அஜித்தின் ஏகே 62 மூலம் மீண்டும் காமெடியனாக களமிறங்கும் சந்தானம்... அதற்கு அவர் கேட்ட சம்பளம் இத்தனை கோடியா?

ஏகே 62 படத்தில் அஜித்துடன் நடிக்க நடிகர் சந்தானம் வாங்கி உள்ள சம்பளம் குறித்த தகவல் வெளியாகி கோலிவுட்டில் பரபரப்பாக பேசப்பட்டு வருகிறது.

போடா போடி, நானும் ரவுடி தான், தானா சேர்ந்த கூட்டம், காத்துவாக்குல ரெண்டு காதல் போன்ற திரைப்படங்களை இயக்கியவர் விக்னேஷ் சிவன். இவர் அடுத்ததாக நடிகர் அஜித் உடன் கூட்டணி அமைத்துள்ளார். தற்காலிகமாக ஏகே 62 என பெயரிடப்பட்டுள்ள இப்படத்தின் ஷூட்டிங் வருகிற ஜனவரி 17-ந் தேதி தொடங்கப்பட உள்ளது. 

இப்படத்திற்கான நடிகர், நடிகைகள் தேர்வு தற்போது மும்முரமாக நடைபெற்று வருகிறது. அதன்படி இப்படத்தில் அஜித்துக்கு வில்லனாக அரவிந்த் சாமி நடிக்க உள்ளதாகவும், அதேபோல் சந்தானமும் முக்கிய ரோலில் நடிக்க இருப்பதாகவும் கூறப்பட்டது. விக்னேஷ் சிவன் படங்களில் எப்போதுமே காமெடிக்கு முக்கியத்துவம் இருக்கும், அதனால் இந்த படத்தில் சந்தானத்தின் கேரக்டரும் நகைச்சுவை கதாபாத்திரமாக தான் இருக்கும் என தெரிகிறது.

இதையும் படியுங்கள்... நாமினேட் செய்த கதிரவனை... கிழி கிழினு கிழித்தெடுத்த ஷிவின் - வீடியோ பார்த்து ஷாக்கான பிக்பாஸ் ரசிகர்கள்

சோலோ ஹீரோவாக நடித்த படங்கள் அடுத்தடுத்து தோல்வியை தழுவியதால், தற்போது முன்னணி நடிகர்களுடன் நடித்து இழந்த தன் மார்க்கெட்டை மீண்டும் மீட்டெடுக்கும் முயற்சியில் இறங்கி உள்ள சந்தானம், ஏகே 62 படத்தில் அஜித்துடன் நடிக்க வாங்கி உள்ள சம்பளம் குறித்த தகவல் வெளியாகி கோலிவுட்டில் பரபரப்பாக பேசப்பட்டு வருகிறது.

அதன்படி இப்படத்திற்காக அவருக்கு ரூ.10 கோடி சம்பளமாக பேசப்பட்டு உள்ளதாக கூறப்படுகிறது. இப்படத்தை லைகா நிறுவனம் தயாரிக்கிறது. இப்படத்தில் நடிகர் அஜித் தாதாவாக நடிக்க உள்ளதாக தகவல்கள் தெரிவிக்கின்றன. இருப்பினும் படக்குழு இதுகுறித்து எந்தவித அப்டேட்டையும் வெளியிடவில்லை. துணிவு பட ரிலீசுக்கு பின்னர் தான் ஏகே 62 படம் குறித்த அதிகாரப்பூர்வ அப்டேட்டுகள் வெளியாகும் என எதிர்பார்க்கப்படுகிறது.

இதையும் படியுங்கள்... எத்தனை கஷ்டங்கள் வந்தாலும்.. சினிமா மீதான காதலை இழக்கவில்லை - சாகுந்தலம் பட விழாவில் கண்ணீர்விட்டு அழுத சமந்தா