்ரான் இந்தப் படத்திற்கு இசையமைத்துள்ளார். துணிவு படத்தில் இடம் பெற்றுள்ள ஜில்லா ஜில்லா, காசேதான் கடவுளடா, கேங்க்ஸ்டா ஆகிய பாடல்கள் வெளியாகி ரசிகர்களிடையே நல்ல வரவேற்பு பெற்றுள்ளன. பாடல்கள் மட்டுமின்றி பாடலுக்கு அஜித் ஆடிய நடனமும் ரசிகர்களை வியக்க வைக்கும் வகையில் அமைந்துள்ளது.
அஜித்துடன் இணைந்து மஞ்சு வாரியர், சமுத்திரக்கனி, பிரேம் குமார், பகவதி பெருமாள், ஜிபி முத்து, மோகன சுந்தரம், அஜய், சிபி புவனா சந்திரன், சிராக் ஜானி, மமதி சாரி, மகாநதி சங்கர் ஆகியோர் பலர் நடித்துள்ளனர். முழுக்க முழுக்க பொழுதுபோக்கு படமாக உருவாக்கப்பட்டுள்ள இந்தப் படத்தில் வங்கி கொள்ளை காட்சிகள் இடம் பெற்றுள்ளன. அதுவும், வெளிநாட்டு வங்கியில் கொள்ளையடிப்பது போன்று காட்சிகள் அமைக்கப்பட்டுள்ளது.
துணிவு படத்தின் டிரைலர் வெளியாகி ரசிகர்களிடையே நல்ல வரவேற்பு பெற்ற நிலையில், டிரைலரில் வரும் காட்சிகள், படமாக்கப்பட்ட விதம் எல்லாமே பிரமாதம். 1.52 நிமிடம் ஓடும் இந்த டிரைலர் முழுவதிலும் வங்கியில் கொள்ளையடிப்பதையும், போலீஸ், மிலிட்டரியிடம் பேசுவது போன்றும் காட்சிகள் உருவாக்கப்பட்டுள்ளது.
துணிவு படத்தின் முதல் பாதி அஜித் ரசிகர்களுக்காகவும், 2 ஆம் பாதி அனைத்து தரப்பு ரசிகர்களையும் கவரும் வகையில் காட்சிபடுத்தப்பட்டுள்ளதாக இயக்குநர் கூறியிருக்கிறார்.
ஆகையால், தான் இந்தப் படம் ரசிகர்கள் கொண்டாடும் ஒரு படமாக விளங்குகிறது என்பது குறிப்பிடத்தக்கது. இந்தப் படத்தில் சென்டிமெண்ட் காட்சிகளுக்குப் பதில் ஆக்ஷன் காட்சிகள் தான் அதிகளவில் இருக்கும் என்று எதிர்பார்க்கப்படுகிறது.
இந்த நிலையில், அஜித் குமார் நடித்துள்ள துணிவு படத்தை அவரது மனைவி ஷாலினி, மகள் அனோஷ்கா மற்றும் மேனேஜர் சுரேஷ் சந்திரா உள்பட நெருங்கிய உறவினர்கள் சென்னையில் உள்ள 4 பிரேம்ஸ் (Four Frames) திரையரங்கில் பிரிவியூ ஷோ சென்று பார்த்து ரசித்துள்ளார்.
அஜித்தின் மேனேஜரான சுரேஷ் சந்திரா துணிவு படத்தை பிரிவியூ ஷோ சென்று பார்த்துள்ளார். அப்போது அஜித் ரசிகர்கள் அவருடன் செல்ஃபி எடுத்துக் கொண்டனர்.